രക്തസാക്ഷികളെ സ്​മരിച്ച്​ രാഷ്​ട്രനേതാക്കൾ

ദുബൈ: രാജ്യത്തിനായി ജീവൻ ബലിയർപ്പിച്ച രക്തസാക്ഷികളെ സ്​മരിച്ച്​ യു.എ.ഇ രാഷ്​ട്രനേതാക്കൾ. രക്തസാക്ഷികളുടെ ഓർമദിനത്തോടനുബന്ധിച്ച്​ നടന്ന അനുസ്​മരണ ചടങ്ങിൽ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നെഹ്​യാൻ പ്രതിജ്ഞയെടുത്തു.

സത്യത്തി​െൻറ വീണ്ടെടുപ്പിനും രാഷ്​ട്രത്തി​െൻറ സംരക്ഷണത്തിനുമായി ജീവൻ ബലിയർപ്പിച്ച നമ്മുടെ കുട്ടി​കളെ എപ്പോഴും ഓർമിക്കണമെന്ന്​ യു.എ.ഇ സായുധസേന മാസികയായ 'നേഷൻ ഷീൽഡിന്' നൽകിയ പ്രസ്​താവനയിൽ ശൈഖ്​ ഖലീഫ പറഞ്ഞു. നവംബർ 30 അഭിമാനത്തി​െൻറ ദിനങ്ങളാണ്​. രക്തസാക്ഷികളുടെ ത്യാഗങ്ങൾ അഭിമാനത്തി​െൻറ മെഡലുകളാണ്​.

അത് നമ്മുടെയും മക്കളുടെയും പേരക്കുട്ടികളുടെയും മാറിൽ അലങ്കാരമായി തുടരും. രക്തസാക്ഷികളുടെ കുട്ടികൾക്കും കുടുംബങ്ങൾക്കും മുൻഗണന നൽകും. കരുത്തി​െൻറയും അഭിമാനത്തി​െൻറയും പ്രതീകമായി യു.എ.ഇ പതാക അവർ വാനിൽ പാറിപ്പറപ്പിച്ചു. ദൈവം നമ്മുടെ രാജ്യത്തി​െൻറ സംരക്ഷണം കാത്തുസൂക്ഷിക്കുകയും രക്തസാക്ഷികളോട് കരുണ കാണിക്കുകയും ചെയ്യട്ടെയെന്നും അദ്ദേഹം പറഞ്ഞു.

യു.എ.ഇ ജനതയുടെ മനസ്സിൽ രക്തസാക്ഷികൾ എന്നും ജീവനോടെയുണ്ടാവുമെന്ന്​ യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം പറഞ്ഞു. നമ്മുടെ രാജ്യത്തെയും അതി​െൻറ അന്തസ്സിനെയും പരമാധികാരത്തെയും സ്വാതന്ത്ര്യത്തെയും സംരക്ഷിക്കുന്നതിനിടയിൽ കടമ നിർവഹിക്കുകയും പോരാടുകയും മരിക്കുകയും ചെയ്തവരെ ഇന്ന്​ സ്​മരിക്കുന്നു. നമ്മുടെ എല്ലാ നേട്ടങ്ങളിലും ഓരോ വിജയത്തിലും അവരുടെ സാന്നിധ്യമുണ്ട്. നമ്മുടെ രക്തസാക്ഷികളുടെ ഏറ്റവും വലിയ വിജയങ്ങളിലൊന്ന്, അവർ എമിറാത്തി ജനതക്കിടയിൽ ദേശസ്‌നേഹത്തി​െൻറ മൂല്യങ്ങൾ ഏകീകരിച്ച് നമ്മുടെ ഐക്യം ശക്തിപ്പെടുത്തി എന്നതാണ്. മഹാമാരിയെ പ്രതിരോധിക്കുന്നതിനിടയിൽ ഈ മനോഭാവം നമ്മുടെ മുൻ‌നിര പോരാളികൾക്കിടയിൽ ഞാൻ കണ്ടു. സ്വർഗത്തിലെ നമ്മുടെ രക്തസാക്ഷികളെ അല്ലാഹു സ്വീകരിക്കുകയും പരിക്കേറ്റവർക്ക് വേഗത്തിൽ സുഖം പ്രാപിക്കുകയും ചെയ്യട്ടെയെന്നും അദ്ദേഹം പറഞ്ഞു.

വർഷങ്ങൾ കടന്നുപോകുംതോറും രക്തസാക്ഷികളുടെ മഹത്ത്വം വർധിക്കുന്നുവെന്ന്​ അബൂദബി കിരീടാവകാശിയും യു.എ.ഇ സായുധസേനയുടെ ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാൻ പറഞ്ഞു.

അവർ നൽകിയ കാര്യങ്ങൾ രാഷ്​ട്രം ഒരിക്കലും മറക്കില്ല. നമ്മുടെ പരമാധികാരം, കഴിവുകൾ, ആധികാരിക മൂല്യങ്ങൾ, ധാർമികത എന്നിവ പ്രതിരോധിക്കാനുള്ള മാതൃക എന്നും പിന്തുടരും. നമ്മുടെ സ്ഥാപകപിതാവായ ശൈഖ്​ സായിദി​െൻറ ഉത്തമ തത്ത്വങ്ങളുടെ തുടർച്ചയാണത്. ദൈവം അദ്ദേഹത്തി​െൻറ ആത്മാവിനോട് കരുണ കാണിക്ക​ട്ടെ. ധീരരായ സായുധ സേനക്ക്​ എ​െൻറ സല്യൂട്ടും അഭിനന്ദനവും അർപ്പിക്കുന്നു. നമ്മുടെ അഭിമാനത്തി​െൻറയും കരുത്തി​െൻറയും സംരക്ഷണത്തി​െൻറയും പ്രതീകമാണ് അവരെന്നും അദ്ദേഹം പറഞ്ഞു.