യാ​ത്രാ, ടൂ​റി​സം മേ​ഖ​ല​യി​ൽ തൊ​ഴി​ല​വ​സ​ര​ങ്ങ​ൾ വ​ർ​ധി​ക്കും

ദു​ബൈ: യു.​എ.​ഇ​യി​ലെ യാ​ത്ര, ടൂ​റി​സം മേ​ഖ​ല​യി​ൽ ഈ ​വ​ർ​ഷം 26,400 അ​ധി​ക തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്ക​പ്പെ​ടു​മെ​ന്ന്​ വേ​ൾ​ഡ് ട്രാ​വ​ൽ ആ​ൻ​ഡ് ടൂ​റി​സം കൗ​ൺ​സി​ൽ റി​പ്പോ​ർ​ട്ട്. അ​ന്താ​രാ​ഷ്ട്ര സ​ന്ദ​ർ​ശ​ക​രു​ടെ ചെ​ല​വ​ഴി​ക്ക​ൽ രാ​ജ്യ​ത്ത്​ റെ​ക്കോ​ഡ് നി​ല​വാ​ര​ത്തി​ലെ​ത്തു​മെ​ന്നും കൗ​ൺ​സി​ൽ പ്ര​വ​ചി​ക്കു​ന്നു​ണ്ട്. ഈ ​വ​ർ​ഷ​ത്തെ തൊ​ഴി​ല​വ​സ​ര​ങ്ങ​ളു​ടെ എ​ണ്ണം ക​ഴി​ഞ്ഞ വ​ർ​ഷ​ത്തേ​ക്കാ​ൾ 2.9 ശ​ത​മാ​നം കൂ​ടു​ത​ലാ​യി​രി​ക്കു​മെ​ന്നും ഓ​ക്‌​സ്‌​ഫ​ർ​ഡ് ഇ​ക്ക​ണോ​മി​ക്‌​സു​മാ​യി സ​ഹ​ക​രി​ച്ച് കൗ​ൺ​സി​ൽ ന​ട​ത്തി​യ ഏ​റ്റ​വും പു​തി​യ സാ​മ്പ​ത്തി​ക ആ​ഘാ​ത ഗ​വേ​ഷ​ണ റി​പ്പോ​ർ​ട്ടി​ൽ പ​റ​യു​ന്നു.

യാ​ത്ര​യു​ടെ​യും ടൂ​റി​സ​ത്തി​ന്റെ​യും കാ​ര്യ​ത്തി​ൽ യു.​എ.​ഇ​യെ സം​ബ​ന്ധി​ച്ചി​ട​ത്തോ​ളം 2024 ഒ​രു റെ​ക്കോ​ഡ് വ​ർ​ഷ​മാ​യി​രു​ന്നു. കോ​വി​ഡി​ന്​ മു​മ്പു​ള്ള 2019ലെ ​നേ​ട്ട​ത്തെ​യും മ​റി​ക​ട​ക്കു​ന്ന​താ​യി​രു​ന്നു അ​ത്. 2025ൽ ​യു.​എ.​ഇ​യി​ലെ അ​ന്താ​രാ​ഷ്ട്ര സ​ഞ്ചാ​രി​ക​ളു​ടെ ചെ​ല​വ​ഴി​ക്ക​ൽ വ​ർ​ഷം​തോ​റും 5.2 ശ​ത​മാ​നം വ​ർ​ധി​ച്ച് 228.5 ശ​ത​കോ​ടി ദി​ർ​ഹം എ​ന്ന റെ​ക്കോ​ഡ് മൂ​ല്യ​ത്തി​ലെ​ത്തു​മെ​ന്ന് കൗ​ൺ​സി​ലി​ന്‍റെ ഡേ​റ്റ സൂ​ചി​പ്പി​ക്കു​ന്നു​ണ്ട്. അ​തേ​സ​മ​യം, ഈ ​വ​ർ​ഷം രാ​ജ്യ​ത്തെ ആ​ഭ്യ​ന്ത​ര സ​ഞ്ചാ​രി​ക​ളു​ടെ ചെ​ല​വ് 60 ശ​ത​കോ​ടി ദി​ർ​ഹ​ത്തി​ലെ​ത്തും. 2024നെ ​അ​പേ​ക്ഷി​ച്ച് 4.3 ശ​ത​മാ​ന​വും 2019നെ ​അ​പേ​ക്ഷി​ച്ച് 47 ശ​ത​മാ​ന​വും കൂ​ടു​ത​ലാ​ണി​ത്. 2025ന്റെ ​ആ​ദ്യ മാ​സ​ങ്ങ​ളി​ല്‍ വി​നോ​ദ​സ​ഞ്ചാ​ര മേ​ഖ​ല​യി​ല്‍ രാ​ജ്യ​ത്ത്​ മി​ക​ച്ച നേ​ട്ട​മാ​ണ്​ കൈ​വ​രി​ച്ചി​രി​ക്കു​ന്ന​ത്.

