തൊഴിൽനഷ്ട ഇൻഷുറൻസ്;​ പുതിയ തൊഴിലാളികൾക്ക്​ നാലുമാസം സാവകാശം

ദു​ബൈ: യു.​എ.​ഇ​യി​ൽ പു​തു​താ​യി ജോ​ലി​യി​ൽ പ്ര​വേ​ശി​ക്കു​ന്ന​വ​ർ​ക്ക്​​ തൊ​ഴി​ൽ​ന​ഷ്ട ഇ​ൻ​ഷു​റ​ൻ​സി​ൽ ചേ​രാ​ൻ നാ​ലു​മാ​സ​ത്തെ സാ​വ​കാ​ശം. ഒ​ക്​​ടോ​ബ​ർ ഒ​ന്നി​നു​ശേ​ഷം വ​ർ​ക്​ പെ​ർ​മി​റ്റ്​ ല​ഭി​ച്ച​വ​ർ​ക്കാ​ണ് തൊ​ഴി​ൽ മ​ന്ത്രാ​ല​യം​ നാ​ലു​മാ​സ​ത്തെ ഗ്രേ​സ്​ പി​രീ​ഡ് അ​നു​വ​ദി​ച്ച​ത്​. 2022ലെ ​മ​ന്ത്രി​ത​ല പ്ര​മേ​യം ന​മ്പ​ർ 604 അ​നു​സ​രി​ച്ച്​ ജോ​ലി ആ​രം​ഭി​ച്ച ജീ​വ​ന​ക്കാ​ർ​ക്ക്​ യു.​എ.​ഇ തൊ​ഴി​ൽ​ന​ഷ്ട ഇ​ൻ​ഷു​റ​ൻ​സ്​ പ​ദ്ധ​തി​യി​ൽ ര​ജി​സ്റ്റ​ർ ചെ​യ്യു​ന്ന​തി​ന്​ നാ​ലു​മാ​സ​ത്തെ ഗ്രേ​സ്​ പി​രീ​ഡ്​ ല​ഭി​ക്കും.

2023 ജ​നു​വ​രി ഒ​ന്നി​നു​ശേ​ഷം ജോ​ലി​യി​ൽ ​പ്ര​വേ​ശി​ച്ച​വ​ർ നാ​ലു മാ​സ​ത്തി​നു​ള്ളി​ൽ പ​ദ്ധ​തി​യി​ൽ അം​ഗ​മാ​ക​​ണ​മെ​ന്നാ​യി​രു​ന്നു​ തൊ​ഴി​ൽ മ​ന്ത്രാ​ല​യ​ത്തി​ന്‍റെ നി​ർ​ദേ​ശം. പി​ന്നീ​ട്​ സ​മ​യ​പ​രി​ധി ഒ​ക്​​ടോ​ബ​ർ ഒ​ന്നു​വ​രെ നീ​ട്ടു​ക​യാ​യി​രു​ന്നു. പൊ​തു-​സ്വ​കാ​ര്യ മേ​ഖ​ല​യി​ലും ഫെ​ഡ​റ​ൽ-​ഗ​വ​ൺ​മെ​ന്‍റ്​ സ്ഥാ​പ​ന​ങ്ങ​ളി​ലും ജോ​ലി​ചെ​യ്യു​ന്ന മു​ഴു​വ​ൻ ജീ​വ​ന​ക്കാ​ർ​ക്കും തൊ​ഴി​ൽ​ന​ഷ്ട ഇ​ൻ​ഷു​റ​ൻ​സ്​ നി​ർ​ബ​ന്ധ​മാ​ണ്. ഒ​ക്​​ടോ​ബ​ർ ഒ​ന്നി​നു​ശേ​ഷ​വും പ​ദ്ധ​തി​യി​ൽ ര​ജി​സ്റ്റ​ർ ചെ​യ്യാ​ത്ത​വ​ർ​ക്ക്​ 400 ദി​ർ​ഹ​മാ​ണ്​ പി​ഴ. ഒ​ക്​​ടോ​ബ​ർ ഒ​ന്നി​നു ശേ​ഷം ജോ​ലി​യി​ൽ പ്ര​വേ​ശി​ച്ച​വ​ർ നാ​ലു മാ​സ​ത്തി​നു​ള്ളി​ൽ ഇ​ൻ​ഷു​റ​ൻ​സ്​ പ​ദ്ധ​തി​യി​ൽ ര​ജി​സ്റ്റ​ർ ചെ​യ്തി​ല്ലെ​ങ്കി​ൽ പി​ഴ ന​ൽ​കേ​ണ്ടി​വ​രും. അ​തേ​സ​മ​യം, ഫ്രീ​സോ​ണി​ലും അ​ർ​ധ​സ​ർ​ക്കാ​ർ, പ്രാ​ദേ​ശി​ക സ​ർ​ക്കാ​ർ സ​മി​തി​ക​ൾ എ​ന്നി​വി​ട​ങ്ങ​ളി​ലെ ജീ​വ​ന​ക്കാ​ർ​ക്ക്​ പ​ദ്ധ​തി ഓ​പ്​​ഷ​ന​ലാ​ണ്. പ​ദ്ധ​തി​യി​ൽ ര​ജി​സ്റ്റ​ർ ചെ​യ്യാ​നു​ള്ള ഉ​ത്ത​ര​വാ​ദി​ത്തം ഓ​രോ ജീ​വ​ന​ക്കാ​ര​നു​മാ​ണ്. എ​ന്നാ​ൽ, തൊ​ഴി​ലു​ട​മ​ക​ൾ​ക്ക് അ​വ​രു​ടെ ജീ​വ​ന​ക്കാ​രെ പ​ദ്ധ​തി​യി​ൽ അം​ഗ​മാ​ക്കാ​നു​ള്ള ഓ​പ്​​ഷ​നും അ​നു​വ​ദി​ച്ചി​രു​ന്നു.

ജോ​ലി ന​ഷ്ട​പ്പെ​ട്ട​വ​ർ​ക്ക് പു​തി​യ ജോ​ലി ക​ണ്ടെ​ത്തു​ന്ന കാ​ല​യ​ള​വി​ൽ മാ​ന്യ​മാ​യ ജീ​വി​തം ന​യി​ക്കാ​ൻ അ​വ​സ​രം ന​ൽ​കു​ന്ന​തി​ന്‍റെ ഭാ​ഗ​മാ​യാ​ണ്​ മാ​ന​വ​വി​ഭ​വ ശേ​ഷി, സ്വ​ദേ​ശി​വ​ത്​​ക​ര​ണ മ​ന്ത്രാ​ല​യം തൊ​ഴി​ൽ​ന​ഷ്ട ഇ​ൻ​ഷു​റ​ൻ​സ്​ പ​ദ്ധ​തി പ്ര​ഖ്യാ​പി​ച്ച​ത്. പ​ദ്ധ​തി​യി​ൽ ഇ​തി​നോ​ട​കം 65 ല​ക്ഷം പേ​ർ ര​ജി​സ്റ്റ​ർ ചെ​യ്തി​ട്ടു​ണ്ട്.