കെഫ് ഹോൾഡിംഗ്സും കടേരയും ഒന്നിക്കുന്നു 

ദുബൈ:  ഇന്ത്യൻ ഉടമസ്​ഥതയിലുള്ള   മുൻനിര ഓഫ്സൈറ്റ് നിർമാണ സാങ്കേതികവിദ്യ കമ്പനിയായ കെഫ് ഹോൾഡിംഗ്സും സിലിക്കൺ വാലിയിലെ പ്രമുഖ ഡിസൈൻ^നിർമാണ കമ്പനിയായ കടേരയും ഒന്നിക്കുന്നു. ഇനി മുതൽ കെഫ്​ കടേര ഹോൾഡിങ്​സ്​ എന്ന പേരിൽ അറിയപ്പെടുന്ന സ്​ഥാപനം അമേരിക്കയിലും മിഡിൽ ഇൗസ്​റ്റിലും ഇന്ത്യയിലും നിർമാണ മേഖലയിൽ വിപ്ലവാത്​മക മാറ്റങ്ങൾ സൃഷ്​ടിക്കുമെന്നാണ്​ വിലയിരുത്തൽ.   ഓഫ്സൈറ്റ് നിർമാണ സാ​േങ്കതിക വിദ്യ പ്രയോജനപ്പെടുത്തി സ്​കൂളുകൾ, ആശുപത്രികൾ, ഒഫീസുകൾ തുടങ്ങി വൈവിധ്യമാർന്ന ആവശ്യങ്ങൾക്കുള്ള കെട്ടിടങ്ങളും പശ്​ചാത്തല സൗകര്യ വികസനവും കുറഞ്ഞ സമയത്തിലും ചെലവിലും നിർമിച്ചു വരുന്ന കെഫ്​ കടേരയുമായി കൈകോർക്കുന്നതോടെ കൂടുതൽ മേഖലകളിലേക്ക്​ സാന്നിധ്യവും സ്വാധീനവും വ്യാപിക്കും. 

സമാനമായ ദർശനവും മൂല്യങ്ങളും ഉയർത്തിപ്പിടിക്കുന്ന സംഘത്തെ കണ്ടെത്താനായതും ഒപ്പം ചേരാനായതും അതീവ ആഹ്ലാദം പകരുന്നുവെന്ന്​  കടേര ചെയർമാനും സഹസ്​ഥാപകനുമായ  മൈകൽ മാർക്​സ്​ അഭിപ്രായപ്പെട്ടു.  കെഫ്​ ഉപയോഗിച്ചു വരുന്ന പ്രീകാസ്​റ്റ്​ കോൺക്രീറ്റ്​ നിർമാണ വിദ്യ യു.എസിലെ നിർമാണ മേഖലയിലേക്ക്​ വ്യാപിപ്പിക്കാൻ ഇൗ കൂട്ടുകെട്ട്​ സഹായകമാവുമെന്ന്​ കടേര ഏഷ്യ പ്രസിഡൻറ്​ ആഷ്​ ഭരദ്വാജ്​ വ്യക്​തമാക്കി. ഭവന നിർമാണ മേഖലയിലാണ്​ കടേരയുടെ കൂടുതൽ സംരംഭങ്ങൾ. 370 കോടിയിലേറെ ആസ്​തിയുള്ള സംരംഭത്തിന്​ സോഫ്​റ്റ്​ ബാങ്ക്​ ഉൾപ്പെടെ​ പ്രമുഖ സ്​ഥാപനങ്ങളാണ്​ നിക്ഷേപം നടത്തുന്നത്​.