ഡാ​റ്റ പോ​യ യാ​ത്ര

ഡി​സം​ബ​റി​ലാ​ണ് സ​ന്ദ​ർ​ശ​ക​വി​സ​യി​ൽ മ​ക​ൾ നൂ​ർ​ജ​യേ​യും നി​ഷ​യേ​യും പേ​ര​കു​ട്ടി​ക​ളെ​യും കാ​ണാ​ൻ യു.​എ.​ഇ​യി​ൽ എ​ത്തി​യ​ത്. ദു​ബൈ, ഷാ​ർ​ജ മ​ഹാ​ന​ഗ​ര​ങ്ങ​ളി​ൽ ഗൂ​ഗി​ൾ മാ​പ്പ് വ​രു​ന്ന​തി​ന് മു​മ്പ് എ​ങ്ങി​നെ​യാ​ണാ​വോ മു​ൻ​പ​രി​ച​യ​മി​ല്ലാ​ത്ത സ്ഥ​ല​ത്തേ​ക്ക് ഡ്രൈ​വ് ചെ​യ്തി​രു​ന്ന​ത് എ​ന്നോ​ർ​ത്ത് അ​ത്ഭു​ത​പ്പെ​ടാ​റു​ണ്ട്. അ​ങ്ങ​നെ ഒ​രു ദി​വ​സം നൂ​ർ​ജ​യു​ടെ കൂ​ടെ കാ​റി​ൽ ഷാ​ർ​ജ​യി​ൽ നി​ന്ന് ദു​ബൈ​യി​ലെ ഒ​രി​ട​ത്തേ​ക്ക് പോ​യ​താ​യി​രു​ന്നു. പെ​ട്ടെ​ന്ന​വ​ൾ​ക്കെ​ന്തോ വെ​പ്രാ​ളം. 'ഡാ​റ്റ പോ​യി', അ​വ​ൾ പ​രി​ഭ്ര​മ​ത്തോ​ടെ പ​റ​ഞ്ഞു. 'ഡാ​റ്റ പോ​ണ വ​ഴി​ക്ക് പോ​ട്ടെ, ന​മു​ക്ക് ന​മ്മു​ടെ വ​ഴി​ക്ക് പോ​കാം' എ​ന്ന് പ​റ​യാ​ൻ വി​ചാ​രി​ച്ച​താ​ണ്.

'റൂ​ട്ട് മാ​പ്പി​ല്ല'- ഡ്രൈ​വ​ർ സീ​റ്റി​ന് മു​ൻ​പി​ൽ ഉ​യ​ർ​ത്തി വെ​ച്ചി​രു​ന്ന മൊ​ബൈ​ൽ കാ​ണി​ച്ച് അ​വ​ൾ പ​റ​ഞ്ഞു. മൊ​ബൈ​ലി​ൽ തെ​ളി​ഞ്ഞു നി​ന്നി​രു​ന്ന വ​ർ​ണ്ണ വ​ര​ക​ളൊ​ന്നും ഇ​പ്പോ​ൾ കാ​ണു​ന്നി​ല്ല. ദു​ബൈ​യി​ലെ എ​ട്ടു​കാ​ലി​വ​ല പോ​ലെ പി​ണ​ഞ്ഞു കി​ട​ന്ന റോ​ഡു​ക​ൾ​ക്കി​ട​യി​ലെ ഏ​തോ റോ​ഡി​ൽ വെ​ച്ചാ​യി​രു​ന്നു സം​ഭ​വം. മൊ​ബൈ​ലി​ൽ തെ​ളി​യു​ന്ന വ​ർ​ണ്ണ​വ​ര​ക​ളി​ല്ലാ​തെ എ​വി​ടെ, എ​ങ്ങോ​ട്ട് തി​രി​യ​ണ​മെ​ന്ന​റി​യി​ല്ല.

നാ​ട്ടി​ലാ​ണെ​ങ്കി​ൽ ചോ​യ്ച്ച് ചോ​യ്ച്ച് പോ​വാം. ഇ​വി​ടാ​രോ​ടാ ചോ​യ്ക്കാ. ചോ​യ്ക്കാ​ൻ ഒ​റ്റ മ​നു​ഷ്യ​നി​ല്ല. ഉ​ണ്ടാ​യി​ട്ടും കാ​ര്യ​ല്ല്യ. ഒ​രെ​ണ്ണ​ത്തി​ന് തെ​ക്കും വ​ട​ക്കും അ​റീ​ല്ല്യ. മു​ന്നി​ലും പി​ന്നി​ലും ഇ​ട​തും വ​ല​തു​മൊ​ക്കെ 80 കി​ലോ​മീ​റ്റ​ർ വേ​ഗ​ത്തി​ലോ​ടു​ന്ന വ​ണ്ടി​ക​ളാ​ണ്. നി​ർ​ത്താ​നോ പാ​ർ​ക്ക് ചെ​യ്യാ​നോ പ​റ്റി​ല്ല. ഓ​ർ​മ്മ വ​ന്ന​ത് പ​ഴ​യൊ​രു ബോ​ട്ട് യാ​ത്ര​യാ​ണ്‌. ബോം​ബെ ക​ര​ഞ്ച​യി​ൽ താ​മ​സി​ക്കു​മ്പോ​ഴാ​ണ്. ഒ​രു ദി​വ​സം ബോം​ബെ​യി​ൽ പോ​യി തി​രി​ച്ച് ക​ര​ഞ്ച​ക്ക് മ​ട​ങ്ങു​ക​യാ​യി​രു​ന്നു.

