ഏക മാനവിക ദർശനം ഉദ്​ഘോഷിക്കണം –ജോർദാൻ മന്ത്രി

അബൂദബി: ഇസ്​ലാമിക പ്രബോധന ദൗത്യനിർവഹണത്തിൽ സ്​ഥല-കാല-പരിസ്​ഥിതികൾ അതീവ പ്രാധാന്യമർഹിക്കുന്നുണ്ടെന്നും ഇസ്​ലാമിനെ സ്​നേഹ^കാരുണ്യത്തോടെ അവതരിപ്പിക്കേണ്ടതുണ്ടെന്നും ജോർദാൻ ഒൗഖാഫ്​^ഇസ്​ലാമികകാര്യ മന്ത്രി ഡോ. അബ്​ദുന്നാസിർ അബുൽ ബസൽ അഭിപ്രായപ്പെട്ടു. അബൂദബിയിൽ ബുധനാഴ്​ച സമാപിച്ച അന്താരാഷ്​ട്ര മുസ്​ലിം സമൂഹ സമ്മേളനത്തിൽ (​െഎ.എം.സി.സി) പ​െങ്കടുക്കാനെത്തിയ മന്ത്രി അഭിമുഖത്തിൽ സംസാരിക്കുകയായിരുന്നു.മതം ഒരിക്കലും വെറുപ്പോ വിദ്വേഷമോ പ്രകടിപ്പിക്കുന്നില്ല. അതിനാൽ പ്രബോധിത സമൂഹത്തെ ശത്രുക്കളായി കാണാൻ പാടില്ല. വൈവിധ്യങ്ങൾ നിലനിൽക്കുന്ന ഇന്ത്യയെ പോലെയുള്ള രാജ്യങ്ങളിൽ സ്വീകരിക്കാവുന്ന ഒ​േട്ടറെ മാർഗങ്ങളുണ്ട്​. അവയിൽ ഏറ്റവും പ്രധാനപ്പെട്ടത്​ ഏക മാനവിക ദർശനം ഉദ്​ഘോഷിക്കുക എന്നതാണ്​.

ഉദാഹരണത്തിന്​ ആതുരാലയങ്ങൾ, അഭയ കേന്ദ്രങ്ങൾ തുടങ്ങിയവ സ്​ഥാപിക്കുകയും അനാഥ സംരക്ഷണം ഏറ്റെടുക്കുകയും ചെയ്യണം. സമൂഹത്തിലെ എല്ലാ വിഭാഗങ്ങളുടെയും ഉന്നമനമായിരിക്കണം ലക്ഷ്യം. ബഹുസ്വരതയിൽ എന്നല്ല എവിടെയും മത^വർഗ വിഭജനം പാടില്ല. മതാന്ധത ഒരിക്കലും ബാധിക്കരുത്​. തനിമയും വൈവിധ്യവും നിലനിൽക്കുന്ന ഇന്ത്യ ലോകത്തിന്​ മുമ്പിൽ പുതിയൊരു മാതൃകയാണ്​ കാഴ്​ചവെക്കുന്നതെന്നും അദ്ദേഹം പറഞ്ഞു.
മുസ്​ലിംകൾ ന്യൂനപക്ഷമായ ഇന്ത്യയെ പോലുള്ള രാജ്യങ്ങളിൽ പഠനവിധേയമായ വിധത്തിൽ കാര്യങ്ങൾ വിലയിരുത്തപ്പെടേണ്ടതുണ്ടെന്നും മന്ത്രി പറഞ്ഞു. അർധ സത്യങ്ങളെയോ ഉൗഹാപോഹങ്ങളെയോ ഒരിക്കലും അവലംബിക്കരുത്​. പലപ്പോഴും പ്രശ്​നങ്ങളുടെ ഉദ്​ഭവം സംശയങ്ങളോ തെറ്റിദ്ധാരണകളോ ആയിരിക്കുമെന്നും ഡോ. അബ്​ദുന്നാസിർ അബുൽ ബസൽ കൂട്ടിച്ചേർത്തു.