കല്ല്യാൺ ജ്വല്ലേഴ്​സിനെക്കുറിച്ച്​ വ്യാജ പ്രചരണം;  അഞ്ച് പേര്‍ക്കെതിരെ നടപടി

ദുബൈ: കല്യാണ്‍ ജ്വല്ലേഴ്​സി​​​െൻറ സ്വര്‍ണാഭരണം വ്യാജമാണെന്ന്​ പ്രചരിപ്പിച്ച അഞ്ച് ഇന്ത്യക്കാര്‍ക്കെതി​െ​ര സൈബര്‍ നിയമം അനുസരിച്ച് ക്രിമിനല്‍ നടപടികളെടുക്കാന്‍ ദുബൈ പോലീസിന് ദുബൈ പബ്ലിക് പ്രോസിക്യൂഷന്‍ നിര്‍ദ്ദേശം നൽകി.സാമൂഹികമാധ്യമങ്ങളിലൂടെയുള്ള പ്രചാരണത്തെക്കുറിച്ച് ദുബൈ പൊലീസ്​ നടത്തിയ അന്വേഷണത്തിൽ വ്യാജ വിവരങ്ങൾ സാമൂഹിക മാധ്യമങ്ങളിലൂടെ പ്രചരിപ്പിച്ചുവെന്ന് കണ്ടെത്തിയിരുന്നു. പൊലീസ്​ അന്വേഷണത്തില്‍ ഒരാള്‍കുറ്റം സമ്മതിച്ചു. മറ്റുള്ളവര്‍ക്കെതിരേ അന്വേഷണം പുരോഗമിക്കുകയാണ്. സാമൂഹിക മാധ്യമങ്ങളിൽ വ്യാപകമായി പ്രചരിപ്പിച്ച  പോസ്​റ്റിൽ   കല്യാണ്‍ ഷോറൂമുകള്‍ സീല്‍ചെയ്‌തെന്നും ഉടമയെ അറസ്റ്റ്‌ചെയ്‌തെന്നും പ്രചരിപ്പിച്ചിരുന്നു. ഔദ്യോഗിക സോഷ്യല്‍മീഡിയ ഹാന്‍ഡിലുകൾ മുഖേന വ്യാജ വാർത്ത നിഷേധിച്ച കല്യാണ്‍ ജ്വല്ലേഴ്​സ് എൽ.എൽ.സി ദുബൈ പോലീസിന്  പരാതി നൽകുകയായിരുന്നു.

സോഷ്യല്‍മീഡിയയെ തെറ്റായ രീതിയില്‍ ഉപയോഗിക്കുന്നവര്‍ക്കെതിരേയുള്ള ഇത്തരം  നടപടികള്‍ ഏറെ ആത്മവിശ്വാസം പകരുന്നതാണെന്ന് കല്യാണ്‍ ജ്വല്ലേഴ്​സ്‌ ചെയര്‍മാനും മാനേജിംഗ് ഡയറക്ടറുമായ ടി.എസ്. കല്യാണരാമന്‍ പറഞ്ഞു. സൂക്ഷ്മതയോടെ നടത്തിയ  ശാസ്ത്രീയ അന്വേഷണത്തെ അഭിനന്ദിക്കുന്നു. 
സാമൂഹികമാധ്യമങ്ങളിലൂടെയുള്ള അപഖ്യാതി പ്രചാരണം നിസാരമായി തള്ളിക്കളയാനാവില്ലെന്ന് ബോധ്യപ്പെടുത്താൻ ഇതുപകരിക്കും. വര്‍ഷങ്ങള്‍ക്കൊണ്ട് ഒട്ടേറെ ആളുകളുടെ കഠിനാദ്ധ്വാനത്തിലൂടെയും പങ്കാളിത്തത്തിലൂടെയും കെട്ടിപ്പടുത്തതാണ് കല്യാണ്‍ ജ്വല്ലേഴ്​സ് ബ്രാന്‍ഡ്.

ചിലർ നടത്തുന്ന വ്യാജ പ്രചാരണം ബ്രാന്‍ഡി​​​െൻറ മതിപ്പ് ഇല്ലാതാക്കാനുള്ള ശ്രമമാണ്. കമ്പനിയുമായി ചേര്‍ന്നുനില്‍ക്കുന്നവരെ ഇത്​ വൈകാരികമായി ബാധിക്കും. യുഎഇയിലെ നിയമസംവിധാനവും ദുബൈ പോലീസും സൈബര്‍ കുറ്റകൃത്യം തടയുന്നതിന്​ കര്‍ശന നടപടികളാണ് സ്വീകരിച്ചുവരുന്നത്. സത്യം തെളിയിക്കാന്‍ ഇത് ഏറെ സഹായകമാണെന്ന് അദ്ദേഹം ചൂണ്ടിക്കാട്ടി. ഇതിന് സമാനമായി കല്ല്യാണ്‍ ജ്വല്ലേഴ്​സി​​​െൻറ തിരുവനന്തപുരം ഷോറൂമിനെക്കുറിച്ച്‌ സോഷ്യൽ മീഡിയയിലൂടെയുള്ള  വ്യാജ വാർത്തകൾക്കെതിരെയും ശക്തമായ നിയമനടപടി സ്വീകരിച്ചിട്ടുണ്ടെന്ന്​  അധികൃതർ അറിയിച്ചു.