കേരള-യു.എ.ഇ യാ​ത്രാ ക​പ്പ​ല്‍ സ​ര്‍വി​സ്: കേ​ന്ദ്ര മ​ന്ത്രി​യെ സ​ന്ദ​ര്‍ശി​ച്ച് എം.​ഡി.​സി

റാ​സ​ല്‍ഖൈ​മ: കേ​ര​ള​ത്തി​ലേ​ക്ക് യു.​എ.​ഇ​യി​ല്‍ നി​ന്ന് യാ​ത്രാ ക​പ്പ​ല്‍ സ​ര്‍വി​സു​മാ​യി ബ​ന്ധ​പ്പെ​ട്ട് മ​ല​ബാ​ര്‍ ഡെ​വ​ല​പ്മെ​ന്‍റ് കൗ​ണ്‍സി​ല്‍ (എം.​ഡി.​സി) ഭാ​ര​വാ​ഹി​ക​ള്‍ കേ​ന്ദ്ര മ​ന്ത്രി വി. ​മു​ര​ളീ​ധ​ര​നെ സ​ന്ദ​ര്‍ശി​ച്ചു.

ഗ​ള്‍ഫ് പ്ര​വാ​സി​ക​ള്‍ക്ക് പ്ര​തീ​ക്ഷ ന​ല്‍കു​ന്ന പ്ര​തി​ക​ര​ണ​മാ​ണ് മ​ന്ത്രി​യി​ല്‍ നി​ന്ന് ല​ഭി​ച്ച​തെ​ന്ന് എം.​ഡി.​സി ചെ​യ​ര്‍മാ​ന്‍ സി.​ഇ. ചാ​ക്കു​ണ്ണി ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു. ക​ഴി​ഞ്ഞ ദി​വ​സം ഷാ​ര്‍ജ​യി​ല്‍ ഇ​ന്ത്യ​ന്‍ അ​സോ​സി​േ​യ​ഷ​ന്‍ ഷാ​ര്‍ജ (ഐ.​എ.​എ​സ്) -എം.​ഡി.​സി ഭാ​ര​വാ​ഹി​ക​ളു​ടെ സം​യു​ക്ത യോ​ഗ​ത്തി​ന്‍റെ തു​ട​ർ​ച്ച​യെ​ന്ന നി​ല​യി​ലാ​ണ്​​ കേ​ന്ദ്ര മ​ന്ത്രി​യു​മാ​യി കോ​ഴി​ക്കോ​ട് ന​ട​ന്ന കൂ​ടി​ക്കാ​ഴ്ച. വി​ഷ​യം പ​ഠി​ച്ച് അ​നു​കൂ​ല ന​ട​പ​ടി കൈ​ക്കൊ​ള്ളാ​മെ​ന്ന മ​റു​പ​ടി​യാ​ണ് മ​ന്ത്രി​യി​ല്‍ നി​ന്ന് ല​ഭി​ച്ച​ത്. അ​ടു​ത്ത ഘ​ട്ടം ച​ര്‍ച്ച കേ​ന്ദ്ര മ​ന്ത്രി​യു​ടെ ഓ​ഫി​സി​ല്‍ നി​ന്ന് അ​റി​യി​പ്പ് ല​ഭി​ക്കു​ന്ന മു​റ​ക്ക് ഡ​ല്‍ഹി​യി​ല്‍ ന​ട​ക്കും.

എം.​ഡി.​സി, ഐ.​എ.​എ​സ് ഭാ​ര​വാ​ഹി​ക​ളും ഈ ​രം​ഗ​ത്തെ വി​ദ​ഗ്ധ​രും മ​ന്ത്രി​യു​മാ​യു​ള്ള ച​ര്‍ച്ച​യി​ല്‍ പ​ങ്കെ​ടു​ക്കു​മെ​ന്നും ചാ​ക്കു​ണ്ണി അ​റി​യി​ച്ചു. എം.​ഡി.​സി ജ​ന. സെ​ക്ര​ട്ട​റി അ​ഡ്വ. എം.​കെ. അ​യ്യ​പ്പ​ന്‍, സെ​ക്ര​ട്ട​റി പി.​ഐ. അ​ജ​യ​ന്‍ എ​ന്നി​വ​രും ഹോ​ട്ട​ല്‍ ഹൈ​സ​ണ്‍ ഹെ​റി​റ്റേ​ജി​ല്‍ മ​ന്ത്രി​യു​മാ​യി ന​ട​ന്ന കൂ​ടി​ക്കാ​ഴ്ച​യി​ല്‍ സം​ബ​ന്ധി​ച്ചു.