കൃ​ഷി പ്രോ​ത്സാ​ഹി​പ്പി​ക്കാ​ൻ ലു​ലു ഗ്രൂ​പ്പ്​ - എ​ലൈ​റ്റ് അ​ഗ്രോ ഹോ​ള്‍ഡി​ങ്​ ക​രാ​ർ

അ​ബൂ​ദ​ബി: യു.​എ.​ഇ കാ​ര്‍ഷി​ക ഉ​ൽ​പാ​ദ​നം പ്രോ​ത്സാ​ഹി​പ്പി​ക്കു​ന്ന​തി​ന് ലു​ലു ഗ്രൂ​പ്പും എ​ലൈ​റ്റ് അ​ഗ്രോ ഹോ​ള്‍ഡി​ങ്ങും ത​മ്മി​ല്‍ ധാ​ര​ണാ​പ​ത്രം ഒ​പ്പി​ട്ടു. ലു​ലു ഗ്രൂ​പ്പ് സി.​ഇ.​ഒ​യും എ​ലൈ​റ്റ് അ​ഗ്രോ ഹോ​ള്‍ഡി​ങ് സി.​ഇ.​ഒ ഡോ. ​അ​ബ്ദു​ല്‍ മോ​നിം അ​ല്‍ മ​ര്‍സൂ​ഖി​യു​മാ​ണ് ധാ​ര​ണാ​പ​ത്ര​ത്തി​ല്‍ ഒ​പ്പി​ട്ട​ത്.

യു.​എ.​ഇ കാ​ലാ​വ​സ്ഥ വ്യ​തി​യാ​ന, പ​രി​സ്ഥി​തി മ​ന്ത്രി മ​റി​യം അ​ല്‍ മ​ഹീ​രി, ലു​ലു ഗ്രൂ​പ്പ് ചെ​യ​ര്‍മാ​ന്‍ എം.​എ. യൂ​സു​ഫ​ലി എ​ന്നി​വ​ര്‍ ച​ട​ങ്ങി​ല്‍ സം​ബ​ന്ധി​ച്ചു. അ​ബൂ​ദ​ബി ഖ​ലീ​ഫ സി​റ്റി ഫു​ർ​സാ​ൻ ലു​ലു മാ​ളി​ൽ 'ഖൈ​ര്‍ അ​ല്‍ ഇ​മാ​റാ​ത്ത്'​കാ​മ്പ​യി​നി​ന്‍റെ ഭാ​ഗ​മാ​യി സ്വ​ദേ​ശി ക​ർ​ഷ​ക​ർ ഉ​ൽ​പാ​ദി​പ്പി​ച്ച ഉ​ൽ​പ​ന്ന​ങ്ങ​ൾ​ക്കാ​യി ക്ര​മീ​ക​രി​ച്ച പ്ര​ത്യേ​ക സ്റ്റാ​ളു​ക​ളു​ടെ ഉ​ദ്‌​ഘാ​ട​നം മ​ന്ത്രി മ​റി​യം അ​ല്‍ മ​ഹീ​രി നി​ർ​വ​ഹി​ച്ചു.

ക​രാ​ര്‍പ്ര​കാ​രം ലു​ലു ഗ്രൂ​പ്പ് ഒ​രു വ​ര്‍ഷം എ​ലൈ​റ്റ് അ​ഗ്രോ ഹോ​ള്‍ഡി​ങ്ങി​ല്‍നി​ന്ന് 15,000 ട​ണ്‍ പ​ഴം, പ​ച്ച​ക്ക​റി​ക​ള്‍ വാ​ങ്ങി യു.​എ.​ഇ​യി​ലെ ഹൈ​പ്പ​ര്‍മാ​ര്‍ക്ക​റ്റ് ശൃം​ഖ​ല​ക​ളി​ലൂ​ടെ വി​റ്റ​ഴി​ക്കും. പ്രാ​ദേ​ശി​ക ഫാ​മു​ക​ളു​ടെ ഉ​ൽ​പാ​ദ​ന ശേ​ഷി വ​ര്‍ധി​പ്പി​ക്കു​ന്ന​തി​ന് പ്രോ​ത്സാ​ഹ​നം ന​ല്‍കു​ക​യാ​ണ് ധാ​ര​ണാ​പ​ത്ര​ത്തി​ലൂ​ടെ ല​ക്ഷ്യ​മി​ടു​ന്ന​ത്. എ​ലൈ​റ്റ് അ​ഗ്രോ​യു​മാ​യി ക​രാ​ര്‍ ഒ​പ്പി​ടാ​ന്‍ ക​ഴി​ഞ്ഞ​തി​ല്‍ അ​തി​യാ​യ അ​ഭി​മാ​ന​മു​ണ്ടെ​ന്ന് എം.​എ. യൂ​സു​ഫ​ലി പ​റ​ഞ്ഞു. പ്രാ​ദേ​ശി​ക ക​ര്‍ഷ​ക​രെ​യും നി​ര്‍മാ​താ​ക്ക​ളെ​യും അ​വ​രു​ടെ സം​ഭാ​വ​ന​ക​ളു​ടെ പേ​രി​ല്‍ ദേ​ശീ​യ​ദി​ന വേ​ള​യി​ല്‍ അം​ഗീ​ക​രി​ക്കു​ന്ന​ത്​ കൂ​ടി​യാ​ണ് ക​രാ​റെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു. 'ഖൈ​ര്‍ അ​ല്‍ ഇ​മാ​റാ​ത്ത്'​കാ​മ്പ​യി​നി​ന്‍റെ ഭാ​ഗ​മാ​യി ലു​ലു ഹൈ​പ്പ​ര്‍മാ​ര്‍ക്ക​റ്റു​ക​ളി​ല്‍ യു.​എ.​ഇ ഉ​ൽ​പ​ന്ന​ങ്ങ​ള്‍ പ്ര​ത്യേ​ക​മാ​യി പ്ര​ദ​ര്‍ശി​പ്പി​ക്കു​ന്നു​ണ്ടെ​ന്നും യൂ​സു​ഫ​ലി പ​റ​ഞ്ഞു.