നേ​വ​ൽ ഡോ​ക്ക് യാ​ർ​ഡി​ൽ നി​ന്ന് പു​റ​പ്പെ​ട്ടാ​ൽ 45 മി​നി​റ്റ് കൊ​ണ്ട് നേ​വി ബോ​ട്ട് ക​ര​ഞ്ച ജെ​ട്ടി​യി​ലെ​ത്തും. അ​വി​ടു​ന്ന് നേ​വി ട്ര​ക്കി​ൽ ക്വാ​ർ​ട്ടേ​ഴ്സി​ലെ​ത്താം. അ​ന്ന് ബോ​ട്ട് പു​റ​പ്പെ​ട്ടു കു​റ​ച്ചു ദൂ​രം പോ​യ​പ്പോ​ഴേ​ക്കും ന​ല്ല കാ​റ്റും മ​ഴ​യും തു​ട​ങ്ങി. മ​ഴ കാ​ര​ണം ചു​റ്റു​മു​ള്ള​തൊ​ന്നും കാ​ണാ​താ​യി. സ്രാ​ങ്കി​ന് പ​രി​ഭ്ര​മ​മാ​യി. ഓ​ള​ങ്ങ​ളി​ൽ ചാ​ഞ്ചാ​ടി ബോ​ട്ട് എ​ങ്ങോ​ട്ടോ പോ​യ്ക്കൊ​ണ്ടി​രു​ന്നു. എ​ങ്ങോ​ട്ട് തി​രി​ക്ക​ണം എ​ന്ന് സ്രാ​ങ്കി​ന​റി​യി​ല്ല.

ആ ​പ​ഴ​യ ബോ​ട്ടി​ൽ ദി​ശ​യ​റി​യാ​നു​ള്ള കു​ന്ത്രാ​ണ്ട​മൊ​ന്നും ഉ​ണ്ടാ​യി​രു​ന്നി​ല്ല. യാ​ത്ര​ക്കാ​ർ ഒ​രാ​ൾ ദൈ​നേ ച​ലോ​ന്ന് പ​റ​യു​മ്പോ​ൾ വേ​റൊ​രാ​ൾ ഭാ​യേ ച​ലോ​ന്ന് പ​റ​യും. അ​ങ്ങ​നെ ഭാ​യേ, ദൈ​നേ, ആ​ഗേ, പീ​ച്ചേ വി​ളി​ക​ൾ കേ​ട്ട് സ്രാ​ങ്കി​ന് വ​ട്ടാ​യി. ര​ണ്ട് മ​ണി​ക്കൂ​ർ ക​ഴി​ഞ്ഞ​പ്പോ​ൾ ബോ​ട്ട് ന​ല്ല പോ​ലെ ആ​ടാ​നും പൊ​ങ്ങി​ത്താ​ഴാ​നു​മൊ​ക്കെ തു​ട​ങ്ങി. ഉ​ൾ​ക്ക​ട​ൽ വി​ട്ട് ബോ​ട്ട് പു​റം​ക​ട​ലി​ലെ​ത്തി​യി​രു​ന്നു. പ​ല​രും ഛർ​ദ്ദി​ക്കാ​ൻ തു​ട​ങ്ങി. ഞാ​ൻ ഛർ​ദ്ദി​ച്ച് തീ​രെ വ​യ്യാ​ണ്ടാ​യി.

പ​ല മ​ത​ക്കാ​രു​ടേ​യും പ​ല ഭാ​ഷ​ക​ളി​ലു​ള്ള ദൈ​വ​വി​ളി​ക​ളും പ്രാ​ർ​ത്ഥ​ന​ക​ളും നി​ല​വി​ളി​ക​ളു​മൊ​ക്കെ ഉ​യ​ർ​ന്നു. കു​റെ​ക്കൂ​ടി ക​ഴി​ഞ്ഞ് മ​ഴ​യൊ​ന്ന് ശ​മി​ച്ച​പ്പോ​ൾ ചു​റ്റു​പാ​ടും കാ​ണാ​റാ​യി. നോ​ക്കു​മ്പോ​ൾ പു​റം​ക​ട​ലി​ൽ ന​ങ്കൂ​ര​മി​ട്ടു കി​ട​ന്ന വ​ലി​യ വ​ലി​യ ക​പ്പ​ലു​ക​ൾ​ക്കി​ട​യി​ലൂ​ടെ​യാ​ണ് ബോ​ട്ട് പോ​കു​ന്ന​തെ​ന്ന് ക​ണ്ടു. അ​ന്ത​രീ​ക്ഷം തെ​ളി​ഞ്ഞ​പ്പോ​ൾ ദൂ​രെ ബോം​ബെ ന​ഗ​രം ദൃ​ശ്യ​മാ​യി. സ്രാ​ങ്ക് ബോ​ട്ട് തി​രി​ച്ചു. ആ.... ​ഡാ​റ്റ വ​ന്നു. മൊ​ബൈ​ലി​ൽ വ​ര​ക​ൾ തെ​ളി​ഞ്ഞി​രി​ക്കു​ന്നു. നൂ​ർ​ജ ഉ​ഷാ​ർ.