പു​റ​ത്താ​ക്കി​യി​ട്ടും 'പു​റ​ത്താ​കാ​തെ' ഇ​ബ്രാ​ഹിം എ​ളേ​റ്റി​ൽ

ദു​ബൈ: മു​സ്​​ലിം ലീ​ഗി​ൽ​നി​ന്നും പോ​ഷ​ക സം​ഘ​ട​ന​യാ​യ കെ.​എം.​സി.​സി​യി​ൽ​നി​ന്നും പു​റ​ത്താ​ക്കി​യെ​ങ്കി​ലും 'പു​റ​ത്താ​കാ​തെ' ഇം​ബ്രാ​ഹിം എ​ളേ​റ്റി​ൽ. അ​ച്ച​ട​ക്ക ലം​ഘ​ന​ത്തി​ന്‍റെ പേ​രി​ൽ ദു​ബൈ കെ.​എം.​സി.​സി പ്ര​സി​ഡ​ന്‍റ്​ സ്ഥാ​ന​ത്തു​നി​ന്നു​ൾ​പ്പെ​ടെ ലീ​ഗ്​ നേ​തൃ​ത്വം പു​റ​ത്താ​ക്കി​യെ​ങ്കി​ലും കെ.​എം.​സി.​സി​യു​ടെ പേ​രി​ൽ വാ​ർ​ത്ത​സ​മ്മേ​ള​നം സം​ഘ​ടി​പ്പി​ച്ച​ത് എ​ളേ​റ്റി​ലാ​ണ്. ദു​ബൈ കെ.​എം.​സി.​സി​ക്ക്​ സ​ർ​ക്കാ​ർ ഭൂ​മി ന​ൽ​കു​ന്ന​തു​മാ​യി ബ​ന്ധ​പ്പെ​ട്ട​ ധാ​ര​ണ പ​ത്ര​ത്തി​ൽ ഒ​പ്പു​വെ​ക്കു​ന്ന ച​ട​ങ്ങി​ലും എ​ളേ​റ്റി​ൽ പ​​ങ്കെ​ടു​ത്തു.

കെ.​എം.​സി.​സി സി.​ഡി.​എ ഡ​യ​റ​ക്ട​ർ ബോ​ർ​ഡ്​ പ്ര​സി​ഡ​ന്‍റ്​ എ​ന്ന പേ​രി​ലാ​ണ്​ എ​ളേ​റ്റി​ൽ കെ.​എം.​സി.​സി​യി​ൽ ഇ​പ്പോ​ഴും തു​ട​രു​ന്ന​ത്. യു.​എ.​ഇ​യി​ൽ സം​ഘ​ട​ന​ക​ൾ​ക്ക്​ അ​നു​മ​തി ന​ൽ​കു​ന്ന ക​മ്യൂ​ണി​റ്റി ഡെ​വ​ല​പ്​​മെ​ന്‍റ്​ അ​തോ​റി​റ്റി​യി​ൽ (സി.​ഡി.​എ) പ്ര​സി​ഡ​ന്‍റാ​യി ഇ​പ്പോ​ഴും എ​ളേ​റ്റി​ലി​ന്‍റെ പേ​രാ​ണു​ള്ള​ത്. ഒ​ക്ടോ​ബ​ർ 15നാ​ണ്​ ഇ​ബ്രാ​ഹിം എ​ളേ​റ്റി​ലി​നെ അ​ച്ച​ട​ക്ക വി​രു​ദ്ധ പ്ര​വ​ർ​ത്ത​ന​ത്തി​ന്‍റെ പേ​രി​ൽ സ​സ്​​പെ​ൻ​ഡ്​ ചെ​യ്ത​ത്. മു​സ്​​ലിം ലീ​ഗി​ന്‍റെ​യും പോ​ഷ​ക സം​ഘ​ട​ന​ക​ളു​ടെ​യും ഭാ​ര​വാ​ഹി സ്ഥാ​ന​ത്തു​നി​ന്ന്​ അ​ന്വേ​ഷ​ണ വി​ധേ​യ​മാ​യി സ​സ്​​പെ​ൻ​ഡ്​ ചെ​യ്യു​ന്ന​താ​യി മു​സ്​​ലിം ലീ​ഗ്​ സം​സ്ഥാ​ന ക​മ്മി​റ്റി 'ച​​ന്ദ്രി​ക' ദി​ന പ​ത്ര​ത്തി​ലൂ​ടെ​യാ​ണ്​ അ​റി​യി​ച്ച​ത്.

