കോ​ല​ഞ്ചേ​രി അ​സോസിയേഷൻ ഓ​ണാ​ഘോ​ഷം

ദുബൈ: യു.എ.ഇ കോലഞ്ചേരി അസോസിയേഷന്‍റെ നേതൃത്വത്തിൽ ഓണാഘോഷം സംഘടിപ്പിച്ചു. മേരി യൗനാൻ ഉദ്ഘാടനം ചെയ്തു. പ്രസിഡന്‍റ് എൽദോ പോൾ അധ്യക്ഷത വഹിച്ചു. സെക്രട്ടറി ബിജു മാർക്കോസ് സ്വാഗതം പറഞ്ഞു.

വിവിധ സംഘടനകളുടെ പ്രതിനിധികളായ ചാൾസ് പോൾ (അക്കാഫ്), ബാബു കക്കാടൻ (വിൽമേക്ക്), ഷിബു കുര്യാക്കോസ് (പേട്രൺ), ഐഡൻ വർഗീസ് (സ്പെക്ക), ജിനീഷ് (മാമ്മലശ്ശേരി അസോസിയേഷൻ) എന്നിവർ സംസാരിച്ചു. പ്രോഗ്രാം കൺവീനർ എൽദോ എം. ചാക്കോ നന്ദി പറഞ്ഞു. വിവിധ കലാപരിപാടികൾ അരങ്ങേറി. പൂക്കളവും പൂവിളിയും ഓണസദ്യയും ഓണക്കളികളും അരങ്ങേറി.