കൊല്ലം എസ്.എൻ കോളജ് അലുമ്നി സംഗീതസായാഹ്നം സംഘടിപ്പിച്ചു
text_fieldsദുബൈ: കൊല്ലം ശ്രീനാരായണ കോളജ് അലുമ്നി യു.എ.ഇയുടെ സംഗീത സായാഹ്നം ദുബൈയിൽ നടന്നു. പരിപാടിയിൽ ഇൻഡോർ ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റിൽനിന്നും ഉന്നത ബിരുദം നേടിയ നസീർ വെളിയലിനെ ആദരിച്ചു.
പ്രസിഡന്റ് റസ്ല അംനാദിന്റെ അധ്യക്ഷതയിൽ കൂടിയ യോഗത്തിൽ രക്ഷാധികാരി ജയശീലൻ നസീർ വെളിയലിനെ പൊന്നാട അണിയിച്ചു. ഭിന്നശേഷിക്കാരനായ നിഹാലിന്റെ സംഗീതത്തിലുള്ള കഴിവിനെ അനുമോദിക്കുകയും ചെയ്തു.
തുടർന്ന് നിഹാലിന്റെ സംഗീത ബാൻഡ് അവതരിപ്പിച്ച ഫ്യൂഷൻ, അങ്കിതയുടെ ഗാനങ്ങൾ എന്നിവ ഉൾപ്പെടുത്തി പ്രത്യേക സംഗീത സായാഹ്ന പരിപാടിയും നടന്നു. നവംബറിൽ പൂർവവിദ്യാർഥി സംഗമവും സംഗീതനിശയും സംഘടിപ്പിക്കാൻ തീരുമാനിച്ചു. യോഗത്തിൽ നസീർ വെളിയിൽ, അഡ്വ. നജുമുദ്ദീൻ, അനൂപ് ബാബുദേവൻ, ഷിബു, ബിബിൻ, കമൽ, പ്രവീൺ, റസ്ല, ജയശീലൻ എന്നിവർ സംസാരിച്ചു. ജനറൽ സെക്രട്ടറി അനൂപ് ബാബുദേവൻ സ്വാഗതവും ട്രഷറർ ആർ.ജി. ഷിബു നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.