കേരളോത്സവം കൊടിയിറങ്ങി

അബൂദബി: മലയാളി സമാജത്തിൽ നടന്ന കേരളോത്സവം സമാപിച്ചു. 51 കലാകാരന്മാർ ഒരുമിച്ചു നടത്തിയ പഞ്ചാരിമേളം സമാപന ദിവസം ​ അവിസ്​മരണീയമാക്കി. തിങ്ങിനിറഞ്ഞ സദസ്സിനു മുന്നിൽ നിരവധി കലാപരിപാടികളും രാത്രി വൈകിയും കേരളോത്സവ വേദിയിൽ അരങ്ങേറി. പ്രവേശന കൂപ്പൺ നറുക്കെടുപ്പിൽ ജെമിനി ബിൽഡിങ് മെറ്റീരിയൽ സ്‌പോൺസർ ചെയ്​ത 20 പവൻ സ്വർണ നാണയം കെ.പി. നവാസിനാണ് ലഭിച്ചത്. 50ഓളം മറ്റു സമ്മാനങ്ങളും നറുക്കെടുപ്പിലെ വിജയികൾക്ക് സമ്മാനിച്ചു.

നൊസ്​റ്റാൾജിയ, സോഷ്യൽ ഫോറം എന്നീ സംഘടനകള​ുടെ സ്​റ്റാൾ ഒന്നാം സ്ഥാനം പങ്കുവെച്ചപ്പോൾ സാംസ്‌കാരിക വേദി, നിനവ് സാംസ്‌കാരിക വേദി എന്നിവർ യഥാക്രമം രണ്ടും മൂന്നും സ്ഥാനത്തിനും അർഹരായി. പ്രസിഡൻറ്​ ഷിബു വർഗീസ്, വൈസ് പ്രസിഡൻറ്​ സലിം ചിറക്കൽ, ജനറൽ സെക്രട്ടറി പി.കെ. ജയരാജൻ, ട്രഷറർ അബ്​ദുൽ ഖാദർ തിരുവത്ര, കേരളോത്സവം കോഓഡിനേറ്റർ സതീഷ് കുമാർ, ആർട്സ് സെക്രട്ടറി രേഖിൻ സോമൻ, മാനേജിങ് കമ്മിറ്റി അംഗങ്ങൾ എന്നിവർ നേതൃത്വം നൽകി.