കെ.പി ചായ് പുതിയ ​ബ്രാഞ്ച്​ ഉദ്​ഘാടനം ഇന്ന്​

ദുബൈ: കെ.പി ഗ്രൂപ്പിന് കീഴിലുള്ള കെ.പി ചായയുടെ മുപ്പത്തി നാലാമത് ബ്രാഞ്ച്​ ദുബൈ ദേരയിലെ യൂനിയൻ ബസ്​ സ്റ്റേഷനിൽ ശനിയാഴ്ച പ്രവർത്തനമാരംഭിക്കും.

വൈകിട്ട്​ 4.30 ന് നടക്കുന്ന ഉദ്​ഘാടന ചടങ്ങിൽ ഇന്ത്യയിലെയും യു.എ.ഇയിലേയും സാമൂഹിക, സാംസ്കാരിക രംഗത്തെ പ്രമുഖർ സംബന്ധിക്കുമെന്ന്​ കെ.പി ഗ്രൂപ് മാനേജിങ്​ ഡയറക്ടര്‍ കെ.പി മുഹമ്മദ് വാർത്ത സമ്മേളനത്തിൽ അറിയിച്ചു.

ഉദ്ഘാടനത്തോടനുബന്ധിച്ച് വ്യത്യസ്ത കലാരൂപങ്ങളുടെ പ്രദർശനവും ഉണ്ടാകും. കറക് ചായ്, സ്പെഷ്യൽ ഗ്രിൽ ആൻഡ് സാൻഡ്‌വിച്ച്, ബർഗർ, പാസ്ത ഉൾപ്പെടെ തനത്​ അറബിക്, കോണ്ടിനെന്‍റൽ വിഭവങ്ങളാണ് കെ.പി ചായ് പുതിയ ഔട്ട്​ലറ്റിലൂടെ ഉപഭോക്​താക്കളിലേക്കെത്തിക്കുന്നത്​. കെ.പി ചായ് ഫ്രാഞ്ചൈസി പദ്ധതിയുമായി ബന്ധപ്പെട്ടുള്ള നടപടിക്രമങ്ങൾ തുടരുകയാണെന്നും അദ്ദേഹം പറഞ്ഞു​. ഫ്രാഞ്ചൈസി ഓൺഡ്​ കമ്പനി ഓപറേറ്റഡ്​ (എം.ഒ.സി.ഒ) എന്ന രൂപത്തിലാണ് പദ്ധതി വിഭാവനം ചെയ്യുന്നത്​.

കെ.പി ഗ്രൂപ്പ്​ ഡയറക്ടർ കെ.പി ആഷിഖ്, റെസ്റ്റോറന്‍റ്​ ഡിവിഷൻ ജനറൽ മാനേജർ ബൈജു വിശ്വംഭരൻ, ചീഫ് ഫിനാൻഷ്യൽ ഓഫീസർ സലീത്ത് എറോത്ത്, കെ.പി ചായ് യൂണിയൻ ബ്രാഞ്ച് മാനേജർ ഷാഫി എന്നിവരും വാർത്ത സമ്മേളനത്തിൽ പങ്കെടുത്തു.