ജോയ് ആലുക്കാസിൽ ‘ജുവൽസ് ഓഫ് ജോയ്’ സമ്മർ ഓഫർ

ദുബൈ: പ്രമുഖ ആഭരണ ബ്രാൻഡായ ജോയ് ആലുക്കാസ് ‘ജുവൽസ് ഓഫ് ജോയ്’ എന്ന പേരിൽ പുതിയ സമ്മർ ക്യാമ്പയ്​ൻ പ്രഖ്യാപിച്ചു. ഉപഭോക്താക്കൾക്ക് വേനൽക്കാലം ആഘോഷിക്കാൻ അനുയോജ്യമായ ഓഫറുകളോടെയാണ് ക്യാമ്പയ്​ൻ രൂപകൽപന ചെയ്തിരിക്കുന്നത്​. ആഗസ്റ്റ് ഒന്നു മുതൽ 24 വരെ നീണ്ടുനിൽക്കുന്ന ഈ സമ്മർ ക്യാമ്പയ്​ൻ മൂല്യം, വൈവിധ്യം, മികവ് എന്നിവയുടെ സംയോജനമാണെന്ന്​ അധികൃതർ അറിയിച്ചു.

1.99 ശതമാനം മുതൽ പണിക്കൂലിയിൽ ലഭ്യമായ മാലകൾ, വളകൾ, സ്വർണ്ണത്തിൽ മികച്ച മൂല്യത്തോടെ നിക്ഷേപിക്കാനുള്ള അപൂർവ അവസരം, 4,000 ദിർഹം വിലമതിക്കുന്ന വജ്രാഭരണങ്ങൾ/രത്‌നാഭരണങ്ങൾ അല്ലെങ്കിൽ 25,000 ദിർഹം വിലയുള്ള സ്വർണ്ണാഭരണങ്ങൾ വാങ്ങുമ്പോൾ 200 ദിർഹം ക്യാഷ് വൗച്ചർ എന്നിവയാണ്​ ഓഫറിലൂടെ ലഭിക്കുക. യു.എ.ഇയ്ക്ക് പുറമെ ഒമാൻ, ഖത്തർ, കുവൈത്ത്, ബഹ്‌റൈൻ, സൗദി അറേബ്യ, മലേഷ്യ എന്നിവിടങ്ങളിലും ഇതേ ക്യാമ്പയ്​ൻ ആരംഭിച്ചിട്ടുണ്ട്​.

ജോയ് ആലുക്കാസിന്‍റെ എല്ലാ ക്യാമ്പയ്‌നുകളും ഉപഭോക്തൃകേന്ദ്രിതമാണ്. ‘ജുവൽസ് ഓഫ് ജോയ്’ മുഖേന, ഉപഭോക്താക്കൾക്ക് സന്തോഷകരവും ലാഭകരവുമായ ഷോപ്പിങ്​ അനുഭവം ഒരുക്കാനാണ് ഞങ്ങളുടെ ശ്രമമെന്ന്​ ജോയ് ആലുക്കാസ് ഗ്രൂപ്പ് മാനേജിങ്​ ഡയറക്ടർ ജോൺ പോൾ ആലുക്കാസ് പറഞ്ഞു.