എ​ല്ലാ എ​മി​റേ​റ്റു​ക​ളും വി​നോ​ദ സ​ഞ്ചാ​ര സീ​സ​ൺ ല​ക്ഷ്യ​മാ​ക്കി വി​വി​ധ കാ​മ്പ​യി​നു​ക​ളും മ​റ്റും ഒ​രു​ക്കി​വ​രു​ന്നു​മു​ണ്ട്. യു.​എ​സ്​ പ്ര​സി​ഡ​ന്റ്​ ഡോ​ണ​ൾ​ഡ്​​ ട്രം​പി​ന്‍റെ യു.​എ.​ഇ​യി​ലെ സ​ന്ദ​ർ​ശ​ന​വും ഇ​ത്തി​ഹാ​ദ്​ എ​യ​ർ​വേ​ഴ്സ്​ 28 പു​തി​യ ബോ​യി​ങ്​ വി​മാ​ന​ങ്ങ​ൾ വാ​ങ്ങാ​ൻ ക​രാ​ർ ഒ​പ്പു​വെ​ച്ച​തും യാ​ത്ര​മേ​ഖ​ല​യു​ടെ വ​ള​ർ​ച്ച​ക്ക്​ സ​ഹാ​യ​ക​മാ​കു​മെ​ന്നു​മാ​ണ്​ വി​ല​യി​രു​ത്ത​പ്പെ​ടു​ന്ന​ത്.

അ​ബൂ​ദ​ബി​യി​ലെ അ​ഞ്ച് വി​മാ​ന​ത്താ​വ​ള​ങ്ങ​ളി​ലാ​യി 2024ല്‍ ​എ​ത്തി​യ യാ​ത്രി​ക​രു​ടെ എ​ണ്ണം റെ​ക്കോ​ഡ് നേ​ട്ട​ത്തി​ലെ​ത്തി​യി​രു​ന്നു. 2.94 കോ​ടി യാ​ത്രി​ക​രാ​ണ് 2024ല്‍ ​അ​ബൂ​ദ​ബി​യി​ലെ വി​മാ​ന​ത്താ​വ​ള​ങ്ങ​ളി​ലെ​ത്തി​യ​ത്. ഇ​ത്​ മു​ന്‍വ​ര്‍ഷ​ത്തെ അ​പേ​ക്ഷി​ച്ച് 28 ശ​ത​മാ​ന​ത്തി​ന്റെ വ​ര്‍ധ​ന​യാ​ണ്. സാ​യി​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​മാ​ണ് ഈ ​വ​ള​ര്‍ച്ച​ക്ക്​ പി​ന്നി​ലെ പ്ര​ധാ​ന ഘ​ട​കം. 28.8 കോ​ടി യാ​ത്രി​ക​രാ​ണ് സാ​യി​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ല്‍ മാ​ത്രം 2024ല്‍ ​എ​ത്തി​യ​ത്.