ഏഷ്യ കപ്പിൽ കളിക്കാൻ പ്രതീക്ഷയോടെ കാത്തിരിക്കുന്നു -സഞ്ജു സാംസൺ

ദുബൈ: ​അടുത്ത മാസം ഒമ്പത്​ മുതൽ 28 വരെ ദുബൈയിൽ നടക്കുന്ന ഏഷ്യ കപ്പ്​ ടി20 ക്രിക്കറ്റ്​ ടൂർണമെന്‍റിൽ ഇന്ത്യൻ ടീമിൽ കളിക്കാൻ പ്രതീക്ഷയോടെ കാത്തിരിക്കുകയാണെന്ന്​ മലയാളി ക്രിക്കറ്റർ സഞ്ജു സാംസൺ. ദുബൈയിൽ കളിക്കാൻ കഴിയുന്നത് ആവേശകരമായ അനുഭവമാണ്​. ആ ദിവസത്തിന് വേണ്ടി കാത്തിരിക്കുകയാണെന്നും അദ്ദേഹം പറഞ്ഞു.

ഷാർജയിൽ മാധ്യമങ്ങളോട്​ ​പ്രതികരിക്കുകയായിരുന്നു സഞ്ജു സാംസൺ. മുമ്പ് ദുബൈയിൽ കളിക്കുമ്പോൾ വലിയ പിന്തുണയാണ് ആരാധകരിൽ നിന്ന് ലഭിച്ചത്. സ്വന്തം നാട്ടുകാർക്കിടയിൽ കളിക്കുകയെന്നത്​ സന്തോഷകരമായ കാര്യമാണ്​. നാട്ടിലെ അതേ അനുഭവമാണ്​ ദുബൈയിലുള്ളത്​. അണ്ടർ 19 ലോക​കപ്പും ഏഷ്യ കപ്പും കളിക്കുമ്പോൾ ആ അനുഭവം തൊട്ടറിഞ്ഞതാണ്​. ആ നിമിഷത്തിനായി വീണ്ടും കാത്തിരിക്കുകയാണെന്നും സഞ്ജു പറഞ്ഞു.