കൈകോർക്കാം, കേരളത്തിനൊപ്പം

ദുബൈ: നാട്​ കണ്ണീർ പൊഴിച്ചപ്പോഴെല്ലാം സാന്ത്വനവുമായി ഓടിയെത്തിയിട്ടുണ്ട്​ പ്രവാസലോകം. പ്രളയകാലങ്ങളിലും ദുരിതകാലത്തും നാമത്​ കണ്ടതാണ്​. രാജ്യം വീണ്ടും മറ്റൊരു ദുരന്തമുഖത്താണ്​. ആരും ഒരിടത്തും സുരക്ഷിതരല്ലെങ്കിലും താരതമ്യേന ഭേദപ്പെട്ടനിലയിൽ കഴിയുന്ന പ്രവാസികൾതന്നെയാണ്​ അവർക്ക്​ സഹായം ചൊരിയേണ്ടത്​. അതുകൊണ്ടാണ്​, കേരള സർക്കാർ വീണ്ടും പ്രവാസികളുടെ സഹായം തേടുന്നത്​. നോർക്ക വഴി കേരളത്തിലേക്ക്​ സഹായം എത്തിക്കാനുള്ള ശ്രമത്തിലാണ്​ നമ്മുടെ സർക്കാർ​.

നാട്ടിലേക്ക്​ സഹായമൊഴുക്കാനുള്ള ദൗത്യം പ്രവാസി സംഘടനകൾ ഏറ്റെടുത്ത്​ കഴിഞ്ഞു. ഈ ആഴ്​ചതന്നെ ദുബൈയിൽനിന്ന് സഹായവുമായി​ ആദ്യ വിമാനം തിരുവനന്തപുരത്തേക്ക്​ അയക്കാനാണ്​ പദ്ധതി. വ്യക്തികൾക്ക്​ സംഘടനകൾ വഴിയും നോർക്ക വഴിയും സഹായങ്ങൾ എത്തിക്കാം.

എന്താണ്​ ദൗത്യം:

കോവിഡുമായി ബന്ധപ്പെട്ട് ഇറക്കുമതി ചെയ്യുന്ന മെഡിക്കൽ സഹായങ്ങളുടെ ചുങ്കം കേന്ദ്ര സർക്കാർ ഒഴിവാക്കിയിട്ടുണ്ട്​. ഇന്ത്യയിലേക്കുള്ള സഹായങ്ങൾ കാർഗോ നിരക്ക്​ ഈടാക്കാതെ നാട്ടിലെത്തിക്കാമെന്ന്​ എമിറേറ്റ്​സ്​ എയർ​െലെൻസും ഉറപ്പുനൽകിയിട്ടുണ്ട്​.

ഇത്​ രണ്ടും സംയോജിപ്പിച്ച്​ സഹായങ്ങൾ നാട്ടിലെത്തിക്കാനാണ്​ കേരള സർക്കാറി​െൻറ ശ്രമം. കേരള മെഡിക്കൽ സ​ൈപ്ലസ്​ കോർപറേഷനാണ്​ ഇതി​െൻറ ചുമതല​. പ്രവാസലോകത്തെ സഹായം ക്രോഡീകരിക്കാൻ നോർക്ക റൂട്ട്​സിനെയും ചുമതലപ്പെടുത്തി. ഇതി​െൻറ ഭാഗമായി നോർക്ക ​റൂട്ട്​ കഴിഞ്ഞദിവസം എല്ലാ സാമൂഹിക, സാംസ്​കാരിക, രാഷ്​ട്രീയ സംഘടനകൾക്കും കത്ത്​ അയച്ചിരുന്നു.

ഇതോടെ, പ്രവാസി സംഘടനകൾ അരയും തലയും മുറുക്കി രംഗത്തിറങ്ങി. തെരഞ്ഞെടുപ്പി​െൻറ പേരിൽ രണ്ടാഴ്​ച മുമ്പുവരെ വാഗ്വാദത്തിലേർപ്പെട്ടവരാണ്​ തോളോടുതോൾ ചേർന്ന്​ സഹായമെത്തിച്ചത്​. കോവിഡ്​ കാലത്ത്​ അവഗണനകളും കുത്തുവാക്കുകളും ഏറെ കേട്ടവരാണെങ്കിലും മറ്റുള്ളവർക്കായി ജീവിക്കുന്ന പ്രവാസികൾക്ക്​ ഇതൊന്നും സഹായം ചെയ്യുന്നതിന്​ തടസ്സമായില്ല​.

നാല്​ ദിവസം മുമ്പാണ്​ സഹായം സ്വീകരിക്കാൻ തുടങ്ങിയതെങ്കിലും ചില സംഘടനകൾ ആദ്യഘട്ട സഹായം നോർക്കക്ക്​ കൈമാറിക്കഴിഞ്ഞു. ഓക്​സിജൻ യൂനിറ്റ്​, ഓക്​സിജൻ കണ്ടെയ്​നർ, ഐ.സി.യു ഉപകരണങ്ങൾ, വെൻറിലേറ്റർ, പൾസ്​ ഓക്​സി മീറ്റർ, മരുന്നുകൾ തുടങ്ങിയവയാണ്​ ശേഖരിക്കുന്നത്​.

മെഡിക്കൽ രംഗത്തെ പ്രമുഖരായ ആസ്​റ്റർ ഗ്രൂപ്പുമായി സഹകരിച്ചാണ്​ ദൗത്യം നടപ്പാക്കുന്നത്​. എല്ലാ ജി.സി.സിയിലും ഇത്​ നടപ്പാക്കുന്നുണ്ടെന്ന്​​ നോർക്ക റൂട്ട്​സ്​ ഡയറക്​ടർ ഒ.വി. മുസ്​തഫ പറഞ്ഞു.

യു.എ.ഇ വീണ്ടും സഹായം അയച്ചു

ദുബൈ: ഇന്ത്യയിലെ കോവിഡ്​ ബാധിതരെ സഹായിക്കാൻ​ യു.എ.ഇ വീണ്ടും മെഡിക്കൽ ഉപകരണങ്ങൾ അയച്ചു. അഞ്ചു​ ലക്ഷം ഫവിപിരിവിർ ടാബ്​ലറ്റുകളാണ്​ അയച്ചത്​. യു.എ.ഇയുടെ സഹായത്തിന്​ നന്ദി അറിയിക്കുന്നതായി ഇന്ത്യൻ വിദേശകാര്യ മന്ത്രാലയ വക്​താവ്​ അരിന്ദം ബഗ്​ചി പറഞ്ഞു. നേരത്തേയും ഓക്​സിജൻ സിലിണ്ടർ അടക്കമുള്ള സഹായങ്ങൾ യു.എ.ഇ ഇന്ത്യയിൽ എത്തിച്ചിരുന്നു.