നാലാം തവണയും ജീപ്പാസ്​ സൂപ്പർബ്രാൻറ്​

ദുബൈ: യു.എ.ഇയിലെ മികച്ച ബ്രാൻറുകളുടെ മുൻനിരയിൽ തുടർച്ചയായി നാലാം തവണയും ജീപ്പാസ്​. 2015 മുതലാണ്​ വെസ്​റ്റേൺ ഇൻറർനാഷനൽ ഗ്രൂപ്പി​​​െൻറ അഭിമാന ബ്രാൻറായ ജീപ്പാസ്​ സൂപ്പർബ്രാൻറ്​ ബഹുമതി നിലനിർത്തിവരുന്നത്​. കഴിഞ്ഞ ദിവസം ദുബൈയിൽ നടന്ന വർണാഭമായ ചടങ്ങിൽവെച്ച്​ സൂപ്പർബ്രാൻറ്​സ്​ കൗൺസിൽ ചെയർമാൻ മൈക്​ ഇംഗ്ലിഷിൽ നിന്ന്​ വെസ്​റ്റേൺ ഇൻറർനാഷനൽ ഗ്രൂപ്പ്​ ഡയറക്​ടർ ഫായിസ്​ ബഷീർ സൂ​പ്പർബ്രാൻഡ്​സ്​ അവാർഡ്​ ഏറ്റുവാങ്ങി.  

ഏറ്റവും മികച്ച ഉൽപന്നങ്ങൾ മിതമായ വിലയിൽ  ഉറപ്പാക്കാൻ നിരന്തമായി പരിശ്രമിക്കുന്ന ജീപ്പാസിന്​ ലഭിച്ച നേട്ടങ്ങൾക്കെല്ലാം ഉപഭോക്​താക്കളുടെ ശക്​തമായ പിന്തുണ മുഖ്യകാരണമാണെന്ന്​ എക്​സിക്യുട്ടിവ്​ ഡയറക്​ടർ നിസാർ ടി.എൻ പറഞ്ഞു.  ഇലക്​ട്രോണിക്​ ഉൽപന്നങ്ങൾ, ഗൃഹോപകരണങ്ങൾ, അടുക്കള ഉപകരങ്ങൾ, വ്യക്​തിഗത ആവശ്യത്തിനുള്ള ഉപകരണങ്ങൾ, ലൈറ്റുകൾ, പവർടൂളുകൾ, ബാത്ത്​ ഫിറ്റിങ്ങുകൾ എന്നിങ്ങനെ വൈവിധ്യമാർന്ന രീതിയിൽ  1500 ലേറെ ഉൽപന്നങ്ങളുമായി ലോകത്തെ മുൻനിര ഇലക്​ട്രോണിക്​ ബ്രാൻറായി മുന്നേറുന്ന ജീപ്പാസ്​ വരും വർഷങ്ങളിലും സൂ​പ്പർബ്രാൻറ്​ സ്​ഥാനം നിലനിർത്തുമെന്നും അദ്ദേഹം പറഞ്ഞു.