കെ.എം.സി.സി 'സൻസദ് -21' ലോഗോ പ്രകാശനം

അബൂദബി: 75ാം ഇന്ത്യൻ സ്വാതന്ത്ര്യദിനത്തോടനുബന്ധിച്ച് നടത്തുന്ന പരിപാടി 'സൻസദ് -21' ലോഗോ പ്രകാശനം എൽ.എൽ.എച്ച് ഹോസ്​പിറ്റൽ സർജൻ ഡോ. രജനികാന്ത്, അബൂദബി സ്​റ്റേറ്റ് കെ.എം.സി.സി പ്രസിഡൻറ്​ ഷുക്കൂറലി കല്ലുങ്ങൽ എന്നിവർ ചേർന്ന് നിർവഹിച്ചു. ജില്ല പ്രസിഡൻറ്​ ടി. ഹിദായത്തുല്ല അധ്യക്ഷതവഹിച്ചു. ഇന്ത്യൻ ഇസ്​ലാമിക്‌ സെൻറർ ജനറൽ സെക്രട്ടറി അബ്​ദുസ്സലാം, പബ്ലിക് റിലേഷൻ സെക്രട്ടറി സലീം നാട്ടിക എന്നിവർ സംബന്ധിച്ചു.

സംസ്ഥാന ഭാരവാഹികളായ അസീസ് കാളിയാടാൻ, അഷ്‌റഫ് പൊന്നാനി, റഷീദലി മമ്പാട് എന്നിവർ ആശംസ നേർന്നു. ആഗസ്​റ്റ്​ 13ന് അബൂദബി ഇന്ത്യൻ ഇസ്​ലാമിക്‌ സെൻററിൽ സംഘടിപ്പിക്കുന്ന പരിപാടിയിൽ മുൻകൂട്ടി രജിസ്​റ്റർ ചെയ്​ത അംഗങ്ങൾക്കാകും പ്രവേശനം.

പൂർണമായ കോവിഡ് മാനദണ്ഡങ്ങൾ പാലിച്ചായിരിക്കും പരിപാടി. ഭാരവാഹികളായ ഹംസക്കോയ, ഹംസുഹാജി പാറയിൽ, ലത്തീഫ് തേക്കിൽ, അസൈനാർ ഹാജി, കുഞ്ഞിപ്പ മോങ്ങം, ഹുസൈൻ, സൈനുദ്ദീൻ കൊടുമുടി, അബ്​ദുൽഖാദർ ഒളവട്ടൂർ, റഫീഖ്, അബുഹാജി, ജാഫർ തെന്നല, ഹൈദർ ബിൻ മൊയ്‌തു, നൗഷാദ് തൃപ്രങ്ങോട് എന്നിവർ പങ്കെടുത്തു.