കരിപ്പൂരി​െൻറ കണ്ണീരിന്​ ഒരാണ്ട്​

ദുബൈ: ഇതുപോലൊരു ആഗസ്​റ്റ്​ ഏഴിനായിരുന്നു യു.എ.ഇയെയും കേരളത്തെയും നടുക്കി എയർ ഇന്ത്യ വിമാനം ദുരന്തത്തിലേക്ക്​ ലാൻഡ്​ ചെയ്​തത്​. ദുബൈയിൽ നിന്ന്​ പറന്നുയർന്ന വന്ദേഭാരത്​ വിമാനം കരിപ്പൂർ വിമാനത്താവളത്തിലെ 35 മീറ്റർ താഴ്​ചയിലേക്ക്​ കൂപ്പുകുത്തുകയായിരുന്നു. ക്യാപ്​റ്റനും സഹ പൈലറ്റും ഉൾപ്പെടെ 21 ജീവനാണ്​ പൊലിഞ്ഞത്​.

ഇന്ത്യൻ സമയം രാത്രി 7.41ന്​ അപകട വിവരങ്ങൾ പുറത്തുവന്നുതുടങ്ങിയപ്പോൾ വൻദുരന്തമാണെന്ന്​ ആരും കരുതിയിരുന്നില്ല. വിമാനം റൺവേയിൽനിന്ന്​ തെന്നിമാറി എന്നായിരുന്നു ആദ്യം കരുതിയത്​. ഓടിയെത്തിയവർ കണ്ടത്​ രണ്ടായി പിളർന്ന വിമാനമാണ്​. ചെറിയ അപകടമുണ്ടായാൽ പോലും പൊട്ടിത്തെറിക്കാൻ സാധ്യതയുള്ള വിമാനം വൻ അപകടത്തിലും പൊട്ടിത്തെറിക്കാത്തതിന്​ കേരളം ദൈവത്തോടു നന്ദി പറഞ്ഞ ദിനങ്ങളായിരുന്നു അത്​. കേരളം മഴക്കെടുതിയിൽ വിറങ്ങലിച്ച സമയത്തായിരുന്നു ഈ അപകടവും. തൊട്ടടുത്ത ദിവസമാണ്​ പുത്തുമലയിലും കവളപ്പാറയിലും വൻ ഉരുൾപൊട്ടൽ​. കോവിഡ്​ വകവെക്കാതെ കേര​ളമൊന്നടങ്കം രക്ഷാപ്രവർത്തനത്തിനിറങ്ങിയത്​ ലോകത്തിന്​ മാതൃകയായിരുന്നു.

വി​മാ​ന​ മു​ൻ​ഭാ​ഗം വി​മാ​ന​ത്താ​വ​ള ചുറ്റുമ​തി​ലി​ൽ ഇ​ടി​ച്ചാ​ണ് നി​ന്ന​ത്. 174 മു​തി​ർ​ന്ന​വ​രും 10 കു​ട്ടി​ക​ളും ആ​റ് ജീ​വ​ന​ക്കാ​രു​മാ​ണ് വി​മാ​ന​ത്തി​ൽ ഉ​ണ്ടാ​യി​രു​ന്ന​ത്. നാ​ല് കു​ട്ടി​ക​ളും എ​ട്ട് സ്ത്രീ​ക​ളും ഒ​മ്പ​ത് പു​രു​ഷ​ന്മാ​രും​ മ​രി​ച്ചു. ഇ​വ​രി​ൽ 10 പേ​ർ കോ​ഴി​ക്കോ​ട്, ആ​റു​പേ​ർ മ​ല​പ്പു​റം, ര​ണ്ടു​പേ​ർ പാ​ല​ക്കാ​ട്, ഒ​രാ​ൾ വ​യ​നാ​ട് എ​ന്നി​വി​ട​ങ്ങ​ളി​ൽ നി​ന്നു​ള്ള​വ​രാ​ണ്.

