വം​ശ​നാ​ശം നേ​രി​ടു​ന്ന ജീ​വി​ക​ളു​ടെ വി​ൽ​പ​ന നി​യ​ന്ത്രി​ക്കാ​ൻ നി​യ​മം

ദു​ബൈ: വം​ശ​നാ​ശം നേ​രി​ടു​ന്ന ജീ​വി​ക​ളു​ടെ​യും സ​സ്യ​ജാ​ല​ങ്ങ​ളു​ടെ​യും അ​ന്താ​രാ​ഷ്ട്ര വി​ൽ​പ​ന നി​യ​ന്ത്രി​ക്കു​ന്ന​തി​ന്​ യു.​എ.​ഇ​യി​ൽ പു​തി​യ നി​യ​മം പ്രാ​ബ​ല്യ​ത്തി​ൽ. നി​യ​മം ലം​ഘി​ച്ചാ​ൽ നാ​ലു വ​ർ​ഷം വ​രെ ത​ട​വും 20 ല​ക്ഷം ദി​ർ​ഹം വ​രെ പി​ഴ​യും ല​ഭി​ക്കും. ബു​ധ​നാ​ഴ്ച ചേ​ർ​ന്ന ഫെ​ഡ​റ​ൽ നാ​ഷ​ന​ൽ കൗ​ൺ​സി​ൽ​ നി​യ​മ​ത്തി​ന്​ അം​ഗീ​കാ​രം ന​ൽ​കി. ഫ്രീ ​സോ​ൺ ഉ​ൾ​പ്പെ​ടെ രാ​ജ്യ​ത്തി​ന്‍റെ എ​ല്ലാ ക​ര, സ​മു​ദ്ര, വ്യോ​മ അ​തി​ർ​ത്തി​ക​ളി​ലും നി​യ​മം ന​ട​പ്പാ​ക്കും. പു​തി​യ നി​യ​മ​മ​നു​സ​രി​ച്ച്, ദേ​ശീ​യ ഭ​ര​ണ അ​തോ​റി​റ്റി​യു​ടെ അ​നു​മ​തി​യി​ല്ലെ​ങ്കി​ൽ പ​ട്ടി​ക​യി​ൽ ഉ​ൾ​പ്പെ​ട്ട ​ഏ​ത്​ ജീ​വി വ​ർ​ഗ​ത്തി​ന്‍റെ​യും മാ​തൃ​ക​ക​ളു​ടെ​യും ക​യ​റ്റു​മ​തി, ഇ​റ​ക്കു​മ​തി, പു​ന​ർ​ക​യ​റ്റു​മ​തി എ​ന്നി​വ നി​യ​മ​വി​രു​ദ്ധ​മാ​യി​രി​ക്കും.

ഇ​ത്ത​രം ജീ​വ​ജാ​ല​ങ്ങ​ളു​ടെ വി​പ​ണ​ന​ത്തി​നും കൈ​മാ​റ്റ​ത്തി​നും ആ​വ​ശ്യ​മാ​യ രേ​ഖ​ക​ളെ​യും ന​ട​പ​ടി ക്ര​മ​ങ്ങ​ളെ​യും കു​റി​ച്ചും നി​യ​മം നി​ർ​വ​ചി​ക്കു​ന്നു​ണ്ട്. ഇ​തു​പ്ര​കാ​രം അ​തോ​റി​റ്റി​യു​ടെ ലൈ​സ​ൻ​സ് നി​ർ​ബ​ന്ധ​മാ​ണ്​. അ​നു​ബ​ന്ധം ഒ​ന്നി​ലു​ൾ​പ്പെ​ട്ട ഇ​ന​ങ്ങ​ളു​ടെ ഇ​റ​ക്കു​മ​തി​ക്കും ലൈ​സ​ൻ​സ്​ വേ​ണം. അ​നു​ബ​ന്ധം​ ര​ണ്ടി​ലോ മൂ​ന്നി​ലോ ഉ​ൾ​പ്പെ​ട്ട​താ​ണെ​ങ്കി​ൽ നി​ർ​മി​ക്കു​ന്ന രാ​ജ്യ​ത്തു​നി​ന്നു​ള്ള ക​യ​റ്റു​മ​തി അ​ല്ലെ​ങ്കി​ൽ പു​ന​ർ-​ക​യ​റ്റു​മ​തി പെ​ർ​മി​റ്റു​ക​ൾ നേ​ടി​യി​രി​ക്ക​ണം. ട്രാ​ൻ​സി​റ്റ്​ ഷി​പ്പ്​​മെ​ന്‍റു​ക​ൾ​ക്ക്​, ക​യ​റ്റു​മ​തി, ഇ​റ​ക്കു​മ​തി ചെ​യ്യു​ന്ന രാ​ജ്യ​ങ്ങ​ളു​ടെ രേ​ഖ​ക​ൾ വേ​ണം. ആ​വ​ശ്യം​ എന്താണെന്നതും വ്യ​ക്ത​മാ​ക്ക​ണം. ക​ട​ലി​ൽ​നി​ന്ന്​ ക​ണ്ടെ​ത്തു​ന്ന ഇ​ന​ങ്ങ​ൾ​ക്കും​ പ്ര​ത്യേ​ക സ​ർ​ട്ടി​ഫി​ക്ക​റ്റ്​ ആ​വ​ശ്യ​മാ​ണ്.

