ഭക്ഷ്യസുരക്ഷ മാനേജ്​മെൻറി‍െൻറ ഉത്തരവാദിത്തം

ഭക്ഷ്യസുരക്ഷ ഉറപ്പാക്കേണ്ടത്​ ഫുഡ്​ എസ്​റ്റാബ്ലിഷ്​മെൻറ്​ ഓപറേറ്ററുടെ ഉത്തരവാദിത്തമാണ്​. ഭക്ഷ്യസുരക്ഷ സംബന്ധിച്ച നിയമങ്ങളും ചട്ടങ്ങളും മാനേജ്മെൻറാണ്​​ നിരീക്ഷിച്ച്​ ഉറപ്പാക്കേണ്ടത്​. ഇതിനായി മാനേജ്​മെൻറ്​ പേഴ്​സൻ ഇൻ ചാർജിനെ (പി.ഐ.സി) ചുമതലപ്പെടുത്തണം. എല്ലാ ഭക്ഷ്യസ്​ഥാപനങ്ങളിലും മുഴുവൻ സമയവും കുറഞ്ഞത്​ ഒരാളെങ്കിലും ചുമതലയിലുണ്ടായിരിക്കണമെന്നാണ്​ അധികൃതരുടെ നിർദേശം.

പി.ഐ.സിയെ നിയമിക്കുമ്പോൾ

24 മണിക്കൂർ തുറക്കുന്ന സ്ഥാപനമാണെങ്കിൽ ഓരോ ഷിഫ്റ്റിലും പി.ഐ.സി ഉണ്ടായിരിക്കണം.

സുരക്ഷയെ സ്വാധീനിക്കുന്ന എല്ലാ പ്രവർത്തനങ്ങളും സജീവമായി മേൽനോട്ടം വഹിക്കുക എന്നത് ഇയാളുടെ ഉത്തരവാദിത്തമാണ്.

ഭക്ഷ്യസുരക്ഷ നിയമങ്ങളെയും തത്ത്വങ്ങളെയും സമ്പ്രദായങ്ങളെയുംകുറിച്ച്​ അറിവുണ്ടായിരിക്കണം.

ദുബൈ മുനിസിപ്പാലിറ്റി ഭക്ഷ്യസുരക്ഷ വകുപ്പി‍െൻറ അംഗീകൃത ട്രെയിനിങ് കമ്പനികളിൽനിന്ന്​ പരിശീലനവും അംഗീകാരവും ലഭിക്കണം.

പി.ഐ.സിയുടെ ജോലി കരാർ അവസാനിക്കുമ്പോൾ സ്ഥാപനങ്ങൾക്ക് 30 ദിവസം വരെ പുതിയ പി.ഐ.സിയെ നിയോഗിക്കാൻ സമയം എടുക്കാം.

നിർദിഷ്​ട പി.ഐ.സി അംഗീകൃത ട്രെയിനിങ് സ്ഥാപനങ്ങളിൽ ചെന്ന് ട്രെയിനിങ് എടുത്ത് സർട്ടിഫൈ ആകുന്നതിന്​ 45 ദിവസം വരെ എടുക്കാം.

പരിശീലനത്തിനുമുമ്പ്​​ ഫുഡ് വാച്ച് പ്ലാറ്റ്‌ഫോമിൽ രജിസ്​റ്റർ ചെയ്യുകയും അംഗീകൃത ഉപയോക്താവാകുകയും ചെയ്യണം.

പി.ഐ.സിക്ക്​ ദുബൈ മുനിസിപ്പാലിറ്റി ഓൺലൈൻ സേവനങ്ങൾക്കായി നൽകുന്ന ഫുഡ്​വാച്ച്​ വിവരങ്ങളും യൂസർ നെയിമും പാസ്​വേഡും മറ്റാരുമായും പങ്കിടരുത്​.

ഫുഡ്​വാച്ചിൽ രേഖപ്പെടുത്തണം

കീടനിയന്ത്രണം, ജീവനക്കാരുടെ അസുഖം, ഭക്ഷണ ഡെലിവറിയുമായി ബന്ധപ്പെട്ട ​പ്രശ്​നം, ഭക്ഷണം വിതരണം ചെയ്യുന്ന വാഹനവുമാായി ബന്ധപ്പെട്ട വിഷയങ്ങൾ.

പി.ഐ.സിയുടെ ഉത്തരവാദിത്തങ്ങൾ

സ്ഥാപനത്തിൽ എല്ലാവരും ഭക്ഷ്യസുരക്ഷ നിയമങ്ങളും നടപടിക്രമങ്ങളും പാലിക്കുന്നുണ്ടെന്ന് ഉറപ്പാക്കണം.

ഭക്ഷണത്തി​‍െൻറ ഉൽപാദനം, വിൽപന, വിതരണം എന്നീ സമയങ്ങളിൽ സുരക്ഷ ഉറപ്പാക്കാൻ ജീവനക്കാർ ഭക്ഷ്യസുരക്ഷ മാനദണ്ഡങ്ങൾ പാലിക്കുന്നുണ്ടെന്ന്​ ഉറപ്പാക്കണം.

സ്‌ഥാപനത്തിൽ പതിവായി പരിശോധന നടത്തണം

അപകടസാധ്യത കണ്ടെത്തുകയും പരിഹരിക്കുകയും തിരുത്തൽ നടപടി എടുക്കുകയും ചെയ്യണം.

ജീവനക്കാർ ജോലി ആരംഭിക്കുംമുമ്പ്​​ ഉചിതമായ ഭക്ഷ്യസുരക്ഷ പരിശീലനവും ജോലിസംബന്ധമായ പരിശീലനവും നേടിയിട്ടുണ്ട് എന്ന് ഉറപ്പുവരുത്തുക.

പരിശീലനം ലഭിച്ച ജീവനക്കാർ കഴിവുള്ളവരും ആവശ്യാനുസരണം ചുമതലകൾ നിർവഹിക്കുന്നവരുമാണ് എന്ന് ഉറപ്പുവരുത്തുക.