ഇൻറർനാഷനൽ ഗവൺമെൻറ്് കമ്യൂണിക്കേഷൻ ഫോറത്തിന് തുടക്കം

ഷാർജ: സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമിയുടെ രക്ഷാകർതൃത്വത്തിൽ ഷാർജ ഗവൺമെൻറ്​ മീഡിയ ബ്യൂറോ സംഘടിപ്പിക്കുന്ന ഇൻറർനാഷനൽ ഗവൺമെൻറ് കമ്യൂണിക്കേഷൻ ഫോറം (ഐ.ജി.സി.എഫ്) അൽതാവൂനിലെ വേൾഡ് എക്സ്പോ സെൻററിൽ ആരംഭിച്ചു. ലോകമെമ്പാടുമുള്ള 79 വിദഗ്ധരെ ഒരു കുടക്കീഴിൽ കൊണ്ടുവന്ന് സർക്കാർ ആശയവിനിമയത്തി​െൻറ അനുഭവങ്ങൾ പങ്കുവെക്കനും ഭാവിയിലേക്കുള്ള ചുവടുവെപ്പുകൾ വിലയിരുത്താനും അവസരമൊരുക്കുകയാണ് ഫോറത്തി​െൻറ മുഖ്യ ലക്ഷ്യം. 'ചരിത്രപാഠങ്ങൾ, ഭാവി അഭിലാഷങ്ങൾ' ശീർഷകത്തിൽ ആദ്യദിനം വൈവിധ്യങ്ങളായ വിഷയങ്ങളാണ് ചർച്ചയായത്.

മന്ത്രിമാരും ഗവേഷകരും ചിന്തകരും സാമ്പത്തിക വിദഗ്ധരും അണിച്ചേർന്നു. നിലവിലെ സാമൂഹിക പ്രശ്നങ്ങളും മഹാമാരിക്കാലത്തെ മാന്ദ്യങ്ങളും പരിഹാരങ്ങളും വിഷയമായി.