ലുലു മാംഗോ ഫെസ്​റ്റിവലിന്​ വിർച്വൽ ഉദ്​ഘാടനം 

ദുബൈ: ഗൾഫ്​ നാടുകൾ മാങ്ങാക്കാലമായി എന്നോർക്കുന്നത്​ തെക്കനേഷ്യൻ സൂപ്പർമാർക്കറ്റുകളിൽ നിരത്തിവെച്ചിരിക്കുന്ന പല ഇനം മാങ്ങാക്കൂട്ടങ്ങൾ കാണു​േമ്പാഴാണ്​. റീ​െട്ടയിൽ രംഗത്തെ മുൻനിരക്കാരായ ലുലു ഗ്രൂപ്പാക​െട്ട എല്ലാ വർഷവും മാങ്ങാക്കാലത്തി​​െൻറ വരവറിയിച്ച്​ വിവിധ ഹൈപ്പർമാർക്കറ്റ്​ ശാഖകളിൽ മാംഗോ ഫെസ്​റ്റിവലും സംഘടിപ്പിച്ചു വരാറുണ്ട്​. 

ഇന്ത്യയുടെ അഭിമാന രുചികളായ അൽഫോൺസയും ഹിംസാഗറും ബദാമിയും മുതൽ കേസർ വരെ വൈവിധ്യമാർന്ന മധുരമാങ്ങകളും അവയുടെ ഉപ ഉൽപന്നങ്ങളുമെല്ലാം ചേർന്ന മനോഹരമായ മാംഗോഫെസ്​റ്റിവൽ ആസ്വദിക്കാൻ സ്വദേശികളും വിവിധ രാജ്യക്കാരായ കുടുംബങ്ങളും എത്തിച്ചേരാറുണ്ടായിരുന്നു. നമ്മുടെ പലശീലങ്ങളിലും കോവിഡ്​ കൈകടത്തിയെങ്കിലും മാവുകൾക്ക്​ പൂക്കാതിരിക്കാനാവില്ലല്ലോ. മനസിൽ തങ്ങിനിൽക്കുന്ന മാങ്ങാക്കാലം മറന്നുകളയാൻ ആർക്കാണ്​ കഴിയുക. നിയന്ത്രണങ്ങൾ നീങ്ങി വിപണിയും നഗരവും സാധാരണ നിലയിലേക്ക്​ നീങ്ങുന്ന ഘട്ടത്തിൽ ലുലു ഗ്രൂപ്പ്​ മാംഗോ ഫെസ്​റ്റിവലിന്​ ഇക്കുറിയും മുടക്കം വരുത്തിയില്ല. 

ഇൗ മാസം നാലു മുതൽ പത്തു വരെ നീളുന്ന ഫെസ്​റ്റിവലാണ്​ യു.എ.ഇയിലെ വിവിധ ലുലു ഹൈപ്പർമാർക്കറ്റുകളിൽ അരങ്ങേറുക. ഫെസ്​റ്റിവലി​​െൻറ ഉദ്​ഘാടനം പുതിയ കാലത്തി​നിണങ്ങൂന്ന രീതിയിലാണെന്നതും ശ്രദ്ധേയമായി. ഭക്ഷ്യ^കാർഷിക കയറ്റമതി വികസന അതോറിറ്റി ചെയർമാൻ പബൻ കെ. ബോർതാകുർ, ഇന്ത്യൻ അംബാസഡർ പവൻ കപൂർ, ലുലു ഗ്രൂപ്പ്​ ചെയർമാൻ എം.എ. യൂസുഫലി തുടങ്ങിയവർ ചേർന്ന്​ ഒാൺലൈനിലൂടെയാണ്​ മാംഗോ ഫെസ്​റ്റ്​ ഉദ്​ഘാടനം ചെയ്​തത്​. 

രണ്ടു മാസങ്ങൾക്കിടെ 102 വിമാനങ്ങളാണ്​ പഴവും പച്ചക്കറിയും എത്തിക്കാനായി ചാർട്ടർ ചെയ്​തതെന്ന്​ യൂസുഫലി വ്യക്​തമാക്കി.  ലുലു ഗ്രൂപ്പ്​ എക്​സിക്യൂട്ടിവ്​ ഡയറക്​ടർ എം.എ. അഷ്​റഫ്​ അലി, സി.ഒ.ഒ സലീം വി.​െഎ., ഡയറക്​ടർ എം.എ. സലീം, ചീഫ്​ കമ്യൂണികേഷൻസ്​ ഒാഫിസർ വി. നന്ദകുമാർ തുടങ്ങിയവരും ഉദ്​ഘാടന പരിപാടിയിൽ സംബന്ധിച്ചു.

ഒാൺലൈനിലാണ്​ ഉദ്​ഘാടനമെങ്കിലും മാമ്പഴം നേരിൽ രുചിക്കാനായി നിരവധി പേരാണ്​ മാംഗോഫെസ്​റ്റിവൽ നടക്കുന്ന ഹൈപ്പർമാർക്കറ്റുകളിൽ എത്തിയത്​.