ഖലീഫാസാറ്റ്​; യു.എ.ഇയുടെ സ്വന്തം സാറ്റ്​ലൈറ്റ്​ ഒരുങ്ങുന്നു

ദുബൈ: യു.എ.ഇ തദ്ദേശീയമായി നിർമ്മിക്കുന്ന കൃത്രിമോപഗ്രഹം ഖലീഫാസാറ്റി​​െൻറ നിർമാണ പുരോഗതി  യു.എ.ഇ. വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്തൂം വിലയിരുത്തി. മുഹമ്മദ്​ ബിൻ റാശിദ്​ സ്​പേസ്​ സ​െൻറർ (എം.ബി.ആർ.എസ്​.സി) സന്ദർശിച്ച അദ്ദേഹം ശാസ്​ത്രജ്ഞരെ അഭിനന്ദിച്ചു.

അറബ്​ രാജ്യങ്ങളിൽ വിദേശ സഹായമില്ലാതെ ഉപഗ്രഹം നിർമിക്കാൻ കഴിവ്​ നേടിയ എഞ്ചിനീയർമാർ യു.എ.ഇയിലെയാണെന്ന്​ അദ്ദേഹം പറഞ്ഞു. ബഹിരാകാശ സാ​േങ്കതികവിദ്യയിൽ രാജ്യത്തെ യുവതലമുറ കൈവരിച്ച ഉയർന്ന നിലവാരമാണ്​ ഇത്​ സൂചിപ്പിക്കുന്നത്​. ശാസ്​ത്ര^സാ​േങ്കതിക രംഗത്തി​​െൻറ ഭാവി വികാസത്തിന്​ ശക്തമായ അടിത്തറയിടാൻ ഇത്​ ഉപകരിക്കുമെന്ന്​ ശൈഖ്​ മുഹമ്മദ്​ പറഞ്ഞു. ബഹിരാകാശ വിപണിയിൽ യു.എ.ഇയുടെ വളർച്ച കരുത്തുറ്റതാണ്​. ഇത്​ രാജ്യത്തി​​െൻറ സമ്പദ്​ വ്യവസ്​ഥക്കും ഗുണം ചെയ്യും.

ഖലീഫസാറ്റ്​ യു.എ.ഇക്കും അറബ്​ ജനതക്കും മാത്രമല്ല ലോകത്തെ മനുഷ്യർക്ക്​ മുഴുവർ ഗുണം ചെയ്യുമെന്നും അ​േദ്ദഹം ചൂണ്ടിക്കാട്ടി. എം.ബി.ആർ.എസ്​.സി ചെയർമാൻ ഹമദ്​ ഉബൈദ്​ അല മൻസൂരിയുടെ നേതൃത്വത്തിൽ ശൈഖ്​ മുഹമ്മദിന്​ സ്വീകരണം നൽകി. സ​െൻറർ ചുറ്റിനടന്ന്​ കണ്ട അദ്ദേഹത്തിന്​ ഖലീഫസാറ്റി​​െൻറ പ്രത്യേകതകൾ ശാസ്​ത്രജ്ഞർ വിശദീകരിച്ചുകൊടുത്തു.

ദുബൈ ഒന്ന്, ദുബൈ രണ്ട്​ എന്നീ ഉപഗ്രഹങ്ങൾക്ക്​ ശേഷം എം.ബി.ആർ.എസ്​.സി. സ്വന്തമാക്കുന്ന മൂന്നാമത്​ ഉപഗ്രഹമാണ്​ ഖലീഫാസാറ്റ്​. നിർമാണം പൂർത്തിയാക്കി പരീക്ഷണങ്ങളും കഴിഞ്ഞാൽ ഉപഗ്രഹം ജപ്പാനിലേക്ക്​ കൊണ്ടുപോകും. മിറ്റ്​സുബിഷിയുടെ റോക്കറ്റിലായിരിക്കും ഇത്​ ബഹിരാകാശത്ത്​ എത്തിക്കുക. ഭൂമിയിൽ നിന്ന്​ 613 കിലോമീറ്റർ അകലെയായിരിക്കും ഇതി​​െൻറ സ്​ഥാനം. 2013 ലാണ്​ ഖലീഫസാറ്റ്​ പദ്ധതിക്ക്​ തുടക്കം കുറിച്ചത്​. വിവിധ ആവശ്യങ്ങൾക്ക്​ ഉപയോഗിക്കാൻ കഴിയുന്ന ഉയർന്ന നിലവാരമുള്ള ചിത്രങ്ങൾ എടുക്കാൻ ശേഷിയുള്ള കാമറ ഘടിപ്പിച്ച ഉപഗ്രഹമാണിത്​.