കൊച്ചി മെട്രോ-നിക്കോൺ സിനിമാ  നിർമാണ ശിൽപശാലകൾക്ക്​ തുടക്കമായി

ദുബൈ:  പ്രഗൽഭ മലയാള സിനിമാ താരങ്ങളായ മോഹൻലാലും രവീന്ദ്രനും നേതൃത്വം നൽകുന്ന കൊച്ചി മെട്രോ ബഹ്​റൈൻ ഷോർട്ട്​ഫിലിം ഫെസ്​റ്റിവലി​​​െൻറ മുന്നോടിയായി നിക്കോണി​​​െൻറ സഹകരണത്തോടെ സംഘടിപ്പിക്കുന്ന സൗജന്യ ഷോർട്ട്​ഫിലിം നിർമാണ ശിൽപശാലക്ക്​ തുടക്കമായി. ശില്‍പശാലയില്‍ മികവ് തെളിയിക്കുന്നവര്‍ക്ക് ഹ്രസ്വസിനിമകള്‍ നിര്‍മിക്കാനാവശ്യമായ കാമറയും ഉപകരണങ്ങളും നിക്കോണ്‍ സൗജന്യമായി നല്‍കും.  ഇൗ ചിത്രങ്ങളിൽ നിന്ന്​ തെരഞ്ഞെടുക്കപ്പെടുന്നവക്ക്​ 51,000 ദിർഹത്തി​​​െൻറ സമ്മാനങ്ങളാണ്​ ലഭിക്കുക. വളരുന്ന തലമുറയെ കലയിലൂടെ ശാക്​തീകരിക്കാനുള്ള ശ്രമമാണ്​ നിക്കോൺ ഇതു വഴി നടത്തുന്നതെന്ന്​ നിക്കോൺ മിഡിൽ ഇൗസ്​റ്റ്​ എം.ഡി ന​േ​രന്ദ്രമേനോൻ പറഞ്ഞു. ചെറു തലമുറക്ക്​ സിനിമാ നിർമാണ ശാഖയുടെ എല്ലാ വഴികളും തുറന്നിട്ടു നൽകാനും നല്ല നാളേക്ക്​ ഉതകുന്ന ചലചിത്ര പ്രവർത്തകരായി വളർത്തിയെടുക്കാനുമാണ്​ ലക്ഷ്യമിടുന്നതെന്ന്​ നടൻ രവീന്ദ്രൻ വ്യക്​തമാക്കി. ഇതു സംബന്ധിച്ച വിവരങ്ങൾ kochimetroshortfilmfest@gmail.com എന്ന വിലാസത്തിൽ ലഭിക്കും. അബൂദബി ഖാലിദിയയിലെ ഗ്രാൻറ്​ സ്​റ്റോറിൽ ഇന്ന്​ രാവിലെ ഒമ്പതു മുതൽ 12 വരെയും ഉച്ചക്ക്​ രണ്ട്​ മുതൽ ആറു വരെയും ശിൽപശാല നടക്കും. ദുബൈ ഗർഹൂദിലെ ഗ്രാൻറ്​ സ്​റ്റോറിൽ നാളെ രാവിലെ 11 മുതൽ ഒന്നു വരെയും രണ്ടു മുതൽ ആറു വരെയുമാണ്​ ശിൽപശാല സമയം. തുടർന്ന്​ ബഹ്​റൈനിലും കുവൈത്തിലും ക്ലാസുകളുണ്ടാവും.