എ​ന്നാ​ൽ, ഇ​തി​നു​ശേ​ഷ​വും അ​ബൂ​ഹ​യി​ലെ കെ.​എം.​സി.​സി ആ​സ്​​ഥാ​ന​ത്ത്​ നി​ത്യ സ​ന്ദ​ർ​ശ​ക​നാ​യി​രു​ന്നു എ​ളേ​റ്റി​ൽ. ഷാ​ർ​ജ പു​സ്ത​കോ​ത്സ​വ​ത്തി​ൽ കെ.​എം.​സി.​സി​യു​ടെ സ്റ്റാ​ൾ ഏ​റ്റെ​ടു​ത്ത്​ ന​ട​ത്തി​യ എ​ളേ​റ്റി​ൽ അ​വി​ടെ സ്ഥി​ര സാ​ന്നി​ധ്യ​മാ​യി​രു​ന്നു. സാ​ദി​ഖ​ലി ത​ങ്ങ​ൾ ഉ​ൾ​പ്പെ​ ടെ​യു​ള്ള​വ​ർ പു​സ്ത​കോ​ത്സ​വ​ത്തി​ൽ എ​ത്തി​യെ​ങ്കി​ലും എ​ളേ​റ്റി​ലു​മാ​യി കൂ​ടി​ക്കാ​ഴ്ച ന​ട​ത്തി​യി​ല്ല. എ​ന്നാ​ൽ, കെ.​എം.​സി.​സി​ക്ക്​ ദു​ബൈ സ​ർ​ക്കാ​ർ ഭൂ​മി ന​ൽ​കി​യ​തു​മാ​യി ബ​ന്ധ​പ്പെ​ട്ട ധാ​ര​ണ​പ​ത്രം ഒ​പ്പു​വെ​ക്ക​ൽ ച​ട​ങ്ങി​ൽ​ എ​ളേ​റ്റി​ലും പ​​ങ്കെ​ടു​ത്തു.

കെ.​എം.​സി.​സി ഡ​യ​റ​ക്ട​ർ​മാ​രാ​യ ശം​സു​ദ്ദീ​ൻ ബി​ൻ മു​ഹ്​​യു​ദ്ദീ​ൻ, ഹു​സൈ​നാ​ർ ഹാ​ജി എ​ട​ച്ചാ​ക്കൈ, ഹം​സ തൊ​ട്ടി, വി.​ടി. മു​സ്ത​ഫ വേ​ങ്ങ​ര, അ​ഡ്വ. ഇ​ബ്രാ​ഹിം ഖ​ലീ​ൽ എ​ന്നി​വ​രും പ​​ങ്കെ​ടു​ത്തു.ലു​ലു ഗ്രൂ​പ്​ ചെ​യ​ർ​മാ​ൻ എം.​എ. യൂ​സു​ഫ​ലി​യു​ടെ സാ​ന്നി​ധ്യ​ത്തി​ലാ​യി​രു​ന്നു ച​ട​ങ്ങ്. ഇ​തു​മാ​യി ബ​ന്ധ​പ്പെ​ട്ട്​ വി​ളി​ച്ച വാ​ർ​ത്ത​സ​മ്മേ​ള​നം ന​ട​ത്തി​യ​ത്​ കെ.​എം.​സി.​സി​യു​ടെ ബാ​ന​റി​ന്​ മു​ന്നി​ലാ​യി​രു​ന്നു. മി​ഡി​ലീ​സ്റ്റ്​ ച​ന്ദ്രി​ക​യു​ടെ ന​ട​ത്തി​പ്പു​മാ​യി ബ​ന്ധ​പ്പെ​ട്ട ക്ര​മ​ക്കേ​ടാ​ണ്​ എ​ളേ​റ്റി​ലി​ന്‍റെ പു​റ​ത്താ​ക്ക​ലി​ൽ ക​ലാ​ശി​ച്ച​ത്. കോ​ടി​ക്ക​ണ​ക്കി​ന്​ രൂ​പ​യു​ടെ ക്ര​മ​ക്കേ​ടി​നെ​ത്തു​ട​ർ​ന്ന്​ ച​ന്ദ്രി​ക​യു​ടെ പ്ര​സി​ദ്ധീ​ക​ര​ണം നി​ർ​ത്തി​വെ​ച്ചി​രി​ക്കു​ക​യാ​ണ്.

