കോവിഡ് 19: ലേബർ പെർമിറ്റുകൾ നൽകുന്നത്​ യു.എ.ഇ നിർത്തി

ദുബൈ: ലേബർ പെർമിറ്റുകൾ നൽകുന്നത്​ യു.എ.ഇ നിർത്തിവെച്ചു. വീട്ടുജോലിക്കാർ, ​ഡ്രൈവർമാർ എന്നിവ ഉൾപ്പെടെ എല്ലാ വിധ ജോലികൾക്കുള്ള അനുമതിയും ഇന്ന്​ മുതൽ ഇനിയൊരു അറിയിപ്പുണ്ടാവുന്നതു വരെ നൽകുന്നതല്ലെന്ന്​ യു.എ.ഇ മനുഷ്യവിഭവശേഷി-സ്വദേശിവത്​കരണ മന്ത്രാലയം അറിയിച്ചു.

എന്നാൽ, എക്​സ്​പോ2020യുമായി ബന്ധപ്പെട്ട ജോലികൾക്കുള്ള അനുമതി തുടരും. ഒരു സ്​ഥാപനങ്ങളിൽ നിന്നുള്ള മാറ്റങ്ങളും അനുവദിക്കും. കോവിഡ്​ വ്യാപനം തടയുന്നതി​​​െൻറ ഭാഗമായി ദേശീയ ക്രൈസിസ്​ ആൻറ്​ ഡിസാസ്​റ്റർ മാനേജ്​മെന്‍റ് അതോറിറ്റിയുമായി കൂടിയാലോചിച്ചാണ്​ ഇത്തരമൊരു തീരുമാനം കൈക്കൊണ്ടതെന്ന്​ യു.എ.ഇ വാർത്താ ഏജൻസിയായ വാം വ്യക്​തമാക്കി.

ഇന്ത്യക്കാർ ഉൾപ്പെടെ തെക്കൻ ഏഷ്യൻ രാജ്യങ്ങളിൽ നിന്ന്​ തൊഴിലിനായി എത്തുന്നവർക്കാണ്​ ഇൗ തീരുമാനം ഏറ്റവുമധികം ബാധിക്കുക.

Latest Video