അതിശയിപ്പിക്കുന്ന ആഭരണ തിളക്കവുമായി വാച്ച്​–ജ്വല്ലറി പ്രദർശനം തുടങ്ങി

ഷാർജ: കണ്ണഞ്ചിപ്പിക്കുന്ന ആഭരണങ്ങളും പ്രൗഢിയേറ്റുന്ന വാച്ചുകളും അണിനിരത്തിയ അഞ്ഞൂറിലേറെ സ്​റ്റാളുകളുമായി 43ാമത്​ മിഡിൽ ഇൗസ്​റ്റ്​ വാച്ച്​^ജ്വല്ലറി പ്രദർശനത്തിന്​ ഷാർജ എക്​സ്​പോ സ​െൻററിൽ തുടക്കമായി. സുപ്രിം കൗൺസിൽ അംഗവും ഷാർജ ഭരണാധികാരിയുമായ ശൈഖ്​ ഡോ. സുൽത്താൻ ബിൻ മുഹമ്മദ്​ ആൽ ഖാസിമിയുടെ രക്ഷകർതൃത്വത്തിൽ നടക്കുന്ന പ്രദർശനം തുറമുഖ^കസ്​റ്റംസ്​ വിഭാഗം ചെയർമാൻ ശൈഖ്​ ഖാലിദ്​ ബിൻ അബ്​ദുല്ലാ ബിൻ സുൽത്താൻ ആൽ ഖാസിമി ഉദ്​ഘാടനം ചെയ്​തു.  

ഷാർജ ചേംബറി​​െൻറ പിന്തുണയോടെ നടക്കുന്ന പ്രദർശനം ഇൗ മാസം ഏഴുവരെ തുടരും.  ലോകത്തി​​െൻറ പല കോണുകളിൽ നിന്നുള്ള അതി പ്രശസ്​ത സ്വർണ^വജ്ര ആഭരണങ്ങളുടെയും വാച്ചുകളുടെയും ബ്രാൻറുകളാണ്​ ​ശേഖരങ്ങൾ പ്രദർശിപ്പിക്കുന്നത്​.  ഇന്ത്യ, ഹോങ്​കോംങ്​, ഇറ്റലി, മലേഷ്യ, സിംഗപ്പൂർ, തായ്​ലൻറ്​, ലബനോൺ എന്നീ രാജ്യങ്ങളുടെ പവലിയനുകൾക്ക്​ പുറമെ അമേരിക്ക, ബ്രിട്ടൻ, റഷ്യ, ജപ്പാൻ, ലാത്​വിയ, ലിത്വാനിയ, സൗദി, ജോർദാൻ, ബഹ്​​ൈറൻ, തൈവാൻ എന്നിവിടങ്ങളിൽ നിന്നും യു.എ.ഇയിലെ തന്നെയും നിരവധി ആഭരണശാലകളും എത്തിയിട്ടുണ്ട്​.  ഷാർജ ചേംബർ ചെയർമാൻ അബ്​ദുല്ലാ ബിൻ സുൽത്താൻ അൽ ഒവൈസ്​, എക്​സ്​പോ സ​െൻറർ സി.ഇ.ഒ സൈഫ്​ മുഹമ്മദ്​ അൽ മിദ്​ഫ തുടങ്ങിയവർ ഉദ്​ഘാടന വേളയിൽ സംബന്ധിച്ചു.