Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഝുലാൻ ഗോസ്വാമിയും...

ഝുലാൻ ഗോസ്വാമിയും തുഷാർ അറോത്തയും വരുന്നു; പെൺകുട്ടികളെ ക്രിക്കറ്റ്​ പഠിപ്പിക്കാൻ

text_fields
bookmark_border
ഝുലാൻ ഗോസ്വാമിയും തുഷാർ അറോത്തയും വരുന്നു; പെൺകുട്ടികളെ ക്രിക്കറ്റ്​ പഠിപ്പിക്കാൻ
cancel
camera_alt????? ???????, ????? ????????

ദുബൈ: ദുബൈയിലെ പെൺകുട്ടികളെ ക്രിക്കറ്റ്​ പഠിപ്പിക്കാൻ ഇന്ത്യൻ വനിതാ ടീം കോച്ചും മുൻ വനിതാ ക്യാപ്​റ്റനും എത്തുന്നു. അന്താരാഷ്​ട്ര ഏകദിന വനിതാ ക്രിക്കറ്റി​​െൻറ ചരിത്രത്തിൽ ഏറ്റവും കൂടുതൽ വിക്കറ്റ്​ വീഴ്​ത്തിയവരിൽ ഒരാളായ ഝുലാൻ ഗോസ്വാമിയും ഇന്ത്യൻ ​ടീമിനെ ലോകകപ്പ്​ ഫൈനൽ വരെയെത്തിച്ച കോച്ച്​ തുഷാർ അറോത്തയുമാണ്​ ദുബൈയിലെത്തുന്നത്​. ജി ​േഫാഴ്​സ്​ ക്രിക്കറ്റ്​ അക്കാദമി നടത്തുന്ന പരിശീലന പരിപാടിയുടെ ഭാഗമായി ഇൗ മാസം അവസാന വാരം നടക്കുന്ന മൂന്ന്​ ദിവസത്തെ ക്രിക്കറ്റ്​ ക്ലിനിക്കിൽ ഇവർ കുട്ടികൾക്ക്​ ക്രിക്കറ്റ്​ തന്ത്രങ്ങൾ പകർന്നുകൊടുക്കും. വനിതാ ​ക്രിക്കറ്റിന്​ ആഗോളതലത്തിൽ ആരാധകർ കൂടുന്ന സാഹചര്യത്തിലാണ്​ ജി ഫോഴ്​സും വനിതാ ക്രിക്കറ്റിന്​ പ്രാധാന്യം നൽകുന്നത്​. ഇൗ വർഷം ആദ്യമാണ്​ അക്കാദമി പെൺകുട്ടികൾക്ക്​ പരിശീലനം കൊടുക്കാൻ തുടങ്ങിയത്​. നിലവിൽ മലയാളികളടക്കം 20 പെൺകുട്ടികൾ പരിശീലനം നേടുന്നുണ്ട്​.

