എക്​സ്​പോയുടെ പേരിൽ ജോലി തട്ടിപ്പ്​

ദുബൈ: എക്​സ്​പോ 2020യുടെ പേരിൽ ജോലിതട്ടിപ്പ്​. എക്​സ്​പോ സൈറ്റിൽ ജോലിനൽകാമെന്ന്​ സമൂഹമാധ്യമങ്ങളിലൂടെ പ്രചരിപ്പിച്ചാണ്​ തട്ടിപ്പ്​ അരങ്ങേറുന്നത്​. ഇതോടെ, ചതിയിൽ വീഴരുതെന്ന മുന്നറിയിപ്പുമായി എക്​സ്​പോ അധികൃതർ രംഗത്തെത്തി.

ജോലിയില്ലാത്തവർ ഉണ്ടെങ്കിൽ എക്​സ്​പോ വർക്കർ വെൽഫെയർ ടീമുമായി ബന്ധപ്പെടണമെന്നും 0504058211 എന്ന നമ്പറിലേക്ക്​ വാട്​സ്​ആപ്​ മെസേജ്​ അയക്കണമെന്നും ചൂണ്ടിക്കാട്ടുന്ന മെസേജി​െൻറ സ്​ക്രീൻഷോട്ട്​ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു.

എന്നാൽ, ഇത്​ വ്യാജമാണെന്നും ചതിയിൽപെട്ടവർ ദുബൈ പൊലീസിനെ വിവരം അറിയിക്കണമെന്നും സംഘാടകർ വ്യക്​തമാക്കി. തൊഴിലാളികളുടെ ക്ഷേമത്തിന്​ മുൻഗണന നൽകിയാണ്​ എക്​സ്​പോയുടെ പ്രവർത്തനം. അന്താരാഷ്​ട്ര ലേബർ ഓർഗനൈസേഷൻ, ഐക്യരാഷ്​ട്രസഭ എന്നിവയുടെ ക്ഷേമനയങ്ങളുമായി ബന്ധപ്പെട്ടാണ്​ എക്​സ്​പോയുടെ പ്രവർത്തനം.

തൊഴിലാളികൾക്ക്​ അവകാശപ്പെട്ട സൗജന്യങ്ങൾ തൊഴിലുടമ നൽകണമെന്നാണ്​ തങ്ങളുടെ നയം. വിസ, വിമാന ടിക്കറ്റ്​, ഫീസ്​ എന്നിവ തൊഴിലുടമയാണ്​ വഹിക്കേണ്ടത്​. അതിനാൽ, എക്​സ്​പോയി​ലെ ജോലിയുടെ പേരിൽ പണം നൽകരുതെന്നും അധികൃതർ വ്യക്​തമാക്കി.

തട്ടിപ്പ്​ ഇങ്ങനെ

0504058211 എന്ന നമ്പറിൽ വാട്​സ്​ആപ് മെസേജ്​ അയക്കാൻ ആവശ്യപ്പെട്ടാണ്​ തട്ടിപ്പി​െൻറ തുടക്കം. ബിസിനസ്​ അക്കൗണ്ടാണിത്​.

എക്​സ്​പോ 2020യുടെ പഴയ ലോഗോയാണ്​ ഇതി​െൻറ പ്രൊഫൈൽ ചിത്രമായി ഉപയോഗിച്ചിരിക്കുന്നത്​. ഈ നമ്പറിൽ മെസേജ്​ അയക്കുന്നതോടെ ഓ​ട്ടോമാറ്റിക്​ മറുപടി ലഭിക്കും. 'ഞങ്ങളുമായി ബന്ധപ്പെട്ടതിന്​ നന്ദി. തൊഴിലാളികളെ എക്​സ്​പോ നേരിട്ട്​ റിക്രൂട്ട്​ ചെയ്യുന്നില്ല. യു.എ.ഇയിൽ തൊഴിലില്ലാതെ കുടുങ്ങിക്കിടക്കുന്നവർക്ക്​ വിവിധ സ്​ഥാപനങ്ങളിൽ ക്ലീനർ, സെക്യൂരിറ്റി ഒഴിവുകളിൽ ജോലി നൽകാൻ തയാറാണ്​. ഇത്തരത്തിൽ ​ആരെയെങ്കിലും അറിയാമെങ്കിലോ നിങ്ങൾക്ക്​ താൽപര്യമുണ്ടെങ്കിലോ താഴെ കാണുന്ന ലിങ്കിലെ സർവേ പൂർത്തിയാക്കുക'... ഇതാണ്​ ലഭിക്കുന്ന മറുപടി.

ലിങ്കിൽ ക്ലിക്ക്​ ചെയ്യുന്നതോടെ എക്​സ്​പോ വർക്കർ വെൽഫെയർ സർവേ എന്ന വെബ്​ പേജിലേക്കാണ്​ പാകുന്നത്​. എക്​സ്​പോ 2020യുടെ ലോഗോയാണ്​ ഈ പേജിന്​ ഉപയോഗിച്ചിരിക്കുന്നത്​. നിങ്ങൾ യു.എ.ഇയിലുള്ള ​െതാഴിൽരഹിതനാണെങ്കിൽ താഴെ കാണുന്ന ചോദ്യങ്ങൾക്ക്​ ഉത്തരം നൽകുക എന്നാണ്​ സൈറ്റിൽ കാണിക്കുന്നത്​.

നിങ്ങൾക്ക്​ ഉചിതമായ സ്​ഥാപനങ്ങളിൽ ജോലി ലഭിക്കാൻ ഞങ്ങൾ സഹായിക്കാം എന്നും പറയുന്നു. പേര്​, ജനന തീയതി, ​രാജ്യം, യു.എ.ഇയിൽ എത്തിയ ദിവസം, വിസ വിവരങ്ങൾ, താമസവിവരം, ആഗ്രഹിക്കുന്ന ജോലി, ഭാഷ, ഇ–മെയിൽ വിലാസം, കോൺടാക്​ട്​ നമ്പർ എന്നിവയാണ്​ ഇവി​െട നൽകേണ്ടത്​. ക്ലീനർ, സെക്യൂരിറ്റി, ടെക്​നീഷ്യൻ എന്നീ പോസ്​റ്റുകളാണ്​ ഇവിടെ സൂചിപ്പിച്ചിരിക്കുന്നത്​. ഈ വിവരങ്ങളുടെ അടിസ്​ഥാനത്തിൽ ​ഇരയുമായി നേരിട്ട്​ ബന്ധപ്പെട്ടാണ്​ തട്ടിപ്പ്​ നടത്തുന്നത്​.