കൊല്ലം സ്വദേശി റാസല്‍ഖൈമയില്‍ നിര്യാതനായി

റാസല്‍ഖൈമ: കൊല്ലം കടയ്ക്കല്‍ സംബ്രമം പണയില്‍ വീട്ടില്‍ ബദറുദ്ദീന്‍ യാക്കൂബ്​ ഹാജി (70) റാസല്‍ഖൈമയില്‍ നിര്യാതനായി. 45 വര്‍ഷമായി ഗള്‍ഫിലുള്ള ബദറുദ്ദീന്‍ ദീര്‍ഘനാള്‍ ഫെഡറല്‍ ഇലക്ട്രിസിറ്റി ആൻഡ്​ വാട്ടര്‍ അതോറിറ്റിയില്‍ സേവനമനുഷ്ഠിച്ചിരുന്നു. റാക് ഇബ്രാഹിം ബിന്‍ ഹമദ് ഉബൈദുല്ലാഹ് ആശുപത്രിയില്‍ തിങ്കളാഴ്ച്ചയായിരുന്നു അന്ത്യം.

ഖബറടക്കം റാസല്‍ഖൈമയില്‍ നടത്തുമെന്ന് ബന്ധുക്കള്‍ അറിയിച്ചു. റാക് ഐ.സി.എഫ് അംഗമായിരുന്നു. ഭാര്യ: സഫിയ. മക്കള്‍: ജാബിര്‍ (ഇ.എസ് ഗ്ലേബല്‍ റാക്), മുഹമ്മദ് (ദുബൈ), മുനീറ. മരുമക്കള്‍: ജിജു, ഫൈസിന, നൗറിന്‍.