ചി​കി​ത്സ തു​ട​രു​ന്ന​വ​രും അ​പ​ക​ട​മു​ണ്ടാ​ക്കി​യ ആ​ഘാ​ത​ത്തി​ൽ​നി​ന്ന്​ ക​ര​ക​യ​റാ​ൻ സാ​ധി​ക്കാ​ത്ത​വ​രും ഇപ്പോഴു​മു​ണ്ട്്്. ഉറ്റവരെ നഷ്​ടപ്പെട്ടവർ മാനസിക ആഘാതത്തിൽ നിന്ന്​ കരകയറിയിട്ടില്ല. പരിക്കേറ്റവരിൽ കട്ടിലിൽ തന്നെ തുടരുന്നവരുമുണ്ട്​.

അ​പ​ക​ടം ന​ട​ന്ന്​ ഒ​രു വ​ർ​ഷ​മാ​യി​ട്ടും അ​ന്വേ​ഷ​ണ റി​പ്പോ​ർ​ട്ട്​ ഇ​തു​വ​രെ പു​റ​ത്തു​വ​ന്നി​ട്ടി​ല്ല. ഇൻഷുറൻസ്​ കമ്പനിയുടെ നഷ്​ടപരിഹാരം ലഭിച്ചത്​ വളരെ കുറച്ചു പേർക്കാണ്​. അതും അർഹമായ നഷ്​ടപരിഹാരം ലഭിച്ചിട്ടുമില്ല. ബാക്കിയുള്ളവർ വിവിധ കോടതികളിൽ കേസ്​ നടത്തുന്നുണ്ട്​.

യു.എ.ഇയിലുള്ളവർ ദുബൈയിൽ സെറ്റിൽമെൻറ്​ ശ്രമത്തിലാണ്​. ഇത്​ വിജയിക്കാത്തപക്ഷം യു.എസ്​ കോടതിയെ സമീപിക്കാനാണ്​ തീരുമാനം. കേന്ദ്രസർക്കാർ പ്രഖ്യാപിച്ച തുകയിൽനിന്ന്​ ഒരു രൂപ​ പോലും നൽകിയിട്ടില്ല.

സംസ്​ഥാന സർക്കാർ മരിച്ചവരുടെ കുടുംബാംഗങ്ങൾക്ക്​ പത്തു​ ലക്ഷം വീതം നൽകി. എന്നാൽ, ഗുരുതര പരിക്കേറ്റവർക്ക്​ രണ്ട്​ ലക്ഷവും ചെറിയ പരിക്കേറ്റവർക്ക്​ 50,000 രൂപയും നഷ്​ടപരിഹാരം പ്രഖ്യാപിച്ചെങ്കിലും നൽകിയിട്ടില്ല.ദുരന്തത്തി​െൻറ ജീവിച്ചിരിക്കുന്ന രക്​തസാക്ഷികളായി പരിക്കേറ്റവർ ഇപ്പോഴും ദുരിതം അനുഭവിക്കുകയാണ്​.

അപകട സ്​ഥലത്ത്​ ഇന്ന്​ സം​ഗ​മം

ദുബൈ: പ​രി​ക്കേ​റ്റ​വ​രും മ​രി​ച്ച​വ​രു​ടെ ബ​ന്ധു​ക്ക​ളും ശനിയാഴ്​ച ക​രി​പ്പൂ​രി​ലെ​ത്തും. വി​മാ​നാ​പ​ക​ടം ന​ട​ന്ന സ്ഥ​ല​ത്തു​ത​ന്നെ​യാ​ണ് ഇ​വ​ർ സം​ഗ​മി​ക്കു​ന്ന​ത്. ശ​നി​യാ​ഴ്ച രാ​വി​ലെ 10 മു​ത​ൽ ന​ട​ക്കു​ന്ന പ​രി​പാ​ടി​യി​ൽ എം.​കെ. രാ​ഘ​വ​ൻ എം.​പി, ടി.​വി. ഇ​ബ്രാ​ഹിം എം.​എ​ൽ.​എ എ​ന്നി​വ​ർ പ​ങ്കെ​ടു​ക്കും. കേ​ന്ദ്ര​മ​ന്ത്രി വി. ​മു​ര​ളീ​ധ​ര​ൻ, ശ​ശി ത​രൂ​ർ എം.​പി അ​ട​ക്ക​മു​ള്ള​വ​ർ ഓ​ൺ​ലൈ​നാ​യും സം​ബ​ന്ധി​ക്കും.