ജിമ്മി ജോർജ് വോളിബാൾ ടൂർണമെൻറിന് ഉജ്ജ്വല തുടക്കം
text_fieldsഅബൂദബി: അബൂദബി കേരള സോഷ്യൽ സെൻററും (കെ.എസ്.സി) യു.എ.ഇ എക്സ്ചേഞ്ചും ചേർന്ന് സംഘടി പ്പിക്കുന്ന 23ാമത് ജിമ്മി ജോർജ് സമാരക അന്താരാഷ്ട്ര വോളിബാൾ ടൂർണമെൻറിന് അബൂദബി എ മിറേറ്റ്സ് ഹെറിറ്റേജ് ക്ലബ് ഇൻഡോർ സ്റ്റേഡിയത്തിൽ വർണാഭമായ തുടക്കം. യു.എ.ഇ, ഇന്ത്യ രാജ്യങ്ങളുടെ ദേശീയ ഗാനാലാപനത്തോടെയാണ് പരിപാടികൾക്ക് തുടക്കം കുറിച്ചത്. തുടർന്ന് വിവിധ ഇൻഡോ-അറബ് നൃത്തരൂപങ്ങളും അരങ്ങേറി. ഫിനാബ്ലർ ഗ്രൂപ്പ് സി.ഇ.ഒ പ്രമോദ് മങ്ങാട്ട് മത്സരങ്ങളുടെ ഉദ്ഘാടനം നിർവഹിച്ചു. കെ.എസ്.സി പ്രസിഡൻറ് എ.കെ. ബീരാൻ കുട്ടി അധ്യക്ഷത വഹിച്ചു. എമിറേറ്റ്സ് ഹെറിറ്റേജ് ക്ലബ് മാനേജർ അഹമ്മദ് അൽ റുമൈത്തി, ടൂർണമെൻറ് കൺവീനർ സലീം ചിറക്കൽ തുടങ്ങിയവർ സംസാരിച്ചു. കെ.എസ്.സി കായിക വിഭാഗം സെക്രട്ടറി പി.പി. റെജീദ് സ്വാഗതവും കെ.എസ്.സി ജോയിൻറ് സെക്രട്ടറി നിർമൽ തോമസ് നന്ദിയും പറഞ്ഞു.
ഉദ്ഘാടന മത്സരത്തിൽ ഏകപക്ഷീയമായ രണ്ടു സെറ്റുകൾക്ക് എൻ.എം.സി ഹെൽത്ത് കെയർ ബിഗ് മാർട്ട് ദുബൈയെ പരാജയപ്പെടുത്തി. രണ്ടാം മത്സരത്തിൽ എവർ ഫ്രഷ് ദുബൈ ഖാൻ ക്ലബ് ഷാർജയെ ഏകപക്ഷീയമായ രണ്ടു സെറ്റുകൾക്ക് പരാജയപ്പെടുത്തി. ഫൈനൽ മത്സരദിനമായ മേയ് 25 വരെ എല്ലാ ദിവസവും രാത്രി 8 .30ന് മത്സരങ്ങൾ ആരംഭിക്കും. പ്രവേശനം സൗജന്യമാണ്. ഇന്ത്യ, യു.എ.ഇ, പാകിസ്താൻ, ഈജിപ്ത്, ലെബനാൻ, ക്യൂബ, സെർബിയ, റഷ്യ തുടങ്ങി വിവിധ രാജ്യങ്ങളിലെ ദേശീയ^അന്തർദേശീയ വോളിബോൾ താരങ്ങൾ ടൂർണമെൻറിൽ അണിനിരക്കുന്നുണ്ട്. വൻ ജനാവലിയാണ് ആദ്യ ദിനം മത്സരം വീക്ഷിക്കാൻ സ്റ്റേഡിയത്തിൽ എത്തിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.