വിവിധ രാജ്യങ്ങളിൽ നിന്നുള്ള 200 ആൺ കുട്ടികളും ഇവിടെ പരിശീലിക്കുന്നുണ്ട്​.  കാതറിൻ ഫിറ്റ്​ സ്​പാട്രിക്കിന്​ ശേഷം ലോകത്തിൽ ഏറ്റവും വേഗത്തിൽ പന്തെറിയുന്ന ക്രിക്കറ്റ് കളിക്കാരിയാണ് ഝുലാൻ. ഐ.സി.സി. ഏകദിന വനിതാ റാങ്കിങ്ങിൽ ബൗളിംഗിൽ  ഒന്നാം സ്ഥാനത്തുമാണ്​ ഇൗ ഒാൾ റൗണ്ടർ. മിതാലി രാജിന്​ മുമ്പ്​ ഇന്ത്യൻ ക്രിക്കറ്റ്​ ടീമി​​െൻറ നായികയായിരുന്നു.  ബംഗാൾ, കിഴക്കൻ മേഖല ടീമുകൾക്കുവേണ്ടിയും ദേശീയ വനിതാ, ഏഷ്യൻ ഇലവൻ ടീമിനുവേണ്ടിയും കളിച്ചിട്ടുണ്ട്. പതിനഞ്ചാം വയസ്സിൽ പരിശീലനത്തിനായി ഇവർ ഈസ്റ്റ് കൊൽക്കത്തയിലുള്ള ചക്ക്ദാഹയിൽ നിന്നും സൗത്ത് കൊൽകത്തയിലുള്ള വിവേകാനന്ദ പാർക്ക്​ വരെ ദിവസവും 80 കിലോമീറ്റർ യാത്ര ചെയ്​തിരുന്നു. രഞ്ജി ട്രോഫിയിൽ കിഴക്കൻ മേഖലക്കു വേണ്ടി എയർ ഇന്ത്യക്കെതിരായി കളിച്ച കളിയിലാണ് ഝുലാൻ കാണികളുടെ ശ്രദ്ധപിടിച്ചുപറ്റാൻ തുടങ്ങിയത്.  2011ൽ ഐ.സി.സി. വനിതാ ക്രിക്കറ്റ് ചാമ്പ്യൻഷിപ്പിൽ വനിതാ ക്രിക്കറ്റർ ആയി തിരഞ്ഞെടുക്കപ്പെട്ടു. 2002 ൽ ഇന്ത്യക്കുവേണ്ടി ഇംഗ്ലണ്ടിലെ ടെസ്റ്റ് സിരീസിൽ മികച്ച പ്രകടനം കാഴ്ചവച്ചു.

2005 ലെ ആസ്ട്രേലിയൻ പര്യടനത്തിനും ലോകകപ്പിനും ഡെന്നീസ് ലിലിയാണ്​ ഇവർക്ക്​ മാർഗ നിർദേശങ്ങൾ നൽകിയിരുന്നത്​. 15 വർഷമായി ഇന്ത്യക്ക്​ വേണ്ടി കളിക്കുന്ന ഇൗ ഒാഫ്​ സ്​പിന്നർ 164 ഏകദിനങ്ങളിൽനിന്ന്​ 195 വിക്കറ്റ്​ വീഴ്​ത്തിയിട്ടുണ്ട്​. 10 ടെസ്​റ്റുകളിൽ നിന്നുള്ള സമ്പാദ്യം 40 വിക്കറ്റാണ്​. ഒരു കളിയിൽ 10 വിക്കറ്റും മൂന്ന്​ കളികളിൽ അഞ്ച്​ വിക്കറ്റ്​ നേട്ടവും കൈവരിച്ചിട്ടുണ്ട്​. 18 വർഷത്തിനിടെ ബറോഡക്ക്​ വേണ്ടി 114ഫസ്​റ്റ്​ ക്ലാസ്​ മൽസരങ്ങളിലും പ​െങ്കടുത്തു. 13 സെഞ്ച്വറിയടക്കം 6105റൺസാണ്​ ബാറ്റിംഗിലെ നേട്ടം. ബറോഡക്ക്​ വേണ്ടി 100 ൽ കൂടുതൽ മൽസരം കളിച്ച തുഷാർ ബാലചന്ദ്ര അറോത്തെയും ഒാൾ റൗണ്ടറാണ്​. 2004 ൽ ബറോഡ അസിസ്​റ്റൻറ്​ കോച്ചായാണ്​ പരിശീലന രംഗത്തേക്ക്​ കടന്നത്​. 2010 ൽ ത്രിപുരയുടെ കോച്ചും പിന്നീട്​ ചത്തീസ്​ഗഡ്​ കോച്ചുമായി. 2013 മുതൽ ഇന്ത്യൻ വനിതാ ടീമിനെ പരിശീലിപ്പിക്കുകയാണ്​.

Show Full Article
TAGS:Jhulan Goswami tushar arora gulf news malayalam news 
News Summary - jhulan goswami tushar arora-uae-gulf news
Next Story