ഇ​ന്ധ​ന​വി​ല​ക്കു​റ​വ്​: പ്ര​വാ​സി​ക​ളും ആ​ശ്വാ​സ​ത്തി​ൽ

ദു​ബൈ: യു.​എ.​ഇ​യി​ൽ ഇ​ന്ധ​ന​വി​ല​യി​ൽ കു​റ​വ്​ വ​ന്ന​തി​ൽ പ്ര​വാ​സി​ക​ള​ട​ക്കം ആ​ശ്വാ​സ​ത്തി​ൽ. പെ​ട്രോ​ൾ ലി​റ്റ​റി​ന് 60 ഫി​ൽ​സും ഡീ​സ​ൽ ലി​റ്റ​റി​ന് 62 ഫി​ൽ​സു​മാ​ണ് കു​റ​ച്ച​ത്. പു​തി​യ നി​ര​ക്ക് നി​ല​വി​ൽ​വ​ന്ന​തോ​ടെ കു​ടും​ബ​ബ​ജ​റ്റി​ൽ ഞെ​രു​ക്കം കു​റ​യു​മെ​ന്നാ​ണ്​ പ്ര​വാ​സി​ക​ൾ ആ​ശ്വ​സി​ക്കു​ന്ന​ത്.

യു.​എ.​ഇ​യി​ലെ ഇ​ന്ധ​ന​വി​ല ജ​നു​വ​രി മു​ത​ലു​ള്ള മാ​സ​ങ്ങ​ളി​ലാ​ണ്​ കു​ത്ത​നെ ഉ​യ​ർ​ന്ന​ത്. 75 ശ​ത​മാ​നം വ​രെ വി​ല​യി​ൽ വ​ർ​ധ​ന​യു​ണ്ടാ​യ​തോ​ടെ പ​ല​രും സ്വ​ന്തം വാ​ഹ​ന​ങ്ങ​ൾ പ​ര​മാ​വ​ധി ഒ​ഴി​വാ​ക്കു​ക​യും പൊ​തു​ഗ​താ​ഗ​ത​ത്തെ ആ​ശ്ര​യി​ക്കു​ക​യും ചെ​യ്യു​ന്ന സാ​ഹ​ച​ര്യ​മു​ണ്ടാ​യി. ഇ​ന്ധ​ന​വി​ല കൂ​ടി​യ​തോ​ടെ​ ടാ​ക്സി ചാ​ർ​ജി​ല​ട​ക്കം വ​ർ​ധ​ന​യു​ണ്ടാ​യി. ബ​സും മെ​ട്രോ​യും മാ​ത്ര​മാ​യി​രു​ന്നു നി​ര​ക്കു​വ​ർ​ധ​ന ബാ​ധി​ക്കാ​തി​രു​ന്ന​ത്.

കു​ടും​ബ​ബ​ജ​റ്റി​നെ​പ്പോ​ലെ ക​മ്പ​നി​ക​ളു​ടെ​യും സ്ഥാ​പ​ന​ങ്ങ​ളെ​യും ഇ​ത്​ ബാ​ധി​ച്ചു. വി​ല ഇ​നി​യും വ​ർ​ധി​ക്കു​മോ എ​ന്ന ആ​ശ​ങ്ക നി​ല​നി​ൽ​ക്കെ​യാ​ണ് നി​ര​ക്ക്​ കു​റ​ച്ചു​ള്ള പ്ര​ഖ്യാ​പ​നം. ഉ​യ​ർ​ന്ന ഇ​ന്ധ​ന​വി​ല രാ​ജ്യ​ത്തെ​മ്പാ​ടും അ​വ​ശ്യ​സാ​ധ​ന​ങ്ങ​ളു​ടെ വി​ല​യി​ലും കു​തി​പ്പു​ണ്ടാ​ക്കി. ഇ​തി​നി​ടെ​യാ​ണ് ഇ​ന്ധ​ന​വി​ല കു​റ​ക്കു​ന്ന തീ​രു​മാ​നം എ​ത്തി​യ​ത്. ഇ​ന്ധ​ന വി​ല​ക്കു​റ​വ്​ ഉ​ൽ​പ​ന്ന​ങ്ങ​ളു​ടെ വി​ല​ക്ക​യ​റ്റ​വും പി​ടി​ച്ചു നി​ർ​ത്തു​മെ​ന്നാ​ണ്​ ക​രു​തു​ന്ന​ത്.

ആ​ഗ​സ്റ്റ്​ മാ​സ​ത്തെ പെ​ട്രോ​ൾ, ഡീ​സ​ൽ വി​ല പ്ര​ഖ്യാ​പി​ച്ച​പ്പോ​ൾ ക​ഴി​ഞ്ഞ മാ​സ​ത്തേ​തി​നെ അ​പേ​ക്ഷി​ച്ച്​ സാ​മാ​ന്യം ഭേ​ദ​പ്പെ​ട്ട കു​റ​വാ​ണു​ണ്ടാ​യ​ത്. സൂ​പ്പ​ർ 98 പെ​ട്രോ​ൾ ലി​റ്റ​റി​ന് 4.03 ദി​ർ​ഹ​മാ​ണ് പു​തി​യ നി​ര​ക്ക്​. ജൂ​ലൈ​യി​ൽ 4.63 ദി​ർ​ഹ​മാ​യി​രു​ന്നു. ജൂ​ലൈ​യി​ൽ 4.52 ദി​ർ​ഹ​മാ​യി​രു​ന്ന സ്‌​പെ​ഷ​ൽ 95 പെ​ട്രോ​ൾ ലി​റ്റ​റി​ന് 3.92 ദി​ർ​ഹ​മാ​യി​ട്ടു​ണ്ട്.

ജൂ​ലൈ​യി​ൽ 4.76 ദി​ർ​ഹ​മാ​യി​രു​ന്ന ഡീ​സ​ൽ ലി​റ്റ​റി​ന് 4.14 ദി​ർ​ഹ​മാ​ണ്​ ആ​ഗ​സ്റ്റി​ലെ നി​ര​ക്ക്. ഫു​ൾ​ടാ​ങ്ക് പെ​ട്രോ​ൾ അ​ടി​ക്കു​മ്പോ​ൾ ക​ഴി​ഞ്ഞ​മാ​സ​ത്തേ​ക്കാ​ൾ 35 ദി​ർ​ഹ​ത്തി​ന്‍റെ കു​റ​വ് ല​ഭി​ക്കു​ന്നു​ണ്ട്. ഉ​യ​രു​ന്ന ജീ​വി​ത​ച്ചെ​ല​വ് പി​ടി​ച്ചു​നി​ർ​ത്താ​ൻ പു​തി​യ തീ​രു​മാ​ന​ത്തി​ന് ക​ഴി​യു​മെ​ന്നാ​ണ് പ്ര​വാ​സി​ക​ൾ അ​ഭി​പ്രാ​യ​പ്പെ​ടു​ന്ന​ത്.