കെ.പി.എൽ; തലമുണ്ട സ്റ്റാലിയൻസ് ജേതാക്കൾ
text_fields
കണ്ണൂർ കാഞ്ഞിരോട് പ്രീമിയർ ലീഗ് ക്രിക്കറ്റ് ടൂർണമെന്റിൽ ചാമ്പ്യന്മാരായ തലമുണ്ട സ്റ്റാലിയൻസ് ടീം
ദുബൈ: കണ്ണൂർ കാഞ്ഞിരോട് പ്രീമിയർ ലീഗ് ക്രിക്കറ്റ് ടൂർണമെന്‍റ് സീസൺ 12ൽ തലമുണ്ട സ്റ്റാലിയൻസ് ചാമ്പ്യന്മാരായി. ദുബൈ അക്കാദമിക് സിറ്റി ഗ്രൗണ്ടിൽ നടന്ന മത്സരത്തിൽ കുടുക്കിമൊട്ട ചാർജേഴ്സിനെ നാലു റൺസിന് പരാജയപ്പെടുത്തിയാണ് സ്റ്റാലിയൻസ് ചാമ്പ്യന്മാരായത്. 164 എന്ന വിജയലക്ഷ്യം പിന്തുടർന്ന ചാർജേഴ്സിന് നിശ്ചിത 14 ഓവറിൽ നാലു വിക്കറ്റ് നഷ്ടത്തിൽ 160 റൺസ് എടുക്കാനേ കഴിഞ്ഞുള്ളൂ. വിജയികൾക്കായി 19 പന്തിൽ 46 റൺസ് എടുത്ത മുഹമ്മദ് മാട്ടൂൽ കളിയിലെ താരമായി. ശമ്മാസ് കുടുക്കിമൊട്ടയാണ് മാൻ ഓഫ് ദ സീരീസ്.
