റിയാദിൽ മലയാളികളെ കൊള്ളയടിച്ചു -സാമൂഹികപ്രവർത്തകന്​​ കുത്തേറ്റു

റിയാദ്​: ബത്​ഹക്ക്​ സമീപം ഗുബേരയിലും ഉൗദിലുമായി മൂന്ന്​ മലയാളികൾ കൊള്ളയടിക്കിരയായി. ശനിയാഴ്​ച രാവിലെ ഒമ്പതോടെ ഗുബേരയിലെ ത​​െൻറ വീടിന്​ മുന്നിൽ വെച്ച്​ എറണാകുളം സ്വദേശി ജോൺസൺ മാർക്കോസും സുഹൃത്ത്​ കൊല്ലം സ്വദേശി ഉണ്ണിയും 9.30ഒാടെ സമീപത്തെ ഉൗദ്​ സ്​ട്രീറ്റിൽ മലപ്പുറം സ്വദേശി മുഹമ്മദുമാണ്​ അക്രമിക്കപ്പെട്ടത്​. ഇവരിൽ നിന്ന്​ മൂന്നംഗ അക്രമി സംഘം പണവും മൊബൈൽ ഫോണുകളും ഇഖാമയുൾപ്പെടെയുള്ള രേഖകളും കവർന്നു.

കത്തിക്കുത്തിൽ ജോൺസ​ണ് പരിക്കുമേറ്റു. കൊടുക്കാനുള്ള പണം വാങ്ങാൻ സുഹൃത്ത്​ ഉണ്ണി പുറത്തുവന്ന്​ വിളിച്ചപ്പോഴാണ്​ ജോൺസൺ പുറത്തിറങ്ങിയത്​. ഇരുവരും വീടിന്​ മുന്നിൽ നിന്ന്​ സംസാരിക്കു​േമ്പാൾ ഒരു സ്​കൂട്ടറിലാണ്​ കവർച്ച സംഘം എത്തിയത്​. ഇവരുടെ കൈയ്യിൽ കത്തിയും ഇരുമ്പുവടിയുമുണ്ടായിരുന്നു. ഇരുവരിൽ നിന്നും പഴ്​സുകളും ഫോണുകളും കൈക്കലാക്കിയ സംഘം െഎഫോൺ ഒാപൺ ചെയ്​തുകൊടുക്കാൻ വിസമ്മതിച്ചതിനാണ്​ ജോൺസണി​​െൻറ ഇടതുകൈത്തണ്ടയിൽ കത്തികൊണ്ട്​ കുത്തിയത്​. മുറിവേറ്റു. ഇരുമ്പുവടി കൊണ്ട്​ അടിക്കുകയും ചെയ്​തു.

ഉണ്ണിയുടെ 1,200 റിയാലും സാംസങ്ങ്​ ഫോണും  ജോൺസണി​​െൻറ 18,00 റിയാലും ​െഎഫോണും ഇഖാമ (2119381792), കുട്ടികളുടെ ഇഖാമ, ബാങ്ക്​ കാർഡ്​, ഇൻഷുറൻസ്​ കാർഡ്​, ഡ്രൈവിങ്​ ലൈസൻസ്​ എന്നിവയുമാണ്​ നഷ്​ടപ്പെട്ടത്​. നിമിഷ നേരത്തിനുള്ളിൽ അതിക്രമം നടത്തി സംഘം സ്​കൂട്ടറിൽ കയറി സ്ഥലംവിട്ടു. ഇതേ സംഘത്തി​​െൻറ കൈയ്യിലാണ്​ ഉൗദ്​ സ്​ട്രീറ്റിൽ വെച്ച്​ മുഹമ്മദും അകപ്പെട്ടതെന്നാണ്​ കരുതുന്നത്​. ഡ്യൂട്ടിക്ക്​ പോകാനായി വാഹനത്തിന്​ അടുത്തുനിൽക്കു​േമ്പാൾ സ്​കൂട്ടറിലെത്തിയ സംഘം ഇഖാമ (2114947365), ഇസ്​തിമാറ, ഡ്രൈവിങ്​ ലൈസൻസ്​ എന്നിവയാണ്​ പിടിച്ചുപറിച്ചത്​. ഷർട്ട്​ വലിച്ചുകീറി. ഇൗ സമയം ആളുകൾ വരുന്നത്​ കണ്ട്​ കൂടുതൽ അതിക്രമത്തിന്​ മുതിരാതെ സംഘം സ്ഥലംവിടുകയായിരുന്നു.

സംഭവമുണ്ടായ ഉടനെ ജോൺസൺ പൊലീസിനെ വിളിച്ചുവരുത്തിയിരുന്നു. കേസെടുത്ത പൊലീസ്​ ശുമൈസി ആശുപത്രിയിൽ ചികിത്സ തേടാനുള്ള അവസരവുമൊരുക്കി കൊടുത്തു. ബത്​ഹ സ്​റ്റേഷനിൽ വെച്ചാണ്​ തങ്ങൾക്ക്​ നേരിട്ട അതേ അനുഭവവുമായി എത്തിയ മുഹമ്മദിനെ ജോൺസൺ കണ്ടുമുട്ടിയത്​. സാമൂഹിക പ്രവർത്തകരാണ്​ ജോൺസണും ഉണ്ണിയും. ​േജാൺസൺ ഒ.​െഎ.സി.സി എറണാകുളം ജില്ലാ വൈസ്​ പ്രസിഡൻറും എറണാകുളം ഡിസ്​ട്രിക്​റ്റ്​ അസോസിയേഷൻ രക്ഷാധികാരിയുമാണ്​. കൊട്ടിയം കൂട്ടായ്​മ ഭാരവാഹിയാണ്​ ഉണ്ണി. കവർച്ചക്കിരയായവരുടെ ഇഖാമയും മറ്റു രേഖകളും കണ്ടുകിട്ടുന്നവർ 0508166015 (ജോൺസൺ), 0532460820 (മുഹമ്മദ്​) എന്നീ നമ്പറുകളിൽ ബന്ധപ്പെടണമെന്ന്​ അവർ അഭ്യർഥിച്ചു.