ജോയ്​ അറക്കലി​െൻറ മൃതദേഹം പ്രത്യേക വിമാനത്തിൽ കൊണ്ട​​ുപോകും

ദുബൈ: ലോക്​ ഡൗൺ പ്രഖ്യാപിച്ച ശേഷം ഇതാദ്യമായി ഗൾഫ്​ മേഖലയിൽ നിന്ന്​ ഒരു വിമാനം യാത്രക്കാരുമായി ഇന്ത്യയിലേക് ക്​ എത്തുന്നു. കേന്ദ്ര അഭ്യന്തര മന്ത്രാലയം നൽകിയ പ്രത്യേക അനുമതിയോടെയാണ്​ ദുബൈയിൽ നിന്ന്​ കോഴിക്കോ​േട്ട ക്ക്​ ചാർ​േട്ടഡ്​ വിമാനം പുറപ്പെടുന്നത്​. കഴിഞ്ഞ വ്യാഴാഴ്​ച അന്തരിച്ച ​പ്രമുഖ വ്യവസായി ജോയ്​ അറക്കലി​​​െൻറ മൃതദേഹം ​നാട്ടിലെത്തിക്കുന്നതിനാണ്​ കേ​​ന്ദ്ര സർക്കാർ പ്രത്യേക അനുമതി നൽകിയത്​.

മൃതദേഹത്തോടൊപ്പം ജോയിയുടെ ഭാര്യ സെലിൻ, മകൻ അരുൺ, മകൾ ആഷ്​ലിൻ എന്നിവർക്കും യാത്ര ചെയ്യാം. ദുബൈയിൽ നിന്ന്​ കോഴിക്കോ​േട്ടക്കാണ്​ വിമാനം എത്തുക.ഇതിനു പുറമെ നോട്ടിങ്​ഹാമിൽ നിന്ന്​ പ്രസാദാസ്​ എളിംബനും കുടുംബത്തിനും ഭാര്യ സോണിയ, മകൾ അനുഷ്​ക എന്നിവർക്കൊപ്പം നാട്ടിലേക്ക്​ പറക്കാൻ അനുമതി ലഭിച്ചിട്ടുണ്ട്​. കാൻസർ ചികിത്സയിലാണ്​ പ്രസാദാസ്​.

കോഴിക്കോട്​ എം.പി എം.കെ രാഘവൻ, വ്യവസായ പ്രമുഖൻ എലൈറ്റ്​ ഗ്രൂപ്പ്​ എം.ഡി ആർ. ഹരികുമാർ, സാമൂഹിക പ്രവർത്തകൻ അഷ്​റഫ്​ താമരശ്ശേരി, ലോക കേരള സഭാംഗം അഡ്വ. ഹാഷിക്​ ടി.കെ തുടങ്ങിയവരുടെ ശ്രമഫലമായാണ്​ കേന്ദ്ര അഭ്യന്തര മന്ത്രാലയത്തിൽ നിന്ന്​ നോ ഒബ്​ജഷൻ സർട്ടിഫിക്കറ്റ്​ നേടാനായത്​. വിദേശകാര്യ മന്ത്രാലയം ആരോഗ്യ മന്ത്രാലയം എന്നിവയുടെ അനുമതിയുണ്ടെങ്കിൽ ഇവരെ കൊണ്ടുവരുന്നതിന്​ തടസമില്ല എന്ന്​ കേ​ന്ദ്ര അഭ്യന്തര മന്ത്രാലയം വിദേശകാര്യ വിഭാഗം ഡയറക്​ടർ (ഇമിഗ്രേഷൻ) സുമന്ത്​ സിങ്​ ഒപ്പുവെച്ച അനുമതി പത്രത്തിൽ പറയുന്നു. ജോയ്​ അറക്കലി​​​െൻറ മൃതദേഹം നാട്ടിലേക്ക്​ എത്തിക്കുന്നതിന്​ മുന്നോടിയായി എംബാമിങ്​ ഉൾപ്പെട്ട നടപടിക്രമങ്ങൾ ഇന്ന്​ പൂർത്തിയാക്കിയിരുന്നു.