സ​സ്​​പെ​ൻ​ഷ​ൻ അം​ഗീ​ക​രി​ക്കു​ന്നു -​എ​ളേ​റ്റി​ൽ

ദു​ബൈ: മു​സ്​​ലിം ലീ​ഗ്​ നേ​തൃ​ത്വ​ത്തി​ന്‍റെ സ​സ്​​പെ​ൻ​ഷ​ൻ അം​ഗീ​ക​രി​ക്കു​ന്നു​വെ​ന്നും എ​ന്നാ​ൽ, ദു​​ബൈ കെ.​എം.​സി.​സി സി.​ഡി.​എ ഡ​യ​റ​ക്ട​ർ ബോ​ർ​ഡി​ന്‍റെ പ്ര​സിഡ​ന്‍റ്​ താ​ൻ ത​ന്നെ​യാ​ണെ​ന്നും ഇ​ബ്രാ​ഹിം എ​ളേ​റ്റി​ൽ. ദു​ബൈ​യി​ൽ വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ഈ ​രാ​ജ്യ​ത്തി​ന്‍റെ നി​യ​മ​ത്തി​ന്​ അ​നു​സൃ​ത​മാ​യി മാ​ത്ര​മേ സം​ഘ​ട​ന​ക്ക്​ പ്ര​വ​ർ​ത്തി​ക്കാ​ൻ ക​ഴി​യു. കെ.​എം.​സി.​സി ര​ജി​സ്റ്റ​ർ ചെ​യ്ത​ത് യു.​എ.​ഇ​യി​ലെ​ ക​മ്യൂ​ണി​റ്റി ഡെ​വ​ല​പ്​​മെ​ന്‍റ്​ അ​തോ​റി​റ്റി​യി​ലാ​ണ്. അ​തു​പ്ര​കാ​രം താ​ൻ ത​ന്നെ​യാ​ണ്​ ഇ​പ്പോ​ഴും പ്ര​സി​ഡ​ന്‍റ്. അ​തി​നാ​ൽ ക​രാ​റി​ൽ ഒ​പ്പു​വെ​ക്കാ​നും വാ​ർ​ത്ത​സ​മ്മേ​ള​നം വി​ളി​ക്കാ​നും ത​നി​ക്കേ ക​ഴി​യൂ.

മു​സ്​​ലിം ലീ​ഗ്​ നേ​തൃ​ത്വ​ത്തെ​യും നേ​താ​ക്ക​ളെ​യും ബ​ഹു​മാ​ന​മു​ണ്ട്. അ​വ​രു​മാ​യി ഇ​പ്പോ​ഴും ബ​ന്ധ​മു​ണ്ട്. ഈ ​വി​ഷ​യ​ത്തി​ൽ നേ​താ​ക്ക​ൾ ഉ​ചി​ത​മാ​യ തീ​രു​മാ​ന​മെ​ടു​ക്കും. അ​വ​ർ നി​ർ​ദേ​ശി​ക്കു​ന്ന അ​ന്തി​മ പ​രി​ഹാ​രം എ​ന്താ​യാ​ലും അം​ഗീ​ക​രി​ക്കും. മെം​ബ​ർ​ഷി​പ്​ കാ​മ്പ​യി​ൻ പൂ​ർ​ത്തി​യാ​ക്കി​യാ​ൽ പു​തി​യ ക​മ്മി​റ്റി തെ​ര​ഞ്ഞെ​ടു​പ്പ്​ ന​ട​ക്കും. ര​ക്​​ത​ത്തി​ൽ അ​ലി​ഞ്ഞു​ചേ​ർ​ന്ന​താ​ണ്​ പ്ര​സ്ഥാ​നം. വാ​ർ​ത്ത​സ​മ്മേ​ള​നം വി​ളി​ക്കു​മ്പോ​ൾ നേ​തൃ​ത്വ​ത്തി​ന്‍റെ അ​നു​വാ​ദം ചോ​ദി​ക്കു​ന്ന പ​തി​വ്​ കെ.​എം.​സി.​സി​യി​ൽ ഇ​ല്ലെ​ന്നും അ​ദ്ദേ​ഹം പ​റ​ഞ്ഞു.