മീഡിയവൺ ബിസിനസ്​ ഇന്നൊവേഷൻ ലാബിന്​ തുടക്കം

ദുബൈ: മീഡിയവണി​െൻറ പുതിയ സംരംഭമായ മീഡിയവൺ ബിസിനസ്​ ഇന്നൊവേഷൻ ലാബിന്​ (​മൊബീൽ)​ ഗൾഫിൽ തുടക്കമായി. ആദ്യഘട്ടത്തിൽ യു.എ.ഇയിലാണ്​ നടപ്പാക്കുന്നത്​. പുതിയ സംരംഭങ്ങൾക്കും പ്രതിസന്ധി നേരിടുന്ന ബിസിനസുകൾക്കും മാർഗനിർദേശം നൽകാനും കൈത്താങ്ങാകാനും ലക്ഷ്യമിട്ടാണ്​ മൊബീൽ തുടങ്ങുന്നത്​. പ്രവർത്തനോദ്​ഘാടനം മീഡിയവൺ ഡയറക്​ടർ ഡോ. അഹ്​മദ്​ നിർവഹിച്ചു.

മീഡിയവൺ വൈസ്​ ചെയർമാൻ പി. മുജീബ്​റഹ്​മാൻ മുഖ്യപ്രഭാഷണം നടത്തി. കോവിഡ്​ പ്രതിസന്ധിയിൽനിന്ന്​ കരകയറാൻ ബിസിനസ്​ വൈദഗ്​ധ്യവും തന്ത്രങ്ങളും പരസ്പരം കൈമാറി മുന്നേറുക എന്നതാണ് പ്രഥമ​ ലക്ഷ്യമെന്ന്​ ​അദ്ദേഹം പറഞ്ഞു.

മീഡിയവൺ സി.ഒ.ഒ ഇർഷാദുൽ ഇസ്​ലാം മൊബീലി​െൻറ ആശയം അവതരിപ്പിച്ചു. മീഡിയവൺ സി.ഇ.ഒ റോഷൻ കക്കാട്ട്​ സംസാരിച്ചു. ബിസിനസ്​ മേഖലയിലെ നിരവധി പേർ പ​ങ്കെടുത്തു. സംരംഭകരുടെ സംശയങ്ങൾക്ക്​ ഇർഷാദുൽ ഇസ്​ലാമും റോഷൻ കക്കാട്ടും മറുപടി നൽകി. മാധ്യമം -മീഡിയവൺ മിഡിലീസ്​റ്റ്​ ഓപറേഷൻ ഡയറക്​ടർ മുഹമ്മദ്​ സലീം അമ്പലൻ സ്വാഗതം പറഞ്ഞു. മാധ്യമം -മീഡിയവൺ എക്​സിക്യൂട്ടിവ്​ കമ്മിറ്റി ചെയർമാൻ അബ്​ദുസ്സലാം ഒലയാട്ട്​ സമാപന പ്രസംഗം നടത്തി. മീഡിയവൺ ചീഫ്​ ബ്രോഡ്​കാസ്​റ്റിങ്​ ജേണലിസ്​റ്റ്​ ഷിനോജ്​ ഷംസുദ്ദീൻ അവതാരകനായിരുന്നു.