Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightU.A.Echevron_rightവിമാന സർവിസുകൾ...

വിമാന സർവിസുകൾ ആരുടെയും കഞ്ഞികുടി മുട്ടിക്കാനല്ല -കെ.എം.സി.സി

text_fields
bookmark_border
വിമാന സർവിസുകൾ ആരുടെയും കഞ്ഞികുടി മുട്ടിക്കാനല്ല -കെ.എം.സി.സി
cancel

ദുബൈ: ​ചാർ​ട്ടേഡ്​ വിമാന സർവിസുകൾ ആരുടെയും കഞ്ഞികുടി മുട്ടിക്കാനല്ലെന്നും പൊതുമാപ്പ്​ പ്രയോജനപ്പെടുത്തുന്ന പ്രവാസികളെ നാട്ടിലെത്തിക്കാനാണെന്നും ദുബൈ കെ.എം.സി.സി ഭാരവാഹികൾ ഓൺലൈൻ വാർത്തസമ്മേളനത്തിൽ അറിയിച്ചു. മുൻകൂട്ടി നിശ്ചയിച്ച സർവിസുകൾ പൂർത്തിയാകുന്നതോടെ ചാർ​ട്ടേഡ്​ വിമാന സേവനം അവസാനിപ്പിക്കുകയാണെന്നും ദുബൈ കെ.എം.സി.സി പ്രസിഡൻറ്​ ഇബ്രാഹിം എളേറ്റില്‍, ആക്​ടിങ്​ പ്രസിഡൻറ്​ മുസ്​തഫ വേങ്ങര, ഓര്‍ഗനൈസിങ്​ സെക്രട്ടറി ഹംസ തൊട്ടി, സെക്രട്ടറിയും ​ൈഫ്ലറ്റ്​ ചാര്‍ട്ടറിങ്​ കോഓര്‍ഡിനേറ്ററുമായ അഡ്വ. ഇബ്രാഹിം ഖലീല്‍ അരിമല എന്നിവർ പറഞ്ഞു. ട്രാവൽ ഏജൻസികളുടെ ടിക്കറ്റ്​ വിൽപനയെ ബാധിക്കുന്ന രീതിയിൽ കെ.എം.സി.സി ടിക്കറ്റ്​ കച്ചവടം നടത്തുന്നുവെന്ന ആരോപണത്തിന്​ മറുപടി പറയുകയായിരുന്നു അവർ.

വിസാകാലാവധി കഴിഞ്ഞതിനെ തുടർന്ന്​ പിഴ ഒഴിവാക്കി നാട്ടിലേക്ക്​ മടങ്ങാൻ ആഗ്രഹിക്കുന്ന നിരവധി പ്രവാസികൾ യു.എ.ഇയിലുണ്ട്​. ആഗസ്​റ്റ്​ 17നകം മടങ്ങിയാൽ ഇവരുടെ പിഴ ഒഴിവാകുമെന്നിരിക്കെ ഇത്തരക്കാരെ സഹായിക്കാനാണ്​ കൂടുതൽ വിമാനങ്ങൾ പ്രഖ്യാപിച്ചത്​​. നേരത്തെ തന്നെ അനുമതി ലഭിച്ച വിമാനങ്ങളാണിത്​.

ഇതു​രെ 33 വിമാന സർവിസുകള്‍ നടത്തി. ആകെ 43 വിമാനത്തിനാണ്​ അനുമതി ലഭിച്ചത്​. ഷാർജ കെ.എം.സി.സി അമിത നിരക്ക്​ ഈടാക്കി വിമാനസർവിസ്​ നടത്തിയെന്ന്​ പറയുന്നതിൽ കഴമ്പില്ല. ആ വിമാനവുമായി കെ.എം.സി.സിക്ക്​ ബന്ധമില്ല. എന്നാൽ, ആ സർവിസിൽ ഞങ്ങളുടെ ഭാരവാഹികൾ ഇടപെട്ടിട്ടുണ്ട്​ എന്ന്​ ആരോപണമുയർന്നതിനെ തുടർന്ന്​ അവർക്കെതിരെ നടപടിയെടുത്തു.

വന്ദേ ഭാരത് മിഷന്‍ വിമാന സർവിസുകള്‍ അപര്യാപ്​തമായപ്പോള്‍ ചാര്‍ട്ടേഡ് സർവിസുകള്‍ക്കായി ദുബൈ കെ.എം.സി.സിയാണ് ആദ്യം രംഗത്തുവന്നത്​. ഹൈക്കോടതിയില്‍ കേസും നൽകിയിരുന്നു. 725ന്​ ലഭിച്ച ടിക്കറ്റാണ്​ 825ന്​ വിൽക്കുന്നതെന്ന ആരോപണം അടിസ്​ഥാന രഹിതമാണ്​.

825നാണ്​ ടിക്കറ്റ്​ ലഭിച്ചത്​. നിരക്ക്​ കുറച്ചും സൗജന്യമായും യാത്രക്കാരെ നാട്ടിലെത്തിച്ചിട്ടുണ്ട്​. വലിയ നിരക്കില്‍ വിമാന സർവിസ് നടത്തി ഒരു ഫില്‍സ് പോലും ലാഭമുണ്ടാക്കിയിട്ടില്ല. ട്രാവൽ ഏജൻസികൾ മിതമായ ലാഭം ഈടാക്കണം. ദുബൈ കെ.എം.സി.സിക്ക് ലഭിച്ച വ്യാപക പിന്തുണയെ ഇകഴ്ത്താനും അവമതിക്കാനും നടത്തുന്ന നീക്കമാണ്​ ഇ​പ്പോഴത്തെ ആരോപണങ്ങളെന്നും അവർ പറഞ്ഞു.

Show Full Article
TAGS:kmcc chartered flight uae dubai gulf news 
Next Story