തൊഴിലാളികള്‍ക്ക് ശീതള പാനീയങ്ങള്‍ വിതരണം ചെയ്തു

അജ്മാന്‍ : അജ്മാനിലെ വിവിധ ലേബര്‍ ക്യാമ്പുകളില്‍ ശീതളപാനീയങ്ങള്‍ വിതരണം ചെയ്തു. ഹ്യൂമണ്‍ അപ്പീല്‍ ഇൻറര്‍നാഷണലിന്റെ ആഭിമുഖ്യത്തിലാണ് എമിറേറ്റിലെ വ്യത്യസ്ത ഭാഗങ്ങളിലെ ലേബര്‍ ക്യാമ്പുകളിലെ ആയിരക്കണക്കിന് തൊഴിലാളികള്‍ക്ക്  വെള്ളവും ജ്യുസുമടങ്ങുന്ന ശീതളപാനീയങ്ങള്‍ വിതരണം ചെയ്തത്.

യു.എ.ഇ പ്രസിഡൻറ്​ ശൈഖ് ഖലീഫ പ്രഖ്യാപിച്ച ദാനവര്‍ഷതി​​െൻറ ഭാഗമായാണ് ഹ്യൂമണ്‍ അപ്പീല്‍ ഇൻറര്‍നാഷണല്‍ ഈ പരിപാടി സംഘടിപ്പിച്ചത്. 
വര്‍ധിച്ച ചൂടുകാരണം മാനവ വിഭവ ശേഷി മന്ത്രാലയം നടപ്പിലാക്കുന്ന ഉച്ചവി​ശ്രമ നിയമം അനുബന്ധിച്ച് കൂടുതല്‍ ചൂട് നേരിടുന്ന അല്‍ ജറഫ്, നുഐമിയ, അല്‍ സാവാന്‍  മേഖലകള്‍ തിരഞ്ഞെടുത്തതാണ് ഈ പദ്ധതി നടപ്പിലാക്കിയത്. 

സാമൂഹ്യ ഉത്തരവാദിത്തങ്ങൾ പ്രോത്സാഹിപ്പിക്കുന്നതിൽ തങ്ങളുടെ പങ്ക് നിർവഹിക്കാനാണ് ഹ്യൂമണ്‍ അപ്പീല്‍ ഇൻറര്‍നാഷണല്‍ ഇത്തരം പരിപാടികള്‍ സംഘടിപ്പിക്കുന്നതെന്ന്‍  എക്സിക്യൂട്ടീവ് ഡയറക്ടർ ഖാലിദ് അബ്​ദുൽ വാഹബ് അൽ ഖജാ പറഞ്ഞു. വിവിധ ഘട്ടങ്ങളില്‍ ലേബര്‍ ക്യാമ്പുകള്‍ കേന്ദ്രീകരിച്ച് ഭക്ഷണ വിതരണവും ഹ്യൂമണ്‍ അപ്പീല്‍ ഇൻറര്‍നാഷണല്‍ നേരത്തെ സംഘടിപ്പിച്ചിരുന്നു.