പൈലറ്റല്ല, ദൈവമാണ്​ ഞങ്ങളെ ചതുപ്പിലിറക്കിയത്​ -എം.എ. യൂസുഫലി

ദുബൈ: ഒരുപാട്​ കുടുംബങ്ങളുടെ പ്രാർഥനയാണ്​ ഹെലികോപ്​ടർ അപകടത്തിൽ നിന്ന് തന്നെ രക്ഷിച്ചതെന്നും ദൈവത്തി​െൻറ പരീക്ഷണമായിരുന്നു അതെന്നും വ്യവസായി എം.എ. യൂസുഫലി. 'മീഡിയവൺ' ചാനലിന്​ നൽകിയ അഭിമുഖത്തിലാണ്​ യൂസുഫലി അപകടത്തെ കുറിച്ച്​ മനസ്​ തുറന്നത്​.

വലിയൊരു അപകടമാണ്​ സംഭവിക്കാൻ പോകുന്നതെന്ന്​ ഞങ്ങൾ അറിഞ്ഞിരുന്നില്ല. പൈലറ്റ്​ ഇതേകുറിച്ച്​ മുന്നറിയിപ്പും നൽകിയിരുന്നില്ല. ഹെലികോപ്​ടർ കുലുങ്ങിയതോ​െട കൂടെയുണ്ടായിരുന്ന ഹാരിസ്​ ചോദിച്ചു എന്താണ്​ സംഭവിക്കുന്നതെന്ന്​. മറുപടി എത്തുന്നതിന്​ മുൻപേ ഹെലികോപ്​ടർ നിലംപതിച്ചിരുന്നു.

പൈലറ്റും അപകടം മുൻകൂട്ടി പ്രതീക്ഷിച്ചിരുന്നില്ല. പൈലറ്റി​െൻറ വൈദഗ്​ദ്യത്തേക്കാൾ ദൈവാനുഗ്രഹമാണ്​ അവിടെ പ്രതിഫലിച്ചത്​. എല്ലാം വിധിക്കുന്നത്​ അവനാണല്ലോ. ഹെലികോപ്​ടറിൽ നിന്നിറങ്ങി തന്നെ നടന്നാണ്​ റോഡിലേക്ക്​ പോയത്​. അവിടെ നിന്ന്​ വാഹനത്തിൽ ആശുപത്രിയിലേക്ക്​ കൊണ്ടുപോയി. ഈ സംഭവങ്ങളെല്ലാം നന്നായി ഓർമിക്കുന്നുണ്ട്​. ബോധം നഷ്​ടമായിരുന്നില്ല.

മരുമകൻ ഷംഷീർ വയലിലി​െൻറ നി​ർദേശപ്രകാരമായിരുന്നു ചികിത്സ. ന​ട്ടെല്ലിന്​ പ്രശ്​നമുണ്ടായിരുന്നതിനാൽ കീ ഹോൾ ചെയ്യാമെന്നായിരുന്നു നിർദേശം. അതിനാലാണ്​ അബൂദബിയിലേക്ക്​ പോയത്​. യു.എ.ഇ ഭരണകൂടമാണ്​ വിമാനം അയച്ചത്​. 15ഓളം മെഡിക്കൽ ജീവനക്കാരുമുണ്ടായിരുന്നു. ശസ്​ത്രക്രിയക്കും ഒരുമാസത്തെ വിശ്രമത്തിനും ശേഷം ഇപ്പോൾ 80 ശതമാനവും സുഖപ്പെട്ടു. നടക്കുന്നതിനും ഇരിക്കുന്നതിനും യാതൊരു കുഴപ്പവുമില്ല. ഒരുപാട്​ കുടുംബങ്ങളുടെ പ്രാർഥനയാണ്​ ഇത്ര വലിയൊരു അപകടത്തിൽ നിന്ന്​ എന്നെ രക്ഷിച്ചത്​. അത്​ കവളപ്പാറയിലെ അമ്മമാരുടേതാവാം, എ​െൻറ ജീവനക്കാരു​ടേതാവാം, നാട്ടുകാരുടേതാവാം, ഭരണാധികാരികളുടേതാവം... 350 അടിയിൽ നിന്ന്​ താഴെ വീണിട്ട്​ ഒരുതുള്ളി രക്​തം പോലും ​പൊടിഞ്ഞില്ല. എ​െൻറ കൂടെയുണ്ടായിരുന്നവരും ഒരു പോറൽ പോലുമേൽക്കാതെ രക്ഷപ്പെട്ടുവെന്നും അദ്ദേഹം പറഞ്ഞു.

