പുരാവസ്​തുക്കൾ നശിപ്പിച്ചാൽ കോടി ദിർഹം വരെ പിഴ; കരട്​ നിയമം പാസാക്കി

അബൂദബി: സ്​മാരകങ്ങളുടെയും പുരാവസ്​തുക്കളുടെയും സംരക്ഷണം ഉറപ്പാക്കുന്നതിന്​ ​െഫഡറൽ നാഷനൽ കൗൺസിൽ (എഫ്​.എൻ.സി) കരട്​ ഫെഡറൽ നിയമം പാസാക്കി. പുരാവസ്​തുക്കൾ മോഷ്​ടിക്കുന്നതും കച്ചവടം ചെയ്യുന്നതും തടയുന്നതിനുള്ള വകുപ്പുകൾ ഉൾക്കൊള്ളുന്നതാണ്​ നിയമം. നിയമം നേരത്തെ എഫ്​.എൻ.സി അവലോകനം ചെയ്​തതും മാറ്റത്തിരുത്തലുകൾക്കായി മടക്കിയതുമായിരുന്നു. പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാ​​​െൻറ അംഗീകാരം ലഭിക്കുന്നതോടെ നിയമം പ്രാബല്യത്തിലാകും.
ആർക്കെങ്കിലും പുരാവസ്​തുക്കൾ ലഭിച്ചാൽ 24 മണിക്കൂറിനകം സമീപത്തെ പൊലീസ്​ സ്​റ്റേഷനിലോ ബന്ധപ്പെട്ട അധികൃതർക്കോ റിപ്പോർട്ട്​ ചെയ്യണമെന്ന്​ കരട്​ നിയമം അനുശാസിക്കുന്നു. പ്രാചീന അവശിഷ്​ടങ്ങളുള്ള സ്​ഥലങ്ങൾക്ക്​ ചുറ്റും കരുതൽ മേഖല സൃഷ്​ടിക്കണം. ചരിത്രപ്രാധാന്യമുള്ള കെട്ടിടങ്ങൾ വിൽക്കുന്നതിൽനിന്നും പൊളിച്ചുമാറ്റുന്നതിൽനിന്നും നിയമം സ്വകാര്യ വ്യക്​തികളെ വിലക്കുന്നു. ചരിത്ര പ്രാധാന്യമുള്ള രേഖകൾ നശിപ്പിക്കരുത്​. പുരാവസ്​തു ആരെങ്കിലും നശിപ്പിച്ചാൽ കോടി ദിർഹം പിഴയും രണ്ട്​ വർഷത്തിൽ കുറയാത്ത തടവുമായിരിക്കും ശിക്ഷ. പുരാവസ്​തു സ്​ഥലങ്ങളിൽ കെട്ടിടം നിർമിക്കുക, കൃഷിയിറക്കുക, ഇത്തരം സ്​ഥലങ്ങളുടെ തരം മാറ്റുക, അനുമതിയില്ലാതെ ഖനനം നടത്തുക, പുരാവസ്​തുക്കൾ കള്ളക്കടത്ത്​ നടത്തുക, മറ്റുള്ളവരെ വഞ്ചിക്കാനായി യു.എ.ഇയിലെയോ മറ്റു രാജ്യത്തെയോ പുരാവസ്​തുവി​​​െൻറ പകർപ്പ്​ ഉണ്ടാക്കുക തുടങ്ങിയ കുറ്റങ്ങൾക്കും ഇതേ ശിക്ഷയായിരിക്കും. പുരാവസ്​തുക്കൾ മോഷ്​ടിച്ചാൽ രണ്ട്​ ലക്ഷം മുതൽ അഞ്ച്​ ലക്ഷം ദിർഹം വരെ പിഴയും ജയിൽശിക്ഷയും ലഭിക്കും. അനുമതിയില്ലാതെ പുരാവസ്​തുക്കൾ സ്​ഥാനം മാറ്റിയാൽ ജയിൽ ശിക്ഷയോ ഒരു ലക്ഷം മുതൽ മൂന്ന്​ ലക്ഷം ദിർഹം വരെ പിഴയോ രണ്ടും കൂടിയോ ലഭിക്കും. പുരാവസ്​തുക്കൾ റിപ്പോർട്ട്​ ചെയ്യുന്നവർക്ക്​ സമ്മാനം നൽകണമെന്നും നിയമം നിർദേശിക്കുന്നു. യു.എ.ഇയുടെ ദേശീയ പുരാവസ്​തു ഇ^രജിസ്​ട്രി 2015ലാണ്​ ആരംഭിച്ചത്​. മേഖലയിലെ ആദ്യത്തെ പുരാവസ്​തു ഇ^രജിസ്​ട്രിയാണിത്​.