എം.എ. യൂസുഫലി അനുശോചിച്ചു

ദുബൈ: മലങ്കര ഓർത്തഡോക്​സ്​ സഭയുടെ പരമാധ്യക്ഷൻ ബസേലിയോസ് മാര്‍ത്തോമ പൗലോസ് ദ്വിതീയന്‍ കാതോലിക്ക ബാവയുടെ വിയോഗത്തിൽ ലുലു ഗ്രൂപ് ചെയർമാൻ എം.എ. യൂസുഫലി അനുശോചിച്ചു.

തനിക്ക്​ തിരുമേനിയുമായി സ്​നേഹവും ആത്മബന്ധവുമുണ്ടായിരുന്നു. ഹെലികോപ്​ടർ അപകടമുണ്ടായ സന്ദർഭത്തിൽ പലതവണ വിളിക്കുകയും വിവരങ്ങളന്വേഷിക്കുകയും പ്രാർഥിക്കുകയും ചെയ്​തിരുന്നു. യു.എ.ഇയിലെ ഭരണാധികാരികൾക്ക്​ അദ്ദേഹത്തെ പരിചയപ്പെടുത്താൻ അവസരം ലഭിച്ചിട്ടുണ്ട്​.

മനുഷ്യ സമൂഹത്തിന്​ മുഴുവൻ ഈ വിയോഗം വലിയ നഷ്​ടമാണ്​. ലോകത്തിന്​ മുഴുവൻ നന്മവര​ട്ടെ എന്ന നിലയിലാണ്​ അദ്ദേഹം പ്രവർത്തിച്ചതെന്നും യൂസുഫലി അനുശോചന സന്ദേശത്തിൽ പറഞ്ഞു.