കാണണം, നന്ദി അറിയിക്കണം

ഹെലികോപ്​ടർ വീണപ്പോൾ ഓടിയെത്തിവ​െര നാട്ടിലെത്തു​േമ്പാൾ അവിടെ പോയി കാണണം. അടുത്തുണ്ടായിരുന്ന വീട്ടുകാരെയും സ്​ഥലം ഉടമയെയും കാണണം. പൊലീസ്​ സ്​റ്റേഷനിലെത്തിയും നന്ദി പറയണം. അത്​ കടമയാണ്​.

അപകടവിവരം അറിഞ്ഞ്​ ഗൾഫ്​ രാജ്യങ്ങളിലെ നിരവധി ഭരണാധികാരികളാണ്​ വിളിച്ചത്​. യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം, അബൂദബി കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാൻ എന്നിവർക്ക്​ പുറമെ ബഹ്​റൈൻ, കുവൈത്ത്​, സൗദി, ഒമാൻ, ഇ​ൻഡോനേഷ്യ തുടങ്ങിയ രാജ്യങ്ങളിലെ ഭരണാധികാരികളും വിളിച്ചതായി യൂസുഫലി പറഞ്ഞു.

​ബെക്​സിന്​ നേരത്തെ സഹായം നൽകിയിരുന്നു

ഹെലികോപ്​ടർ അപകടത്തിന്​ ശേഷം ദൈവഭയം കൂടിയതിനാലാണ്​ ബെക്​സ്​ കൃഷ്​ണന് ഒരു കോടി രൂപ സഹായം നൽകി ജയിലിൽ നിന്നിറക്കിയത്​ എന്ന്​ ചിലർ പറയുന്നത്​ കേട്ടു. ജനുവരി നാലിനാണ്​ ബെക്​സിന്​ ആവശ്യമായ തുക കോടതിയിൽ​ കെട്ടിവെച്ചത്​. ആരെയും അറിയിച്ചിരുന്നില്ല. ബെക്​സ്​ പുറത്തിറങ്ങാറായപ്പോഴാണ്​ മാധ്യമങ്ങളിൽ ഈ വാർത്ത വന്നത്​ എന്ന്​ മാത്രം.

ബെക്​സി​െൻറ മോചനത്തിനായി നിരവധി തവണ പരിശ്രമിക്കേണ്ടി വന്നിട്ടുണ്ട്​. അപകടത്തിൽ മരിച്ച സുഡാനി ബാല​െൻറ കുടുംബത്തി​െന അബൂദബിയിൽ എത്തിച്ച്​ താമസിപ്പിച്ചിരുന്നു. കുട്ടിയുടെ അമ്മയെ സമ്മതിപ്പിക്കാൻ ഏറെ പണിപ്പെട്ടു. മക്കളെ നഷ്​ടപ്പെട്ട മാതാവി​െൻറ നൊമ്പരം നന്നായി അറിയാം. ഞാൻ സഹകരിക്കാൻ തയാറാണെന്നും പക്ഷെ, ഭാര്യ സമ്മതിക്കില്ലെന്നുമാണ്​ കുട്ടിയുടെ പിതാവ്​ പറഞ്ഞത്​. ഏറെ പാടുപെട്ടാണ്​ ആ കുടുംബത്തെ അനുനയിപ്പിച്ചത്​. നഷ്​ടപ്പെട്ടവരെ തിരിച്ചുകിട്ടില്ല. ഒരുകുടുംബത്തിനെങ്കിലും ജീവിതം നൽകാൻ കഴിഞ്ഞതിൽ സന്തോഷമുണ്ട്​. ബെക്​സിന്​ ജോലി നൽകാമെന്ന്​ പറഞ്ഞിട്ടുണ്ടെന്നും യൂസുഫലി പറഞ്ഞു.