വിസ തട്ടിപ്പിനിരയായ കൊല്ലം സ്വദേശിക്ക്​ തുണയായി കെ.എം.സി.സി

ഷാ​ർ​ജ: വി​സ ത​ട്ടി​പ്പി​നി​ര​യാ​യ കൊ​ല്ലം സ്വ​ദേ​ശി​ക്ക്​ തു​ണ​യാ​യി കെ.​എം.​സി.​സി. 'ഗ​ൾ​ഫ്​ മാ​ധ്യ​മം' വാ​ർ​ത്ത ശ്ര​ദ്ധ​യി​ൽ​പെ​ട്ട​തി​നെ​ത്തു​ട​ർ​ന്ന്​ കെ.​എം.​സി.​സി കൊ​ല്ലം ജി​ല്ല ക​മ്മി​റ്റി നേ​താ​ക്ക​ളാ​യ തേ​വ​ല​ക്ക​ര ബാ​ദു​ഷ, ഷ​ബീ​ർ പ​ത്ത​നാ​പു​രം, ഷാ​ൻ എ​ന്നി​വ​രാ​ണ്​ സ​ഹാ​യ​വു​മാ​യി രം​ഗ​ത്തെ​ത്തി​യ​ത്. ച​വ​റ തേ​വ​ല​ക്ക​ര സ്വ​ദേ​ശി നി​സാ​റാ​ണ്​ തൊ​ഴി​ൽ​ത​ട്ടി​പ്പി​ന്​ ഇ​ര​യാ​യ​ത്. നാ​ട്ടു​കാ​ര​നാ​യ ഒ​രാ​ൾ​ 90,000 രൂ​പ വാ​ങ്ങി വി​സി​റ്റ്​​ വി​സ​യി​ൽ ദു​ബൈ​യി​ലെ​ത്തി​ച്ച ശേ​ഷം ക​ബ​ളി​പ്പി​ക്കു​ക​യാ​യി​രു​ന്നു.

ദു​ബൈ​യി​ലെ​ത്തി​യാ​ൽ ഏ​ജ​ന്‍റ്​ താ​മ​സ​വും ജോ​ലി​യും ന​ൽ​കു​മെ​ന്നാ​ണ്​ പ​റ​ഞ്ഞി​രു​ന്ന​ത്. എ​ന്നാ​ൽ, ദു​ബൈ​യി​ലെ​ത്തി വി​ളി​ച്ച​പ്പോ​ൾ ഏ​ജ​ന്‍റി​ന്‍റെ ന​മ്പ​ർ പ്ര​വ​ർ​ത്ത​ന​ര​ഹി​ത​മാ​ണെ​ന്ന മ​റു​പ​ടി​യാ​ണ്​ ല​ഭി​ച്ച​ത്.

നാ​ട്ടി​ലെ ന​മ്പ​റാ​ണ്​ ഏ​ജ​ന്‍റ്​ വാ​ട്​​സ്ആ​പ്​ ന​മ്പ​റാ​യി ഉ​പ​യോ​ഗി​ച്ചി​രു​ന്ന​ത്. അ​തി​ൽ മാ​ത്ര​മേ ബ​ന്ധ​പ്പെ​ടാ​ൻ ക​ഴി​യു​മാ​യി​രു​ന്നു​ള്ളൂ.

ഏ​ജ​ന്‍റ്​ നി​ർ​ദേ​ശി​ച്ച​തു​പ്ര​കാ​രം പ​ല ക്യാ​മ്പു​ക​ളി​ലാ​യി മാ​റി​മാ​റി താ​മ​സി​ച്ചു. ജോ​ലി​യെ​ക്കു​റി​ച്ച്​ ചോ​ദി​ക്കു​മ്പോ​ൾ എ​ന്തെ​ങ്കി​ലു​മൊ​ക്കെ പ​റ​ഞ്ഞ്​ ഒ​ഴി​വാ​ക്കു​ക​യാ​യി​രു​ന്നു പ​തി​വ്. പ​ണം കൃ​ത്യ​മാ​യി അ​ട​ക്കാ​താ​യ​തോ​ടെ താ​മ​സ​സ്ഥ​ല​ത്തു​നി​ന്നും പു​റ​ത്താ​ക്കി.

