Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightകെ.എം.സി.സിയുടെ...

കെ.എം.സി.സിയുടെ ചാർ​േട്ടഡ്​ വിമാനം ഒരു ദിവസം വൈകിയത്​ എന്തു കൊണ്ട്​ 

text_fields
bookmark_border
flight-service
cancel

ദുബൈ: യു.എ.ഇ കെ.എം.സി.സി ചാർട്ടർ ചെയ്​ത വിമാനം ആശങ്കകൾക്കും അനിശ്​ചിതത്വത്തിനുമൊടുവിൽ 36 മണിക്കുർ  വൈകി പറന്നു. യു.എ.ഇയിൽ നിന്ന്​ കേരളത്തിലേക്കുള്ള ആദ്യ ചാർ​േട്ടഡ്​ വിമാനമാണിത്​. കേന്ദ്രസർക്കാർ വന്ദേഭാരത്​ മിഷനിൽ ഒരുക്കിയ പരിമിതമായ വിമാനങ്ങളിൽ സീറ്റ്​ ലഭിക്കാഞ്ഞ നൂറുകണക്കിനാളുകൾക്ക്​ ആശ്രയവും ആശ്വാസവുമാകുമെന്ന്​ കരുതപ്പെടുന്ന ചാർട്ടഡ്​ വിമാനം ആദ്യ ദിവസം തന്നെ മുടങ്ങിയത്​ ഏറെ ആശങ്കയും അതിലേറെ ആരോപണങ്ങൾക്കും വഴിവെച്ചു.

ചാർട്ടഡ്​ വിമാനം പറന്നാൽ അത്​ ആസൂത്രണം ചെയ്​ത സംഘടനക്ക്​ ക്രെഡിറ്റ്​ കിട്ടുമെന്ന്​ കരുതിയവർ വിമാനം മുടങ്ങിയത്​ ആഘോഷിച്ചു. ആതേ സമയം കേരള സർക്കാറി​​െൻറ ഇടപെടൽ മൂലമാണ്​ വിമാനം മുടങ്ങിയതെന്ന ആരോപണം മറുപക്ഷവും പ്രചരിപ്പിച്ചു. കേരളത്തിലേക്കുള്ള ചാർട്ടഡ്​ വിമാനങ്ങൾക്ക്​ മുഖ്യമന്ത്രി മുന്നോട്ടുവെച്ച നിബന്ധനകൾ ആ ആരോപണങ്ങൾക്ക്​ ശക്​തിയും പകർന്നു. എന്നാൽ റാസൽഖൈമയിൽ നിന്ന്​ ചൊവ്വാഴ്​ച വൈകുന്നേരം വിമാനം പറക്കാതിരിക്കാനുള്ള യഥാർഥ കാരണം ഇതൊന്നുമായിരുന്നില്ല.

ചാർട്ടഡ്​ വിമാനത്തിന്​ ആവശ്യമായ സത്യവാങ്​മൂലങ്ങൾ നൽകുന്നതിൽ വിമാന കമ്പനിക്ക്​ പറ്റിയ പിഴവാണ്​ വ്യോമയാന മന്ത്രാലയത്തി​​െൻറ അനുമതി ലഭിക്കാൻ തടസമായത്​. കോവിഡ്​ കാലത്ത്​ പ്രത്യേകമായി നൽകേണ്ട അഫിഡവിറ്റുകൾക്ക്​ പകരം പഴയ രേഖകളും അപേക്ഷകളുമാണ്​ വിമാനക്കമ്പനി സമർപ്പിച്ചിരുന്നതെന്ന്​ വിശ്വസനീയ കേന്ദ്രങ്ങൾ വെളിപ്പെടുത്തുന്നു. നാട്ടിലേക്ക്​ മടങ്ങുവാൻ അത്യാവശ്യക്കാരായ ആളുകളുടെ യാത്രയാണ്​ വൈകുന്നത്​ എന്നു കണ്ട യു.എ.ഇ അധികൃതർ ഏറ്റവും അനുഭാവപൂർണമായ നിലപാട്​ സ്വീകരിച്ചതോടെ പുതിയ അപേക്ഷയും സത്യവാങ്​മൂലങ്ങളും സമർപ്പിച്ചതിന്​ തൊട്ടുപിന്നാലെ യാത്ര സാധ്യമാവുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsmalayalam newscovid 19lockdown
News Summary - KMCC Flight service-Gulf news
Next Story