അ​നു​മ​തി​യി​ല്ലാ​ത്ത​തോ തെ​റ്റി​ദ്ധ​രി​പ്പി​ക്കു​ന്ന​തോ ആ​യ രേ​ഖ​ക​ൾ ഹാ​ജ​രാ​ക്കി​യാ​ൽ സ​ർ​ട്ടി​ഫി​ക്ക​റ്റ്​ റ​ദ്ദു​ചെ​യ്യാ​നും നി​യ​മ​ന​ട​പ​ടി സ്വീ​ക​രി​ക്കു​ന്ന​തി​നും ഇ​ട​യാ​ക്കും. അ​നു​ബ​ന്ധം ഒ​ന്നി​ൽ​പെ​ട്ട ഇ​ന​ങ്ങ​ൾ അ​നു​മ​തി​യി​ല്ലാ​തെ ക​യ​റ്റു​മ​തി​യോ ഇ​റ​ക്കു​മ​തി​യോ ചെ​യ്താ​ൽ​ ര​ണ്ട്​ ല​ക്ഷം മു​ത​ൽ 20 ല​ക്ഷം ദി​ർ​ഹം വ​രെ പി​ഴ​ക്കും​ നാ​ലു വ​ർ​ഷം വ​രെ ത​ട​വു​ശി​ക്ഷ​ക്കും കാ​ര​ണ​മാ​കും.

അ​നു​ബ​ന്ധം ര​ണ്ട്, മൂ​ന്ന് എ​ന്നി​വ​യി​ൽ ഉ​ൾ​പ്പെ​ടു​ന്ന ഇ​ന​ങ്ങ​ളു​ടെ വ്യാ​പാ​ര​ലം​ഘ​ന​ത്തി​ന്​ ഒ​രു ല​ക്ഷം മു​ത​ൽ 10 ല​ക്ഷം ദി​ർ​ഹം വ​രെ പി​ഴ​യും ര​ണ്ട്​ വ​ർ​ഷം വ​രെ ത​ട​വും ല​ഭി​ക്കും. ഇ​ന​ങ്ങ​ളു​ടെ പ​ര​സ്യം മു​ൻ​കൂ​ർ അ​നു​മ​തി​യി​ല്ലാ​തെ ന​ൽ​കു​ക​യോ കൈ​വ​ശം​വെ​ക്കു​ക​യോ ചെ​യ്താ​ൽ ഒ​രു വ​ർ​ഷം ത​ട​വും എ​ട്ടു​ ല​ക്ഷം ദി​ർ​ഹം പി​ഴ​യും ല​ഭി​ക്കും. പെ​ർ​മി​റ്റ്​ നേ​ടു​ന്ന​തി​ന്​ തെ​റ്റാ​യ രേ​ഖ​ക​ൾ സ​മ​ർ​പ്പി​ച്ചാ​ൽ ആ​റു മാ​സം മു​ത​ൽ ര​ണ്ട്​ വ​ർ​ഷം വ​രെ ത​ട​വും ര​ണ്ട്​ ല​ക്ഷം ദി​ർ​ഹം വ​രെ പി​ഴ​യു​മാ​ണ്​ ശി​ക്ഷ.