ഇ​പ്പോ​ൾ നാ​ട്ടു​കാ​രു​ടെ സ​ഹാ​യ​ത്തോ​ടെ ഷാ​ർ​ജ​യി​ലും അ​ജ്​​മാ​നി​ലും പ​ല​യി​ട​ങ്ങ​ളി​ൽ മാ​റി​മാ​റി താ​മ​സി​ക്കു​ക​യാ​യി​രു​ന്നു. ഇ​ത്ത​ര​ത്തി​ൽ ദു​രി​ത​ത്തി​ലാ​യ നി​സാ​റി​ന്‍റെ അ​വ​സ്ഥ ക​ഴി​ഞ്ഞ​യാ​ഴ്ച​യാ​ണ്​ 'ഗ​ൾ​ഫ്​ മാ​ധ്യ​മം' വാ​ർ​ത്ത​യാ​ക്കി​യ​ത്.

കെ.​എം.​സി.​സി കൊ​ല്ലം ജി​ല്ല ക​മ്മി​റ്റി ഭാ​ര​വാ​ഹി​ക​ൾ അ​ദ്ദേ​ഹ​ത്തി​ന് താ​ൽ​ക്കാ​ലി​ക അ​ഭ​യ​വും ഭ​ക്ഷ​ണ​വും ന​ൽ​കി​യി​ട്ടു​ണ്ട്. അ​തോ​ടൊ​പ്പം നി​സാ​റി​ന് അ​നു​യോ​ജ്യ​മാ​യ വ​രു​മാ​ന മാ​ർ​ഗം ക​ണ്ടെ​ത്താ​ൻ എ​ല്ലാ സ​ഹാ​യ​ങ്ങ​ളും ന​ൽ​കു​മെ​ന്നും ത​ട്ടി​പ്പ്​ ന​ട​ത്തി​യ​വ​രെ നി​യ​മ​ത്തി​നു മു​ന്നി​ലെ​ത്തി​ക്കാ​ൻ കെ.​എം.​സി.​സി സ​ഹാ​യി​ക്കു​മെ​ന്നും നേ​താ​ക്ക​ൾ 'ഗ​ൾ​ഫ്​ മാ​ധ്യ​മ'​ത്തോ​ട് പ​റ​ഞ്ഞു.

മൂ​ന്നു​മ​ക്ക​ളു​ടെ പി​താ​വാ​യ നി​സാ​ർ മു​മ്പ്​ ഒ​മാ​നി​ൽ പ്ര​വാ​സി​യാ​യി​രു​ന്നു. ജോ​ലി​ക്കി​ടെ വാ​ഹ​നാ​പ​ക​ട​ത്തി​ൽ പ​രി​ക്കേ​റ്റ​തി​നാ​ൽ നാ​ട്ടി​ലേ​ക്ക്​ തി​രി​ച്ചു​പോ​യി. അ​വി​ടെ സെ​ക്യൂ​രി​റ്റി​യാ​യി ​ജോ​ലി ചെ​യ്തു​വ​രി​കെ​യാ​ണ്​ കോ​വി​ഡ്​ പ്ര​തി​സ​ന്ധി മൂ​ലം പ്രാ​ര​ബ്​​ധ​ങ്ങ​ൾ കൂ​ടി​യ​ത്.

തു​ട​ർ​ന്നാ​ണ്​ പ​ല​യി​ട​ത്തു​നി​ന്ന് ക​ടം വാ​ങ്ങി വീ​ണ്ടും പ്ര​വാ​സി​യാ​കാ​ൻ തീ​രു​മാ​നി​ച്ച​തും ക​ബ​ളി​പ്പി​ക്ക​പ്പെ​ട്ട​തും.