ക​ളി​ച്ച് ചി​രി​ച്ച് ക്രാ​ഫ്റ്റ് പ​ഠി​പ്പി​ക്കാ​ൻ ലൂ​ന​യും കൂ​ട്ടാ​ളി​ക​ളും

ക​ളി​യും ചി​രി​യും ത​മാ​ശ​യു​മാ​യി ക​ല പ​ഠി​പ്പി​ക്കു​ന്ന ക്രാ​ഫ്റ്റ് സെ​ക്ഷ​നു​ണ്ട് ഷാ​ർ​ജ കു​ട്ടി​ക​ൾ​ക്കാ​യു​ള്ള വാ​യ​നോ​ത്സ​വ​ത്തി​ൽ. കു​ട്ടി​ക​ളെ ചി​രി​പ്പി​ച്ചും ര​സി​പ്പി​ച്ചും ലൂ​ന​യും സം​ഘ​വും ക​ളി​ച്ചു പ​ഠി​പ്പി​ക്കു​ന്ന ക്രാ​ഫ്റ്റ് സെ​ഷ​നി​ൽ പ​ങ്കെ​ടു​ക്കാ​ൻ കു​രു​ന്നു​ക​ളു​ടെ തി​ര​ക്ക് കാ​ണാം പു​സ്ത​കോ​ത്സ​വ​ത്തി​ൽ. ഫെ​യ​രി പ്രി​ൻ​സ​സ് ഫ്രോ​സ​ണി​നെ പോ​ലെ ഒ​രു​ങ്ങി ലൂ​ന​യും കൂ​ട്ടാ​ളി​ക​ളും അ​വ​ത​രി​പ്പി​ക്കു​ന്ന ത​മാ​ശ​നി​റ​ഞ്ഞ സ്കി​റ്റ് ആ​സ്വ​ദി​ച്ചാ​ണ് മ​നോ​ഹ​ര​മാ​യ ക്രാ​ഫ്റ്റ് വ​ർ​ക്കു​ക​ൾ ചെ​യ്യാ​ൻ കു​ട്ടി​ക​ൾ പ​ഠി​ക്കു​ന്ന​ത്.

കു​ട്ടി​ക​ളു​ടെ ഉ​ള്ളി​ലൊ​ളി​ഞ്ഞി​രി​പ്പു​ള്ള ക​ഴി​വു​ക​ളെ പു​റ​ത്ത് കൊ​ണ്ട് വ​രാ​നു​ള്ള ഈ ​സെ​ഷ​നു​ക​ളി​ൽ ഉ​പ​യോ​ഗ​മി​ല്ലാ​ത്ത വ​സ്തു​ക്ക​ൾ ആ​ർ​ട്ട്‌ ആ​ൻ​ഡ് ക്രാ​ഫ്റ്റി​ലൂ​ടെ എ​ങ്ങ​നെ ഉ​പ​യോ​ഗ​പ്ര​ദ​മാ​ക്കാം എ​ന്നാ​ണ് പ​ഠി​പ്പി​ക്കു​ന്ന​ത്. പ​ല നി​റ​ത്തി​ലു​ള്ള നൂ​ലു​ക​ൾ ഉ​പ​യോ​ഗി​ച്ച് എം​ബ്രോ​യ്ഡ​റി ചെ​യ്യാ​നും ഇ​ഷ്ട​മു​ള്ള​തൊ​ക്കെ തു​ന്നി​യെ​ടു​ക്കാ​നും പ​ഠി​പ്പി​ക്കു​ന്ന സെ​ഷ​ൻ ആ​ണ് ലൂ​ന​യു​ടെ ക്രാ​ഫ്റ്റ് സൂ​ജോ.

