'ഗൾഫ്​ മാധ്യമം';ജോയ്​ ആലുക്കാസ്​ നൊസ്റ്റാൾജിക്​ ഓണം: വിജയികളെ പ്രഖ്യാപിച്ചു

ദുബൈ: ഓണാഘോഷത്തിന്​ സന്തോഷം പകരാൻ 'ഗൾഫ്​ മാധ്യമം' ഒരുക്കിയ 'നൊസ്റ്റാൾജിക്​ ഓണം ജോയ്​ഫുൾ മെമ്മറീസ്​' മത്സരത്തിന്‍റെ വിജയികളെ പ്രഖ്യാപിച്ചു. 'ഗൾഫ്​ മാധ്യമ'ത്തിന്‍റെ വിവിധ ജി.സി.സികളിലെ സമൂഹമാധ്യമ പേജുകളിലൂടെ നടത്തിയ മത്സരത്തിൽ നൂറുകണക്കിനാളുകളാണ്​ പ​ങ്കെടുത്തത്​. ആറ്​ ഗൾഫ്​ രാജ്യങ്ങളിൽനിന്ന്​ 21 പേരെ വിജയികളായി തിരഞ്ഞെടുത്തു. ഇവർക്ക്​ നാല്​ ഗ്രാം വീതം സ്വർണനാണയം സമ്മാനമായി നൽകും.

ഓണസദ്യ, കുടുംബങ്ങളുടെ കൂടിച്ചേരൽ, പൂക്കളം, യാത്രകൾ, കലാകായിക പരിപാടികൾ, പാചകം, ഷോപ്പിങ്​ തുടങ്ങിയവയെല്ലാമാണ്​ സമൂഹമാധ്യമങ്ങളിലൂടെ വായനക്കാർ പങ്കുവെച്ചത്​.

ഗൾഫിൽനിന്ന്​ അവധിക്കാലത്ത്​ നാട്ടിലെത്തിയവരും പ​ങ്കെടുത്തിരുന്നു. ചിത്രങ്ങൾക്ക്​ പുറമെ കുറിപ്പുകളും വിഡിയോയും അയച്ചവരുമുണ്ട്​. ജോയ്​ ആലുക്കാസ്​ ഷോറൂമുകളിൽ വെച്ച്​ സമ്മാനം കൈമാറും.

ഇവർ വിജയികൾ

യു.എ.ഇ: റോഷിൻ കുര്യൻ, റഫീഖ്​ സിദ്ദീഖ്​, ഫഹ്​മിദ ഷാഫി, രശ്മി പ്രശാന്ത്, ​ദിവ്യ ഷാൻ, വിദ്യ വിജയകുമാർ, സച്ചിൻ ചിർമൂർ, ഷമീന എ. അസീസ്​

സൗദി: ലോറൻസ്​ അറക്കൽ, ഷൈജു പാച്ചാ, മൻസൂർ പുല്ലാടൻ, മിധു ടി

ഒമാൻ: അൻസാർ മുഹമ്മദ്​, പ്രതീഷ്​ പരമേശ്വരൻ, നവ്യ പണിയിൽ

ഖത്തർ: സമീൽ അബ്​ദുൽ വാഹിദ്​, പൂർണിമ സന്ദീപ്​, മുഹ്​സിൻ സാജിദ്​

കുവൈത്ത്​: പ്രഭാമയി അരുൺകുമാർ, ലിജോ വർഗീസ്​, നേഹ രാജ്​കുമാർ ലോയ

ബഹ്​റൈൻ: മജാ ജോസ്​ദാസ്​, ബിജിന മിഥുൻ