അഞ്ച്​ ഫെഡറൽ വകുപ്പുകൾക്ക്​  മുന്നറിയിപ്പ്​

ദുബൈ: ഉദ്യോഗസ്​ഥ സംതൃപ്​തിയിലെ മോശം പ്രകടനത്തിന്​ ഫെഡറൽ സർക്കാർ വകുപ്പുകൾക്ക്​ യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം മുന്നറിയിപ്പ്​ നൽകി. ഉദ്യോഗസ്​ഥ സംതൃപ്​തി 60 ശതമാനത്തിൽ കുറഞ്ഞ അഞ്ച്​ വകുപ്പുക​ൾക്കെതിരെയാണ്​ അദ്ദേഹം ട്വിറ്ററിൽ താക്കീത്​ നൽകിയത്​.

മൊത്തം 40 വകുപ്പുകളു​െട പ്രവർത്തനങ്ങൾ ശൈഖ്​ മുഹമ്മദ്​ വിലയിരുത്തി. ഇതിൽ ചില വകുപ്പുകൾ 93 ശതമാനം ഉദ്യോഗസ്​ഥ സംതൃപ്​തി കൈവരിച്ചിട്ടുണ്ട്​.
ഉപഭോക്​താക്കളുടെ സംതൃപ്​തിക്ക്​ ഉദ്യോഗസ്​ഥ സംതൃപ്​തി പരമ പ്രധാനമാണെന്നിരിക്കെ​ 60 ശതമാനത്തിൽ കുറവ്​ സ്വീകാര്യമല്ലെന്ന്​ ദു​ൈബ ഭരണാധികാരി ട്വീറ്റ്​ ചെയ്​തു. ജോലി സാഹചര്യവും ഉദ്യോഗസ്​ഥ സംതൃപ്​തി നിലയും മെച്ചപ്പെടുത്താൻ വകുപ്പ്​ മാനേജർമാർക്ക്​ അദ്ദേഹം ആറ്​ മാസം സമയം അനുവദിച്ചു.