കു​ട്ടി​ക​ളു​ടെ കൂ​ടെ അ​വ​രി​ലൊ​രാ​ളാ​യി നി​ന്നാ​ണ് ലൂ​ന എം​ബ്രോ​യ്ഡ​റി പ​ഠി​പ്പി​ക്കു​ന്ന​ത്. സ്കി​റ്റി​ൽ വ​ലി​യ പാ​ന്‍റും ഇ​ട്ട് വ​രു​ന്ന ടോ​ട്ടോ എ​ന്ന ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്നു​ണ്ട്. ടോ​ട്ടോ​യു​ടെ പാ​ന്‍റ് ശ​രി​യാ​ക്കാ​ൻ ആ​ർ​ട്ട്‌ ആ​ൻ​ഡ് ക്രാ​ഫ്റ്റ് ഉ​പ​യോ​ഗി​ച്ച് എ​ന്ത് ചെ​യ്യാ​നാ​കും എ​ന്ന ലൂ​ന​യു​ടെ ചോ​ദ്യ​ത്തി​ന് കു​ട്ടി​ക​ളു​ടെ ഭാ​വ​ന​യി​ൽ നി​ന്ന് പ​ല ഉ​ത്ത​ര​ങ്ങ​ളും കേ​ൾ​ക്കാം. തു​ട​ർ​ന്ന് ലൂ​ന എം​ബ്രോ​യ്ഡ​റി ചെ​യ്യാ​നു​ള്ള പ​ല നി​റ​ത്തി​ലു​ള്ള നൂ​ലു​ക​ളു​മാ​യെ​ത്തു​ന്നു. അ​ത്ഭു​ത​ത്തോ​ടെ ഇ​രി​ക്കു​ന്ന കു​ട്ടി​ക​ൾ​ക്ക് കൂ​ടെ ഇ​രു​ന്ന് പൂ​ക്ക​ൾ തു​ന്നാ​നും പേ​രി​ന്‍റെ ആ​ദ്യ​ത്തെ അ​ക്ഷ​രം മ​നോ​ഹ​ര​മാ​യി തു​ന്നി​യെ​ടു​ക്കാ​നും കൂ​ടെ ത​ന്നെ​യു​ണ്ട് ലൂ​ന​യും സം​ഘ​വും.

ഭാ​വ​ന​യും കൂ​ടെ ക​ഴി​വു​ക​ളും വ​ള​ർ​ത്തി​യെ​ടു​ക്കാ​ൻ സ​ഹാ​യി​ക്കു​ന്ന ഈ ​സെ​ഷ​നി​ൽ ഒ​ട്ടും മ​ടു​പ്പി​ല്ലാ​തെ ഇ​രി​ക്കു​ന്ന കു​രു​ന്നു​ക​ൾ ടോ​ട്ടോ​യു​ടെ ത​മാ​ശ​ക​ൾ കേ​ട്ട് ചി​രി​ച്ച് കൊ​ണ്ടാ​ണ് എം​ബ്രോ​യ്ഡ​റി തു​ട​രു​ന്ന​ത്. അ​വ​സാ​നം മ​നോ​ഹ​ര​മാ​യി തു​ന്നി​യെ​ടു​ത്ത അ​ക്ഷ​ര​ങ്ങ​ളും പൂ​ക്ക​ളും നോ​ക്കി കു​ട്ടി​ക​ളു​ടെ മു​ഖ​ത്ത് വി​രി​യു​ന്നൊ​രു പു​ഞ്ചി​രി​യു​ണ്ട്. അ​ത് കൂ​ടി ക​ണ്ടാ​ൽ സം​തൃ​പ്തി​യോ​ടെ ലൂ​ന​യു​ടെ ക്രാ​ഫ്റ്റ് സെ​ഷ​ൻ അ​വ​സാ​നി​പ്പി​ക്കും. ചെ​യ്ത ക്രാ​ഫ്റ്റ് വ​ർ​ക്കും ക​യ്യി​ൽ പി​ടി​ച്ച് സ​ന്തോ​ഷ​ത്തോ​ടെ പു​തി​യ അ​ഭി​രു​ചി​യും അ​നു​ഭ​വ​വും ആ​ഗ്ര​ഹ​ങ്ങ​ളു​മൊ​ക്കെ​യാ​യി തു​ള്ളി​ച്ചാ​ടി സെ​ഷ​നി​ൽ നി​ന്ന് കു​ട്ടി​ക​ൾ ഇ​റ​ങ്ങു​ന്ന​തും കാ​ണാം.