കരിപ്പൂരിലും രാജമലയിലും മരിച്ചവർക്ക് ആദരാഞ്ജലി അർപ്പിച്ച് യൂസഫലി

അബൂദബി: രാജമലയിൽ ഉരുൾപൊട്ടിയും കരിപ്പൂരിൽ വിമാനം തകർന്നും മരണപ്പെട്ടവർക്ക്​ ലുലു ഗ്രൂപ്പ്​ ചെയർമാൻ എം.എ. യൂസഫലി ആദരാഞ്​ജലികളർപ്പിച്ചു.

ഇടുക്കി രാജമലയിൽ മണ്ണിടിച്ചിൽ അപകടത്തി​െൻറ നടുക്കം മാറും മുൻപേ കരിപ്പൂരിൽ വിമാന ദുരന്തം കൂടി സംഭവിച്ചത്​ വളരെ ദുഖകരവും വിഷമകരവുമായ കാര്യമാണ്​. രണ്ട് അപകടങ്ങളിലും ജീവൻപൊലിഞ്ഞവർക്ക് ആദരാഞ്ജലി അർപ്പിക്കുന്നതോടൊപ്പം പ്രവാസികളടക്കമുള്ള കുടുംബങ്ങളുടെ ദുഖത്തിലും പങ്കുചേരുന്നതായും അദ്ദേഹം അനുശോചനക്കുറിപ്പിൽ അറിയിച്ചു.

പരിക്കേറ്റവർ എത്രയും വേഗം സുഖം പ്രാപിക്കട്ടെയെന്നും യൂസഫലി കൂട്ടിച്ചേർത്തു.