കി​ങ്സ് കോ​ള​ജ് സ്‌​കൂ​ള്‍സ് വിം​ബ്ള്‍ഡ​ണ്‍ കാ​മ്പ​സ് അ​ബൂ​ദ​ബി​യി​ലും

അ​ബൂ​ദ​ബി: യു.​കെ​യി​ലെ മു​ന്‍നി​ര സ്‌​കൂ​ളാ​യ കി​ങ്സ് കോ​ള​ജ് സ്‌​കൂ​ള്‍സ് വിം​ബ്ള്‍ഡ​ണി​ന്റെ കാ​മ്പ​സ്​ അ​ബൂ​ദ​ബി​യി​ലും തു​റ​ക്കു​ന്നു. മൂ​ന്നു​വ​ര്‍ഷ​ത്തി​നു​ള്ളി​ല്‍ ഫാ​ഹി​ദ് ദ്വീ​പി​ലാ​ണ് സ്‌​കൂ​ള്‍ തു​റ​ക്കു​ക. 2028 സെ​പ്റ്റം​ബ​റി​ല്‍ പ്ര​വ​ര്‍ത്ത​നം തു​ട​ങ്ങു​ന്ന സ്‌​കൂ​ള്‍ കാ​മ്പ​സി​ല്‍ 2200ഓ​ളം വി​ദ്യാ​ര്‍ഥി​ക​ള്‍ക്ക് പ​ഠി​ക്കാ​നാ​കു​മെ​ന്ന് അ​ല്‍ദാ​ര്‍ പ്രോ​പ്പ​ര്‍ട്ടീ​സ് അ​റി​യി​ച്ചു.27 ല​ക്ഷം ച​തു​ര​ശ്ര മീ​റ്റ​ര്‍ ദ്വീ​പി​ല്‍ ആ​റാ​യി​ര​ത്തി​ലേ​റെ ആ​ഡം​ബ​ര വ​സ​തി​ക​ളാ​ണ് അ​ല്‍ദാ​ര്‍ പ്രോ​പ്പ​ര്‍ട്ടീ​സ് നി​ര്‍മി​ക്കു​ന്ന​ത്. ര​ണ്ടു ഹോ​ട്ട​ലു​ക​ളും ഇ​വി​ടെ​യു​ണ്ടാ​വും.

ഫാ​ഹി​ദ് ദ്വീ​പി​ലെ നി​ര്‍മാ​ണ പ​ദ്ധ​തി അ​ല്‍ദാ​ര്‍ പ്രോ​പ്പ​ര്‍ട്ടീ​സ് ക​ഴി​ഞ്ഞ​യാ​ഴ്ച​യാ​ണ് അ​വ​ത​രി​പ്പി​ച്ച​ത്. 4000 കോ​ടി ദി​ര്‍ഹ​മാ​ണ് പ​ദ്ധ​തി​യു​ടെ നി​ര്‍മാ​ണ​ച്ചെ​ല​വ്. അ​ബൂ​ദ​ബി​യി​ല്‍ ആ​ദ്യ​മാ​യി കി​ങ്സ് കോ​ള​ജ് സ്‌​കൂ​ള്‍ വിം​ബ്ള്‍ഡ​ണ്‍ സ്‌​കൂ​ള്‍ തു​റ​ക്കു​ന്ന​തി​ല്‍ ത​ങ്ങ​ള്‍ക്ക് അ​ഭി​മാ​ന​മു​ണ്ടെ​ന്ന് അ​ല്‍ദാ​ര്‍ ഗ്രൂ​പ് ചീ​ഫ് എ​ക്സി​ക്യൂ​ട്ടി​വ് ത​ലാ​ല്‍ അ​ല്‍ ധി​യേ​ബി പ​റ​ഞ്ഞു. യാ​സ് ഐ​ല​ന്‍ഡി​നും സ​അ​ദി​യാ​ത്ത് ദ്വീ​പി​നും ഇ​ട​യി​ലാ​യാ​ണ് 11 കി.​മീ​റ്റ​ര്‍ തീ​ര​പ്ര​ദേ​ശ​മു​ള്ള ഫാ​ഹി​ദ് ദ്വീ​പ് പ​ദ്ധ​തി അ​ല്‍ദാ​ര്‍ പ്രോ​പ്പ​ര്‍ട്ടീ​സ് നി​ര്‍മി​ക്കു​ന്ന​ത്. പ​ദ്ധ​തി​യു​ടെ വ​രും​ഘ​ട്ട​ങ്ങ​ളി​ല്‍ കൂ​ടു​ത​ല്‍ വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍ ഫാ​ഹി​ദ് ദ്വീ​പ് പ​ദ്ധ​തി​യി​ല്‍ വ​ന്നേ​ക്കാ​മെ​ന്ന് അ​ല്‍ദാ​ര്‍ എ​ജു​ക്കേ​ഷ​ന്‍ ചീ​ഫ് എ​ക്സി​ക്യൂ​ട്ടി​വ് സ​ഹ​ര്‍ കൂ​പ്പ​ര്‍ പ​റ​ഞ്ഞു. ത​ങ്ങ​ളു​ടെ കാ​മ്പ​സ്​ അ​ബൂ​ദ​ബി​യി​ല്‍ ആ​രം​ഭി​ക്കു​ന്ന​തി​ല്‍ കി​ങ്സ് കോ​ള​ജ് സ്‌​കൂ​ള്‍ വിം​ബ്ള്‍ഡ​ണി​ന്റെ ഇ​ന്റ​ര്‍നാ​ഷ​ന​ല്‍ സ്‌​കൂ​ള്‍സ് ഡ​യ​റ​ക്ട​ര്‍ കാ​ര​ല്‍ ഗ്രോ​സും സ​ന്തോ​ഷം പ്ര​ക​ടി​പ്പി​ച്ചു.