ഇമറാത്തി​െൻറ യശസ്സ്​ വാനിലുയർത്താൻ ഖലീഫസാറ്റ്​ വിക്ഷേപണ​ സജ്ജം

അബൂദബി: ബഹിരാകാശ മേഖലയിൽ യു.എ.ഇയുടെ ചിറക്​ വിരിക്കാൻ ഖലീഫസാറ്റ്​ വിക്ഷേപണത്തിന്​ ഒരുങ്ങി. പൂർണമായും ഇമാറാത്തി എൻജിനീയർമാർ നിർമിക്കുകയും രൂപകൽപന ചെയ്യുകയും ചെയ്​ത കൃത്രിമോപഗ്രഹം തിങ്കളാഴ്​ച യു.എ.ഇ സമയം രാവിലെ 8.08ന്​ വിക്ഷേപിക്കും. ജപ്പാനിലെ തനിഗാഷിമ ബഹിരാകാശ കേന്ദ്രത്തി​​​െൻറ യോഷിനോബു വിക്ഷേപണ സമുച്ചയത്തിൽനിന്നാണ്​ ഖലീഫസാറ്റ്​ വാനിലേക്ക്​ ഉയരുക. ജപ്പാ​​​െൻറ വിക്ഷേപണ സംവിധാനം ആദ്യമായാണ്​ യു.എ.ഇ ഉപയോഗിക്കുന്നത്​.

മിറ്റ്​സുബിഷി ഹെവി ഇൻഡസ്​ട്രീസി​​​െൻറ​ എച്ച്​^2 എ റോക്കറ്റാണ്​ കൃത്രിമോപഗ്രഹത്തെ വഹിക്കുക. എച്ച്​.ആർ^2 റോക്കറ്റ്​ 2001ലാണ്​ മിറ്റ്​സുബിഷി വികസിപ്പിച്ചത്​. ഇൗ റോക്കറ്റി​​​െൻറ 37 ദൗത്യങ്ങളിൽ ഒന്ന്​ മാത്രമേ പരാജയപ്പെട്ടിട്ടുള്ളൂ. വിക്ഷേപിച്ച്​ മണിക്കൂറുകൾക്ക്​ ശേഷം ഖലീഫസാറ്റ്​ റോക്കറ്റിൽനിന്ന്​ വേർപെടുകയും ഉൗർജം നൽകാനുള്ള സൗരോർജ പാനലുകൾ വിടരുകയും ചെയ്യും. വിക്ഷേപണം നിരീക്ഷിക്കുന്നതിന്​ മുഹമ്മദ്​ ബിൻ റാശിദ്​ ബഹിരാകാശ കേന്ദ്രത്തിലെ (എം.ബി.ആർ.എസ്​.സി) ശാസ്​ത്രസംഘം ജപ്പാനിലെത്തിയിട്ടുണ്ട്​. ജപ്പാൻ ദേശീയ ബഹിരാകാശ ഏജൻസിയുടെ കീഴിൽ പ്രവർത്തിക്കുന്ന തനിഗാഷിമ ബഹിരാകാശ കേന്ദ്രത്തിലാണ്​ ഇവർ വിക്ഷേപണവും തുടർ പുരോഗതിയും വീക്ഷിക്കുക. വിക്ഷേപണം എം.ബി.ആർ.എസ്​.സി വെബ്​സൈറ്റിൽ തത്സമയം സംപ്രേഷണം ചെയ്യും.

കൃത്രിമോപഗ്രഹ നിർമാണത്തിനും രൂപകൽപനക്കും ദക്ഷിണ കൊറിയയാണ്​ ഇമാറാത്തി എൻജിനീയർമാർക്ക്​ പരിശീലനം നൽകിയത്​. ഖലീഫസാറ്റി​​​െൻറ വിക്ഷേപണം യു.എ.ഇയുടെ ദേശീയ ബഹിരാകാശ മേഖലക്ക്​ പുതിയ യുഗം നൽകുമെന്നും യു.എ.ഇക്ക്​ പുതിയ നേട്ടം രേഖപ്പെടുത്തുമെന്നും ദുബൈ കിരീടാവകാശിയും എം.ബി.ആർ.എസ്​.സി ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ പറഞ്ഞു. വിക്ഷേപണത്തിന്​ ശേഷം ഖലീഫസാറ്റ്​ അഞ്ച്​ വർഷം ഭൂമിയുടെ ഭ്രമണപഥത്തിലുണ്ടാകും. ഉന്നത ഗുണമേന്മയുള്ള ഫോ​േട്ടാകൾ ഇത്​ എം.ബി.ആർ.എസ്​.സിയിലേക്ക്​ അയക്കും. നഗരാസൂത്രണത്തിനും ആഗോളതാപനത്തി​​​െൻറ പ്രത്യാഘാതങ്ങൾ വിലയിരുത്തുന്നതിനും പ്രകൃതിദുരന്ത ഘട്ടങ്ങളിൽ ദുരിതാശ്വാസമെത്തിക്കുന്നതിനും ഇൗ ഫോ​േട്ടാകൾ ഉപയോഗിക്കാൻ സാധിക്കും.